Ŋwà’ne Jâŋ 11:50 - Nouveau Testament en Ngienboum

⁵⁰ Pi kaa gyá ngie áa mboŋó mbwo pi pá’ à lɔɔn ńgwɔ́ tà’ nyìŋ wémɔ’ɔ́ kwé nà twó lá’, ńcʉa lá’a ntsèm lépú ńdége wɔ́ keen?

Ŋwà’ne Jâŋ 11:50 Referans Kwoze

Ŋwà’ne Jâŋ 18:14

Yé Kaifa aa nyìŋ gẅie à la gɔɔn mbwo mekěm Pà Yuda ngie: Mvfò aa pá’ à lɔɔn ńgwɔ́ tà’ nyìŋ kwé nà twó lá’.

Lukase 24:46

Ńgɔɔn ngie: Áa tsɛ̀ɛ ŋwà’ne Ssé ńgwɔ́ ngie: *Nzà’nkÿo gẅíin lé lá’ ńgyá ngɔ́’, ńkwé, tá Ssé piŋ ńzíme yé nà legwé nà mbɔ́ɔntè lyɛ̌’ tá.

Roma 3:8

Nyìŋ gɔɔn pá’ɔɔn, mbà ńgwɔ́ á cʉ́me ngie: Pege gÿo menò tepòŋ ńzsé ngie nò mbòŋo ge kẅɛɛ mǒ. Etsɔ́ pʉ̀a ne shwóŋte nà lezíŋ sɔ́ɔn ngie mèŋ n zɔ gɔ̌ɔn pú’u. Pɛ̌ pʉ̀a ee pʉ̀a pie e Ssé ge gÿo ŋaga wɔ́b.

Ŋwà’ne Jâŋ 19:12

*Pilato zye fʉ̀’ó léfa’ shÿó pá’ à ge nyé Yěsô. Tá’ pà Yuda zye lénáa gwá ngie: Ɔ̀ lɔɔn ńnyé yé, mbà ɔ̀ tè shǔ Kása pà *Roma wɔ́. Wɛ̌ nyìŋ wɔ́ gẅie à gɔɔn ngie yé aa fùɔ, à gwɔ́ pɔ́ ngàŋ mbù Kása.

Ŋwà’ne Jâŋ 11:48

Pege lɔɔn ńnyé yé á lɔg ńgʉa mvfò, mbà mânyìŋ ntsèm ge záb ntʉ́m ná ye. Pà *Roma tó ńgwɔ́ tɔ’, ńtága *jʉ’ʉ Ssé Yerósalem, mbɔɔ ngwòŋ wégè.

Matio 5:29

Lejÿɔ́g shú sé pwó tʉ̀ lɔɔn ńtsóte gú ɔ̀ fʉa nò, ɔ̀ tsɔ́’ ńgwá’a taa taa ngʉ̀a shʉ̀shʉ̀a. Mvfò ee pá’ ńgwɔ́ tsɔ̌ tà’ ná mekèm mbùm mú pyé, mé piŋ ńké le lá’ ḿma’a gú tsɛ̀ɛ mmɔ̌g wɔ́.