Ŋwà’ne Jâŋ 11:52 - Nouveau Testament en Ngienboum

⁵² Á le gwɔ́ pɔ́ ndà’ nà twó pà Yuda gílé pɔ́b wɔ́, á gíŋe ńgwɔ́ lélɔg ńtemte púɔ Ssé pie ée jʉ’ ntsèm, pɔ́ cʉ́’ʉ tà’ nùɔ.

Ŋwà’ne Jâŋ 11:52 Referans Kwoze

Ŋwà’ne Jâŋ 10:16

N giŋé ńgẅiin tsɔ́ *menjʉ̀njÿò mie é té tsɛ̀ɛ nká’ wɔɔn wɔ́. Á ně ńzɛ́te ngie mèŋ n gʉa ńdɔgɔ wɔ́b ńtó. Pɔ́b yɔ́b ge gÿo jú’ ngyè yɔ̀ɔn, à cʉa pú’u, nùɔ njʉ̀njyò gwɔ́ yémɔ’ɔ́, ambyɛ̀bɛ gwɔ́ wémɔ’ɔ́.

1 Jâŋ 2:2

À la zɔɔn ńdɔgɔ twó yé, ńnuŋe pwɔ́’ pá’ à lɔɔn ńgwɔ́ e Ssé lege menò tepòŋ mégè. Pá’ à lɔɔn ńgwɔ́ á le lege pɔ́ ndà’ mégè wɔ́, pá’ ńgwɔ́ á gíŋe ńdege me pʉ̀a mesoŋ ntsèm tsɛ̀ɛ njÿó.

1 Piɛ 1:1

Aa mèŋ Piɛ, ngàŋ ntúm Yěsô Kristo, mèŋ n náa yɔɔn ŋwà’ne mbwo pi pie Ssé la tsɔ́’ɔ gẅí, pi lěen sa jʉ’, ńgʉa né tsɛ̀ɛ ngwòŋ Pôŋ, á tsɛ̀ɛ we Galatia, á tsɛ̀ɛ we Kapadosia, á tsɛ̀ɛ we Azia, mbɔɔ tsɛ̀ɛ we Mbitinia. Pi ee tsɛ̀ɛ mengwòŋ ŋwɛ́ ńgwɔ́ megʉ̀.

Ŋwà’ne Ngyà jʉ’ 5:9

Melÿò pá, pâ menɔ̀ɔn pá ne ńzɔbɔ zɔ́bɔ ntsè ye sẅé ńgɔɔn tsoló ngie: Ɔ̀ ku’u nyìŋ gẅie ńgwɔ́ ɔ̀ kẅé ŋwà’ne, ńku’u nyìŋ gẅie ńgwɔ́ ɔ̀ nyɛ́’te lìi nŋwá’ gie mé la lɔg ńdyɛte. Mé la zẅé gú ńdɔg ńnuŋe pwɔ́’ Ɔ̀ la pfɛte metse mú ńdɔg ńcu’ pʉ̀a, ńcu’ tà mbɔɔ pʉ̀a pie ée ná yɛ̌ ngẅɛ̀ ndá wɔ́, tà mbɔɔ pʉ̀a pie é shwóŋó yɛ̌ shwóŋè wɔ́, tà mbɔɔ yɛ̌ ntí wɔ́, tà mbɔɔ pe wɛ̌ ngwòŋ wɔ́, ńcu’u wɔ́b pú’u, pɔ́ piŋe mbwo Ssé.

Roma 3:29

Á gwe’e ńgwɔ́ pú’u, mbà Ssé cʉ̌’ ńgwɔ́ pɔ́ ye pà Yuda gílé pɔ́b, tá’ e giŋé ńgwɔ́ Ssé pʉ̀a pie é té pà Yuda wɔ́.

Lukase 2:32

Á gwɔ́ kyɛ̀’ gie á ge gÿo mé zsé ɔ́ tsɛ̀ɛ njÿó ntsèm. Pú’u, ɔ̀ lɔg ńnáa legú’ mbwo Israel, á lá’ ɔ́.

Ŋwà’ne Jâg 1:1

Àa mèŋ Jâg, mèŋ fa’a fà’ Ssé, mbɔɔ ye Cʉ̀apʉ̀a Yěsô Kristo. Mèŋ n náa yɔɔn ŋwà’ne á mbwo pi púɔ Ssé pie ée nà mengẅɛ̀ ndá pà Israel ntsɔ̀b pʉ́a nê legém, mbà pɔ́ léen sa jʉ’ ntsèm tsɛ̀ɛ mengwòŋ. Mèŋ n tsyɛ’té gẅí.

Efeso 3:11

E Ssé ka gÿo pá’ɔɔn á lɔgɔ ḿbumte ná mmó gie à la záb tà ńnyé pɔ́ tè nyɛte njÿó, ńgie à ge lá’ fó ná Cʉ̀apʉ̀a wege Yěsô Kristo, é gÿo yɛ̌ mmó.

Efeso 1:5

ńzáb tà tyě sǎg tɛ’ ngie à ge cʉa ná Yěsô Kristo é gÿo pege cʉ́’ púɔ pé. Á gwɔ́ pɔ́ we lekwoŋ, ńké ḿboŋo yé tɛ’.

Roma 4:17

Ndʉŋ ndʉŋ pá’ ŋwà’ne Ssé ne ńgɔɔn ná yé ngie: «Mèŋ n zabá gú pá’ ɔ̀ ge gwɔ́ mangʉa njʉ’ pʉ̀a melá’a melá’». Ábalam aa mvfò Ssé gẅie yé Ábalam la záb ntʉ́m ná yé, ńgwɔ́ mangʉa njʉ’ wege, é gwɔ́ Ssé gie e gÿo mepfó gíŋe ńgwɔ́ wó, ńtóŋo mmó gie á zɔɔn tè wó wɔ́, á kẅɛɛ ńtyé.

Megàŋ ntúm 18:10

mélà’mie pɔgɔ zɔ pǔ ńgwɔ́ nùɔ. Atsɔ̌ nyìŋ tè ku’u légwoon gú tà ńgÿo nò tepòŋ ná gù wɔ́. Mèŋ n gɔɔn pá’ɔɔn, ńtí nue pʉ̀a pie ée pɔ́ɔn, ée tÿǒsoŋ yɔɔn tà ńgyɔ́ɔn.

Ŋwà’ne Jâŋ 12:32

Á gʉa ná mèŋ, mbà mé lɔɔn ńgÿo ńkwé’e wɔ̀ɔn tà náa tÿǒ, mbà mèŋ n ge shwoŋte pʉ̀a metsèm náa lejʉ́ŋ mèŋ.

Ŋwà’ne Jâŋ 1:29

Njÿó gÿo ńdʉ́a, Jâŋ gyá Yěsô ne ńtóo, á gɔɔn ngie: Wɔɔn aa Mûɔ *Njʉ̀njÿò gẅie Ssé lɔgɔ sẅɛ’ɛ ndòon menò mie pʉ̀a la gÿo.

Ŋwà’ne Jâŋ 1:12

Tá’, etsɔ́ pʉ̀a kúe yé, ńzáb ntʉ́m ná yé, á leen ńké ńnáa wɔ́b tʉ̀ lécʉ́’ púɔ Ssé.

1 Jâŋ 3:1

Pi gyá pá’ Tá wege kwoŋo wégè kwoŋ tà ńtóŋo wégè lê púɔ pé, éshwóŋó nò pege gwɔ́ pɛ̌. Tá pʉ̀a njÿó té wégè zsé, á nue pɔ́ la tè zsé nyìŋ gẅie e Ssé ee yé wɔ́.

1 Jâŋ 3:2

Meshǔ pɔ́ɔn pe tʉ̀ nzẅìŋ, pege ee fʉ̀’ɔɔn pá’ɔɔn ńgwɔ́ púɔ Ssé, tá’ ńtí gie pege ge gÿo gwɔ́ pú’u, e nyě ńgwɔ́ pɔ́ lelyěen. Pege kě ńne ńzsé ngie Kristo ge gÿo gwɔ́ tà kẅɛ, pege gyá yé pá’ aa jʉ’ó ńgwɔ́, ńgwɔ́ gie aa lêkɔ́ wɔ́, pege gwɔ́ yégè pɔ́ pú’u.

1 Jâŋ 3:10

Pi gyá mmó gie mé fó mǒ ńdɔg ńzsé púɔ Ssé, ńgíŋe ńzsé pe Sátà. Nyìŋ lɔɔn tè gÿo mmó gie áa ndʉŋ ndʉŋ mvfò Ssé wɔ́, ńké tè kwoŋo fɛ́ we wɔ́, mbà ngàŋ tè míŋ Ssé wɔ́.

Lukase 15:8

Pi gíŋe ńjú’u tsɔ́, manzwě lɔɔn ńgẅiin nkáb ye pàg legém, tà’a pàg pyé, mbà à ge gǎ? Mbà à tè lyɛɛ lâm, é jÿɔg ndá, é ta’ kʉ̀ŋe, é pʉ́le fa’ tà lá’ gyá wá?