Ŋwà’ne Jâŋ 12:26 - Nouveau Testament en Ngienboum

²⁶ Nyìŋ lɔɔn ne fa’a mbwo mèŋ, á cʉ́me nzèm mèŋ. Àjʉ’ gie mèŋ n gee wó la, ngàŋa fà’ wɔ̀ɔn gÿo ńgwɔ́ yé wó. Nyìŋ lɔɔn ne fa’a mbwo mèŋ, mbà Tá wɔ̀ɔn ge gÿo ná mekù’ mé.

Ŋwà’ne Jâŋ 12:26 Referans Kwoze

Galatia 1:10

Pi shwóŋó wɔ̀ɔn, anò gie mèŋ fóo légɔɔn lɔɔn, á nyɛɛ ngie mèŋ n ne ńtsɔ́ɔn ngie nò yɔ́ɔn poŋ pʉ̀a mesoŋ kà ngie à poŋ pɔ́ Ssé? Mèŋ n gee pá’a ńne ńtsɔ́ɔn légÿo mmó gie á ge poŋ pʉ̀a mesoŋ ka? Á gwé’e pé’è, mèŋ n ne fa’a mbɔɔ légÿo mmó gie á poŋ pʉ̀a mesoŋ, mbà mèŋ n te gíŋe ńgwɔ́ nyìŋ gẅie à kwa’ fa’a fà’a Kristo wɔ́.

Kolosia 3:24

Tà pi lege ngie Cʉ̀apʉ̀a Kristo zɔ ge lá’ tsɔ́’ɔ fà’a gí, é gʉa ná shúm sé, é náa gí, á nue yé zɔɔ kwà’ nyìŋ gẅie pi fa’a mbwo ye.

Roma 1:1

Yɔɔn ŋwà’ne fóo mbwo mèŋ Pɔl, nyìŋ gẅie á fa’a fà’ Yěsô Kristo, e Ssé la tóŋo wɔ̀ɔn ńdɔg ńgÿo ngàŋ ntúm Yěsô Kristo, ńzába wɔ̀ɔn ngie n gʉa ńtsẅi Nkʉ̀ Mbòŋo wé mbwo lá’.

Ŋwà’ne Jâŋ 17:24

Tá wɔ̀ɔn, ɔ̀ la náa wɔ́b né mèŋ. Mèŋ m biŋ ne ńkwoŋo ngie pɔ́ gwɔ́ jʉ’ gie mèŋ n gee ne wó, ńgyá wɔ̀ɔn legú’, á legú’ gẅie ɔ̀ la náa mbwo mèŋ, á nue ɔ̀ la kwoŋo wɔ̀ɔn tà fó ńnyé pɔ́ tè nyɛte njÿó.

Ŋwà’ne Jâŋ 10:27

*Me njʉ̀njÿò mɔ́ɔn jú’ ngyè yɔɔn. Mèŋ n zsé wɔ́b, pɔ́ cʉ́me nzèm mèŋ.

2 Korento 5:8

Pege cʉ̌’ ńnéŋe pɔ́ nê lekág pá’ɔɔn, atwó mmó lÿò gie pege ne ńtsɔ́ɔn á gwɔ́ lékẅɛɛ tsɛ̀ɛ yɔɔn mbùm nnɛ́, ńgʉa ńcʉ́’ʉ ńnéŋe pɔ́ lejʉ́ŋ Cʉ̀apʉ̀a.

Jẅide 1:1

Àa mèŋ Jẅide, nyìŋ gẅie à fa’a fà’a Yěsô Kristo, ńgwɔ́ fɛ́ Jâg. N túmo yɔɔn ŋwà’ne ńnáa mbwo pi pie Tá wege Ssé la tóŋo gẅí. À kwoŋo gẅi ńne ńtÿɔ́’te gẅi ńdɔgɔ ńzẅí’te Yěsô Kristo.

1 Jâŋ 5:3

Á nue lekwoŋ Ssé aa pege létÿɔ́gɔ kwò ná mbʉ̌ mé, mbʉ̌ mé piŋ ńké tè tʉ ńcʉa wégè wɔ́.

2 Piɛ 1:1

Aa mèŋ Símo Piɛ, nyìŋ gẅie à fa’a fà’ Yěsô Kristo, ńgíŋ ńgwɔ́ ngàŋ ntúm we. Mèŋ n náa yɔɔn ŋwà’ne mbwo pi pie pi la záb ntʉ́m ná Yěsô Kristo pá’ peg yég. Lezǎb ntʉ́m ná Yěsô Kristo áa mmó tʉ̀ nzẅìŋ mbwo pi mbɔɔ mbwo peg yég. Yěsô Kristo yé maŋwɛ́ zɔ la gÿo pú’u, né pege, á nue à gÿo mmó nà wɔ̌ɔwɔɔ pɔ́ ndʉŋ ndʉŋ. Aa Ssé yege, ńgwɔ́ nyìŋ gẅie á gÿo pege tsẅɛ́ɛ.

2 Korento 4:5

Peg tè ne ńgwɔ tsẅii nkʉ̀ mbòŋo, éfa’a pɔ́ pá’ mé ge zsé wég wɔ́, peg fa’a pɔ́ pá’ mé ge zsé ngie Yěsô Kristo aa Cʉ̀apʉ̀a. Peg tyé ńgwɔ́ pɔ́ pafa’a fà’ pie éfa’a mbwo pi ńtí Yěsô,

Roma 14:18

Nyìŋ lɔɔn fa’a fà’ Kristo lê yɔɔn ntí, mbà nò yé ge poŋ Ssé, epʉ̀a mesoŋ piŋ ńná mekù’ ngàŋ.

Ŋwà’ne Jâŋ 15:20

Pi kímte nò gie mèŋ n da gɔɔn mbwo pi ngie: Mênkʉ́ fà’ tè fáŋ ńtɔ́gɔ tá fà’ we wɔ́, à lɔɔn ńgwɔ́ gie pɔ́ la pʉa wɔ̀ɔn, mbà pɔ́ gé gíŋ pʉa gẅi gí pɔ́ pú’u, ńgwɔ́ gie pɔ́ la kú’te shwóŋè yɔ́ɔn, mbà pɔ́ ge gíŋe kú’te gí pɔ́ pú’u.

Lukase 6:46

Yěsô gíŋe ńgɔɔn ngie: Mélà’a kɔ́ pi ne ńtóŋo wɔ̀ɔn lé Andè! Andè! MÀbiŋ ńké tè ne ńgÿo mmó gie mèŋ n tsẅǐ wɔ́?

Filipo 1:23

Menò mémbʉ́a mɔɔn mvfò mèŋ. Mèŋ n ne ńtsɔ́ɔn léfó ndùmo ssé tsetsá’ ńgʉa peg Kristo zɔ̌ cʉ́’ʉ ńnéŋe. Áa yɔ́ɔn twó ye mbòŋo mǒ.

Ŋwà’ne Jâŋ 14:3

Mèŋ n dɔɔn ńgÿo ńgʉa tà cwoŋte jʉ’ʉ gí, mbà mèŋ n ge piŋ nzèm fa’a gẅi pege gʉa. À cʉa pú’u, ajʉ’ gie mèŋ n ge lé wó, pi gíŋe ńgwɔ́ gí wó.

Ŋwà’ne Jâŋ 13:16

Tà mèŋ shwóŋó gẅí, kwà’ nénʉ́, anzì’i fà’ tè fáŋ ńtɔ́gɔ tá fà’ we wɔ́, angàŋ ntúm ké tè fáŋ ńtɔ́gɔ nyìŋ gẅie à ne ńtúmo yé wɔ́.

Lukase 9:23

Yěsô gÿo ńgɔɔn mbwo pʉ̀a metsèm ngie: Nyìŋ lɔɔn nge gwɔ́ wɔɔn nyìŋ, á gwága twó mbùm yé, ńkaa yé tÿǒ nkǐ ńdɔg ńzẅíŋe lékwé, tá ńcʉ́me nzèm mèŋ.

Matio 25:21

Tá we gɔɔn né yé ngie: Áa mboŋ, ɔ́ɔ ngàŋa fà’ we mbòŋo, ɔ̀ ka gÿo mmó gie n ka ne ńzẅí’te mbwó gù, pá’ ɔ̀ ka pɔ́ɔn mûɔ mémmó mboŋó la, mèŋ n ge cʉ́me shúm mbwó gù tɛ’. Tóo pɔgɔ pú ńkág.

Ŋwà’ne Ngyà jʉ’ 14:4

ée pʉ̀a pie pâ panzwě la tè gÿo menò ncÿǒ wɔ́, pɔ́ gwɔ́ pɔ́ pʉ̀a pie pɔ́ laa mánzwě zsé. Mûɔ *Njʉ̀njÿò gʉa nzɔ̌ wɔ́, pɔ́ zse pɔ́ nzèm ye, ée pʉ̀a pie mé la gʉa tsetsɛ̀ɛ pʉ̀a mesoŋ ńcu’u wɔ́b, pɔ́ gwɔ́ mvfò Ssé mbɔɔ mvfò Mûɔ *Njʉ̀njÿò, ńgwɔ́ pɔ́ pá’ ntwó mmó gie é fǒ nká’ la,

Kolosia 4:12

Epafalas gẅie aa nyìŋ lá’ gẅi, a tsyɛ’té gẅí. Wɔɔn nyìŋ gẅie a fà’ fà’ Kristo ńnéŋe ngwòŋ fʉ̀’ ntsèm, ńne ńdɔgɔ lésẅíŋte Ssé, ḿma’a ncù ná twó sí. À gÿo pú’u, légwɔ́ gie pi ge tʉ tʉ ná nò Yěsô, atsɔ́ mmó le gíŋ ńzága ná pi wɔ́, pi ńnéŋe ngwòŋ fʉ̀’ ntsèm, ńzẅíŋ pɔ́ légÿo mmó gie e Ssé ne ńkwoŋo ngie pi gÿo.

Ŋwà’ne Jâŋ 21:22

Yěsô tsɔ́’ɔ mbwo yé ngie: Mèŋ n dɔɔn ńkwoŋ ngie à gwɔ́ pɔ́ wó tà mèŋ n dá’ ḿbiŋ nzèm, mbà à jú áa mǒ ńgwɔ́ kɔ́? Cʉ́m jú pɔ́ nzèm mèŋ.

Ŋwà’ne Jâŋ 14:15

Pi lɔɔn ńkwoŋo wɔ̀ɔn, mbà pi ge gÿo kú’te mbʉ̌ mɔ́ɔn.

Malékuse 8:34

Ńdeen ńké ńtóŋo lá’ mbɔɔ *ngàŋa kwò yé, ńgɔɔn né pɔ́b ngie: Nyìŋ lɔɔn ńge gwɔ́ wɔ̀ɔn nyìŋ, á gwága twó mbùm yé, ńkaa yé tÿǒ nkǐ ńdɔg ńzẅíŋe lékwé, tá ńcʉ́me nzèm mèŋ.

Matio 16:24

Yěsô gíŋe ńgɔɔn mbwó *ngàŋa kwò yé ngie: Nyìŋ lɔɔn nge gwɔ́ wɔ̀ɔn nyìŋ, á gwága twó mbùm yé, ńkaa yé tÿǒ nkǐ ńdɔg ńzẅíŋe lékwé, tá ńcʉ́me nzèm mèŋ.

Lukase 12:37

Pàshÿó mbòŋo ée ngàŋa fà’ gie tá fà’ wɔ́b gwaa tó, mbà pɔ́ kaa lyé. Oon, mèŋ shwóŋó gẅí, á gwɔ́ nénʉ́, à ge tém nzsǒ fà’, é tsẅi megàŋa fà’ pé ńnéŋe ssé, à lɔg shúm ńcʉa, ńgab pɔ́ pfɛ́.