Ŋwà’ne Jâŋ 12:17 - Nouveau Testament en Ngienboum

¹⁷ Alá’ la gwaa tó zá’a Yěsô, mbà pʉ̀a pie pɔ́ laa ssé fʉ̀’ gie Yěsô la gɔɔn né Nǎzalo ngie à fó tsɛ̀ɛ lesyè ńkẅɛ, á zíme ná legwé, la gwá ńdɔgɔ yɛ̌ nò ésa jʉ’.

Ŋwà’ne Jâŋ 12:17 Referans Kwoze

Ŋwà’ne Ngyà jʉ’ 1:2

Jâŋ ŋwɛ́ aa jʉ’ɔɔn ńne ńŋwe’e kɔ̀ɔkɔ́ɔ gie à ka gyǎ. Kwà’ yé ne ńgɔɔn ngie á fóo mbwo Ssé, ńgwɔ́ nò gie áa nénʉ́, mbà Yěsô Kristo ka gÿo mé zsé.

Megàŋ ntúm 5:32

Peg gɔɔn pá’ɔɔn ńgwɔ́ pàjÿó ńgyá nà mɔɔn menò. À Zẅìge Ndʉalʉ̌a gie Ssé ne náa mbwó pʉ̀a pie é ne ńjú’u ncwò wé zɔ̌ tsóte weg légɔɔn.

Ŋwà’ne Jâŋ 19:35

Nyìŋ gẅie à shwóŋó gẅi aa njÿò ńgyá nà kɔ̀ɔkɔ́ɔ gie á la cʉa. Á gwɔ́ kwà’ pá’ á la cʉa. Kwà’ yé lê twó yé ne ńnyɛte ńzsé ngie à gɔɔn nò nénʉ́, ńgɔɔn pá’ɔɔn légwɔ́ gie pi gí ge záb ntʉ́m ná yɔɔn nò.

Ŋwà’ne Jâŋ 12:9

Á gwaa gwɔ́, mbà pà Yuda tà ńgyɔ́ɔn jǔ’ ngie Yěsô aa Mbetáni, ńtóo wó, ńké tě séen ńtóo pɔ́ légyá Yěsô wɔ́, ńtóo pɔ́ légyá Nǎzalo gẅie Yěsô ka zíme yé nà legwé la.

Ŋwà’ne Jâŋ 21:24

Wɛ̌ *ngàŋa kwò Yěsô gẅie mé gɔɔn, la gyá mɔɔn menò, yé zɔ la ŋwe’e. Peg piŋ ne ńzsé ngie nò gie à gɔɔn áa nénʉ́.

Ŋwà’ne Jâŋ 11:42

Mèŋ n kɔ’ɔ́ ńne ńzsé ngie, n gɔɔn nò fʉ̀’e kɔ́ wɔ́, ɔ̀ jú’ ngyè yɔ̀ɔn. Tá’ mèŋ n gɔɔn pá’ɔɔn ńtí pɔ́ pʉ̀a pie pɔ́ tyéte lejʉ́ŋ mèŋ lɔɔn, ńgie pɔ́ zẅíŋ ngie gù zɔ la túmo wɔ̀ɔn.

Ŋwà’ne Jâŋ 11:31

Pà Yuda pie é ně ńtó létsí’i ntse nÿɔ́g mɔ́b Malîɛ, gyá pá’ à fǒ ndá ńkẅɛ lê tʉ̀, ńcʉ́m yɔ́b nzèm yé, ńne ńkwaŋa ngie à gee twó lesyè ńnéŋe wó tá lʉa.

Ŋwà’ne Jâŋ 1:34

Mèŋ n da gyá, tà mèŋ n ne sá’a shwóŋó pʉ̀a ngie aa Míŋ Ssé.

Ŋwà’ne Jâŋ 1:32

Jâŋ gíŋe ńgɔɔn tsɔ́ nò gie à zsé ná Yěsô, ńgie: Mèŋ n da gyá zẅìge Ssé sẅɛ́’ ńnéŋe ná yé, ńgwɔ́ pá’ Kàpʉ̀ŋ.

Ŋwà’ne Jâŋ 1:19

Jâŋ gÿo ńgɔɔn nò ńtí Yěsô. Á gwɔ́ tsɔ́ fʉ̀’, pàsá’a lá’ pà Yuda pie ée Yerósalem túm pànuŋe pwɔ́’ lâ pʉ̀a nà ngẅɛ̀ Lěvi, ńgie pɔ́ gʉa ńzɛ́te Jâŋ ngie: À gwɔ́ pɔ́ wɔ̌?