Ŋwà’ne Jâŋ 12:6 - Nouveau Testament en Ngienboum

⁶ Jẅidas lɔ̌ɔn tě ńgɔɔn pú’u, séen ńtsɔ́ɔn pɔ́ mezìŋe mepóŋ wɔ́, à laa ntsǒŋ, á nue yé zɔ lɔ̌ɔn ńgẅiin mûɔ pɔ̀ɔn nkáb wɔba Yěsô, mé ńnéŋe nkáb tsoló á jʉʉ.

Ŋwà’ne Jâŋ 12:6 Referans Kwoze

Ŋwà’ne Jâŋ 13:29

Tsɔ́ pʉ̀a ne ńkwaŋa ngie à gɔɔn ngie Jẅidas gʉa ńjú sɔ́ba pɔ̌ shúm línɔ́ɔn, ka pɔ́ ngie à náa mmó mbwo mepóŋ wɔ́, á nue yé zɔ lɔ̌ɔn ńgẅiin mûɔ pɔ̀ɔn nkáb wɔba pɔ̌.

Ŋwà’ne Jâg 2:6

Tá ńgʉa ná pi, mbà pi kéen ńcʉŋ nzẅìŋ mefÿɔg. Tá megàŋa mmó zɔ̌ téen sẅɛ́ɛ gẅi wɔ́ le? Pɔ́ zɔ̌ téen ńgwá ńdɔgɔ gẅi ńgiŋe mendá tsǎŋ wɔ́ le?

Ŋwà’ne Jâg 2:2

Pege gɔɔn ngie pʉ̀a mépʉ́a kǔ tsɛ̀ɛ *ndá cú’tè gí, tà’ nyìŋ jÿɔ́gɔ kwáŋ gẅie à cÿɔ́g nkáb, ḿma’ menzsǒ nkáb. Wetsɔ̌ ma’ yé pɔ́ metsyàg nzsǒ.

1 Tesalonika 5:22

ḿbú ńkÿo nò tepòŋ ntsèm.

Galatia 2:10

Pɔ́ gɔɔn né peg pɔ́ ndà’ ngie peg kímte mépoŋ pie ée tsɛ̀ɛ cú’tè pʉ̀a Kristo Yerósalem. N ka kě ńkímte wɔ́b kwà’ mboŋó.

Ŋwà’ne Jâŋ 10:13

Wɛ̌ nyìŋ gwá’a *menjʉ̀njÿò ńkÿo, mélà’mie à ka tǒ pɔ́ ńdab nkáb. Ncʉ̀ŋ *menjʉ̀njÿò té ne ńkúu yé wɔ́.

Matio 21:13

ńdeen ńgɔɔn né pɔ́b ngie: Áa tsɛ̀ɛ ŋwà’ne Ssé, e Ssé gɔɔn ngie: «Mé ge lá’a tóŋo ndá yɔ̀ɔn ngie: Ndá sẅíŋtè Tá pi ne ńdɔgɔ ńgÿo nkʉ̀a metsǒŋ»

Lukase 8:3

ńgÿo Jâne, nzwě Shuza gẅie à laa mentsindá fùɔ *Herôd, tà mbɔɔ Sesánɔɔn, ńgÿo petsɔ́ pànzwě. Pɔ́ metsèm gwɔ́ nzèm Yěsô ńdɔgɔ nkáb yɔb ńtóonte Yěsô lâ *ngàŋa kwò yé nà fa’a yɔ́b.

Ŋwà’ne Jâŋ 12:5

Mélà’a kɔ́ mé ně tè sẅiŋe yɔɔn laméndɔɔn ńkẅé *mendenie nkÿo tá, ńná né mepóŋ wɔ́?