Ŋwà’ne Jâŋ 12:18 - Nouveau Testament en Ngienboum

¹⁸ Áa mmó gie á la gÿo tá lá’ kẅɛ, ńgʉa ńzá’a Yěsô, mélà’mie pɔ́ la jú’ pá’ à gÿǒ yɔɔn nò mmɔɔn mmɔɔn.

Ŋwà’ne Jâŋ 12:18 Referans Kwoze

Ŋwà’ne Jâŋ 12:11

Ńgɔɔn pú’u, mélà’mie lelÿò pà Yuda ka fǒ pɔ́ nà nò Nǎzalo, ńcʉ́’ʉ ńkÿo wɔ́b kÿo, ńzába ntʉ́m pɔ́ ná Yěsô.

Lukase 19:37

Á gʉa tà ne fóo lekwɛ́ metÿǒ olive ńcwoŋo, *ngàŋa kwò yé gie é laa nzèm ye tà ńgwɔ́ pɔ́ lá’ zye lékág, ńdɔg ngyè tetʉ́ʉ ńgu’te Ssé nà menò mmɔɔn mmɔɔn mie pɔ́ lǎ gyá Yěsô gÿo,

Ŋwà’ne Jâŋ 2:11

Wɔɔn aa pá’ Yěsô la zye légÿo menò mmɔɔn mmɔɔn. Á laa Kána, á tsɛ̀ɛ pàga ngwòŋ Galilea, Yěsô lɔg pú’u, ńda’te legú’ we. *Ngàŋa kwò yé záb ntʉ́m ná yé.

Ŋwà’ne Jâŋ 6:2

Alá’ ne ńcʉ́me nzèm yé tɛ’, á nue pʉ̀a la ne ńgyá menò mmɔɔn mmɔɔn mie à la ne ńgÿo nà megàŋa guɔ.

Ŋwà’ne Jâŋ 12:12

Njÿó gÿo ńdʉ́a, alá’ gie á tǒ línɔ́ɔn Páska jú’ ngie Yěsô ne ńtóo né Yerósalem,

Ŋwà’ne Jâŋ 12:19

Pà *farisay gyá pú’u, ńgɔɔn tsetsɛ̀ɛ pɔ́b ngie: pi kaa gyá ka. Atsɔ́ mmó gie à lɔɔn ńgwɔ́ pege gÿo á té wó wɔ́. Alá’ cʉ́’ ńgwɔ́ pɔ́ nzèm ye.