Ŋwà’ne Jâŋ 11:27 - Nouveau Testament en Ngienboum

²⁷ Á gɔɔn ngie: Oon me Cʉ̀apùa. Mèŋ, n zẅǐŋ ngie ɔ́ɔ *Nzà’nkÿo, ńgwɔ́ Míŋ Ssé gẅie mé ka né ńzẅí’te ngie à tóo tsɛ̀ɛ njÿó.

Ŋwà’ne Jâŋ 11:27 Referans Kwoze

Matio 16:16

Símo Piɛ tsɔ́’ ngie: Ɔ̀ɔ *Nzà’nkÿo, Míŋ Ssé gie ee wó.

Ŋwà’ne Jâŋ 6:69

Peg léen ńdá’ ńzẅíŋ, ńgíŋ ne ńzsé ngie ɔ́ɔ kwà’ nyìŋ gẅie à fóo lejʉ́ŋ Ssé.

Ŋwà’ne Jâŋ 6:14

Alá’ gyá nò mmɔɔn mmɔɔn gie Yěsô gÿǒ, ńgɔɔn ngie: Nyìŋ wɔɔn aa kwà’ *ntsẅì nkʉ̀ Ssé gẅie mé ka ne ńzẅí’te ngie à tóo tsɛ̀ɛ njÿó.

1 Jâŋ 5:1

Nyìŋ gẅie à zẅǐŋ ngie Yěsô aa *Nzà’nkÿo, aa míŋ Ssé. Nyìŋ gẅie à kwoŋ Ssé Tá, à giŋé ńkwoŋ mbɔɔ púɔ Ssé.

1 Jâŋ 5:20

Pege ne ńzsé ngie Míŋ Ssé la tó ńnáa wégè legyè pá’ pege ge lɔg zsé kwà’ Ssé ye nénʉ́, peg la zẅɛ́’ pɔ́ yé Yěsô Kristo tá pega Ssé ye nénʉ́ cʉ́’ ńnéŋe, mbà pega pɔ́ léen ńtemte.

Megàŋ ntúm 8:36

Pɔ́ yé la nyé ńgiŋe giŋ, ńkẅɛɛ nà tsɔ́ jʉ’, ntse gwɔ́ wó. Nyìŋ Etiopia ŋwɛ́ gɔɔn né Filib ngie: Ntse wɛ, à lɔɔn ńgwɔ́ kɔ́ táte tà mé le wɔ̀ɔn ntse nu’u?

Ŋwà’ne Jâŋ 4:42

Ńne ńgɔɔn né manzwě ŋwɛ́ ngie: Peg tě ńnyé ńzába ntʉ́m ná Yěsô ńtí pɔ́ shwóŋè jú ndà’ wɔ́, peg zába ntʉ́m ná ye fʉ̀’ɔɔn, ńtí pá’ peg yég cwoŋó ńjú’u shwóŋè yé, tà ńzsé ngie aa nyìŋ gẅie à ge gÿo pʉ̀a mesoŋ pie ée tsɛ̀ɛ njÿó e tsẅɛ́.

Ŋwà’ne Jâŋ 1:49

Natanayɛl tsɔ́’ ngie: Rabbi, ɔ́ɔ Mìŋ Ssé, ɔ́ɔ fùɔ pà Israel.

Lukase 2:11

Mé la’á tÿǒsoŋ fùɔ Ndavíd lyɛ̌’ɔɔn, ńzyé Nyìŋ gẅie à ge gÿo pi tsẅɛ́. Aa Kristo gẅie Cʉ̀apʉ̀a Ssé la ka’.

Matio 11:3

aa *Nzà’nkÿo gẅie mé ne ńzẅí’te yé lá ka pɔ́ gíŋ ńzẅí’te pɔ́ tsɔ́ nyìŋ ndyɛ̀’ɛ wɔ́?

Matio 16:20

Yěsô gɔɔn pú’u, ńdeen ńké ńtsẅiŋe *ngàŋa kwò yé ngie, tà pɔ́ kím tà nyìŋ ndyɛ̀’ɛ zsé ngie aa *Nzà’nkÿo.

Megàŋ ntúm 8:37

[Filib gɔɔn ngie: Ɔ̀ lɔɔn ḿbú ńzáb ntʉ́m ɔ́ ná Yěsô Kristo, mbà tsɔ́ mmó té ge taté gú wɔ́. Nyìŋ Etiopia wa tsɔ́’ ngie: N zẅǐŋ ngie Yěsô Kristo aa Míŋ Ssé,]