Ŋwà’ne Jâŋ 11:38 - Nouveau Testament en Ngienboum

³⁸ Yěsô gíŋe ńzẅi, ńgʉa jʉ’e lesyè, é gwɔ́ tsɔ̌ mvwɔ́’ɔ jʉ’, mbà mé la lɔgɔ tóon ńjÿɔ́’ ncwò.

Ŋwà’ne Jâŋ 11:38 Referans Kwoze

Ŋwà’ne Jâŋ 11:33

Yěsô gyá pá’ à ne ńdʉa, pà Yuda pie pâ pɔ̌ pǔ ńtó gíŋ ne ńdʉa yɔ́b, ńzẅi, mbùm ye pú ńtsyɛte.

Matio 27:60

ńkaa yé ńdɔg ńgʉa ńnéŋe tsɛ̀ɛ lesyè sie à ka nyě shʉ’ʉ ná tóon, é gwɔ́ sé Yesyɛ̂b. Á ńnéŋe Yěsô tsɛ̀ɛ wó, ńtsóte máamáa tóon ńdɔg ńjÿɔ́’ ncwò ńgʉa.

Ŋwà’ne Jâŋ 20:1

Á gÿo ńgwɔ́ ndùŋ mvfò lyɛ’ɛ́ lá’ nà ngàba lá’, tà ńnyé ńgwɔ́ pɔ́ leme léme, ejʉ’ nyé té fɔ́g, Malîɛ Magdala gʉa jʉ’e lesyè, ńkúu wó, ńgyá mbà mé ně fó ncwò lesyè, ésẅɛ’te tóon.

Lukase 24:2

Ńgʉa tà ńkúu wó, ńgyá, mbà mé kà fó ncwò lesyè, ńtsó máamáa tóon gẅie à kaa wó.

Malékuse 15:46

Yesyɛ̂b gʉa ńjúu pwó nzsó, ńgʉa nà tÿǒ nkǐ, ésẅí’i pfó Yěsô ńdɔg nzsǒ ŋwɛ́, ńzémte, ńkáa ńdɔg ńgʉa, ńnéŋe tsɛ̀ɛ lesyè sie mé la shʉ’ʉ ná máa tóon, ńgíŋe ńtsóte tsɔ̌ tóon ńdɔg ńjÿɔ́’ ncwò.

Malékuse 8:12

Yěsô jú’ tà ńzẅi, ḿbiŋ ńgɔɔn né pɔ́b ngie: epʉ̀a pie ée tsɛ̀ɛ njyó fʉ̀’ɔɔn ne ńzɛ́te ngie mèŋ n gÿo nò mmɔɔn mmɔɔn, éfa’a légǎ? Tá’, pi cʉ́’ mèŋ shwóŋó gẅi kwà’ nò nénʉ́, mé té ne nge nyɛɛ wɔ́b tsɔ́ mmó wɔ́.

Matio 27:66

Pɔ́ gʉa ńdɔgɔ tsɔ́ mmó ńcÿɔ’ɔ liŋé ná tóon gẅie mé ně ńdɔg ńjÿɔ́’ lesyè, ńcÿɔ’ɔ pú’u, ńdɔgɔ ńgɔɔn ngie lesyè ée se njÿɔ̌’, ńdeen ńtÿɔ́g pàlÿɔ́’ ncù, pɔ́ ne ḿbyɛ́bɛ, ḿbɔ́gɔ mmó légÿo ná lesyè.