Ŋwà’ne Jâŋ 11:25 - Nouveau Testament en Ngienboum

²⁵ Yěsô tsɔ́’ɔ mbwo yé ngie: Mèŋ n gee nyìŋ gẅie à gÿo mé zíme ná legwé, ńgwɔ́ nyìŋ gẅie à gÿo mé gwɔ́ wó. Nyìŋ lɔɔn ńzáb ntʉ́m ná mèŋ ńkwé mbɔɔ kwě, mbà à ge gÿo gwɔ́ wó.

Ŋwà’ne Jâŋ 11:25 Referans Kwoze

1 Tesalonika 4:14

Pege ne ńzẅíŋe ngie Yěsô la kwé ḿbiŋ ńzíme nà legwé. Áa pú’u, ńdɔgɔ ńgwɔ́ ndʉŋ ndʉŋ pá’ e Ssé ge lá’ lɔgɔ Yěsô gÿo pʉ̀a pie pɔ́ la gwaa kwé ńne ńzába ntʉ́m ná ye, é zím.

Ŋwà’ne Jâŋ 3:36

Nyìŋ lɔɔn ńzáb ntʉ́m we ná Míŋ Ssé, mbà ngàŋ ge gẅiin le gwɔ́ tèmì. Nyìŋ gẅie à kě kaa záb ntʉ́m wé ná Míŋ Ssé wɔ́, á le lá’ ńgẅiin kwà’ le gwɔ́ wɔ́. E Ssé ké ńnyé ńkẅi’i ńgyáŋa lóŋ ná yé gyáŋ.

Ŋwà’ne Jâŋ 1:4

Legwɔ́ à laa ná yé, le gwɔ́ ŋwɛ́ á gwɔ́ kyɛ̀’ gie á kyɛ’ɛ pʉ̀a mesoŋ.

Ŋwà’ne Jâŋ 5:21

Pá’ Tá we gÿo pʉ̀a pie é kwě zím ńgwɔ́ wó la, áa ndʉŋ ndʉŋ pá’ Múɔ giŋé ńku’ yé légÿo nyìŋ gẅie à kwoŋo yé gwɔ́ wó.

Ŋwà’ne Jâŋ 6:44

Atsɔ̌ nyìŋ lɔɔn ńgwɔ́ á le tó ńtsɛ́ɛ wɔ̀ɔn té gwɔ́ gie Tá wɔ̀ɔn gẅie à la túmo wɔ̀ɔn zɔ shwoŋté yé wɔ́. Mèŋ, m biŋ ńdá’a nà lyɛ’ɛ́ lá’ nzsò nzèm, ńzíme yé nà legwé.

Roma 8:2

mélà’mie nyìŋ zɔɔn ńgwɔ́ tà ńda nnɛ́ ná Yěsô Kristo *lepʉ̌ sie é cʉ́’ʉ sá’a yé gwɔ́ pɔ́ se Zẅìge Ndʉalʉ̌a gie á gÿo mé gwɔ́ wó. Sɛ̌ *lepʉ̌ léen ńkẅé wɔ̀ɔn mbwo *lepʉ̌ sie ée se nò tepòŋ, ńgwɔ́ sie é gÿo mé kwé.

Ŋwà’ne Jâŋ 6:35

Yěsô tsɔ́’ɔ mbwo pɔ́b ngie: Eshúm léjÿó sie é gÿo nyìŋ gwɔ́ wó, à gwɔ́ pɔ́ mèŋ. Nyìŋ lɔɔn ńtó ńtsɛ́ɛ wɔ̀ɔn, mbà nzyè tè lá’ gíŋe gyáŋa yé wɔ́. Nyìŋ záb ntʉ́m ná mèŋ, mbà gag yé té lá’ gíŋe shÿó wɔ́.

Ŋwà’ne Ngyà jʉ’ 21:4

À ge gÿo tsí’i ntse nÿɔ́g mɔ́b ntsèm. Legwé tè gÿo gíŋe gwɔ́ wó wɔ́. Mé le gíŋe ńdʉa legwé wɔ́. Mé le gíŋe ńga’te wɔ́. Mé le gíŋe ńgyá ngɔ́’ wɔ́. Á nue ngwòŋ we nzẅìŋ kéen ḿmag.

Filipo 3:10

Mèŋ n ne ńtsɔ́ɔn pɔ́ tà’a nò wémɔ’ɔ́. Á gwɔ́ ngie n zsé yé Kristo, ńzsé metʉ̀ mie é la gÿo á zíme ná legwé, ńgyá ngɔ́’ pá’ à la gyá yé, ńzẅíŋe lénáa twó yɔ́ɔn ńkwé pá’ à la náa yé,

Ŋwà’ne Ngyà jʉ’ 20:5

Petsɔ́ mepfó ké tè fó la’ mepfó ḿbiŋ nzèm ńgíŋ ńgwɔ́ wó té gwɔ́ gie yɛ̌ ngù’ ntsá’ e kǔ’ wɔ́.

Megàŋ ntúm 3:15

Pi ka gÿo pú’u, ńzẅé nyìŋ gẅie yé zɔ gÿo tá mé gwɔ́ wó. Tá e Ssé ké ńzíme yé nà legwé tà peg gyá yé lê nÿɔ́g még, peg ne sá’a shwóŋó gẅí.

Ŋwà’ne Jâŋ 14:6

Yěsô tsɔ́’ɔ mbwo yé ngie: Mèŋ n ge mánzsè, mèŋ n ge nò nénʉ́, mèŋ n ge legwɔ̌ wó. À lɔɔn ńgwɔ́ nyìŋ á le gʉa mvfò Tá wɔ̀ɔn té cʉa pɔ́ ná mèŋ wɔ́.

Ŋwà’ne Jâŋ 5:26

Áa pú’u mélà’mie Ssé Tá gẅie aa lesa’á le gwɔ́ tèmí, à la ná mɛ̌ metʉ̀ mbwo míŋ we.

Ŋwà’ne Ngyà jʉ’ 22:17

A Zẅìge Ndʉalʉ̌a pɔ́ nzwě ngʉ̀ ne ńgɔɔn ngie tóo. Á poŋ ngie nyìŋ gẅie à jú’u yɔɔn nò à gɔɔn yé ngie tóo. Nyìŋ gẅie nzyè ntse ne ńgyáŋa yé à tó. Nyìŋ gẅie à kwǒŋ à nú ntse gẅie é gÿo mé kwa’ ńgwɔ́ wó, ńnú pɔ́ tè náa tsɔ́ mmó.

Ŋwà’ne Jâŋ 14:19

Á cʉ́’ pɔ́ méjʉ’, pʉ̀a njÿó le gíŋ ńgyá wɔ̀ɔn mɔ́, tá ńgʉa ná pi, pi ne ńgyá wɔ̀ɔn gyǎ, mélà’mie n gwɔ̌ pɔ́ ntentʉ́. Pi gÿo ńgíŋe ńgwɔ́ gí ntentʉ́.

Filipo 1:23

Menò mémbʉ́a mɔɔn mvfò mèŋ. Mèŋ n ne ńtsɔ́ɔn léfó ndùmo ssé tsetsá’ ńgʉa peg Kristo zɔ̌ cʉ́’ʉ ńnéŋe. Áa yɔ́ɔn twó ye mbòŋo mǒ.

Ŋwà’ne Ngyà jʉ’ 22:1

*Cÿɔ́’ Ssé pɔ́ɔnte ńnyɛɛ wɔ̀ɔn mí gẅie ntse gẅie e gÿo mé gwɔ́ wó, é ne síi pá’ ntí tɔgɔ́ tsyé gie mé tóŋo lê christal la, é ne fóo nà lʉŋe *lefùɔ Ssé pɔ́ Mûɔ *Njʉ̀njÿò ńkẅɛɛ.

2 Korento 4:14

ńne ńzsé ngie Ssé gẅie à la gÿo Cʉ̀apʉ̀a Yěsô zíme ná legwé, ge gÿo gíŋe gÿo pege zím yégè, á nue pege la nnɛ́ ná Yěsô, e Ssé gÿo pege métsèm kẅɛ, pega Yěsô pú ńcú’te.

Roma 4:17

Ndʉŋ ndʉŋ pá’ ŋwà’ne Ssé ne ńgɔɔn ná yé ngie: «Mèŋ n zabá gú pá’ ɔ̀ ge gwɔ́ mangʉa njʉ’ pʉ̀a melá’a melá’». Ábalam aa mvfò Ssé gẅie yé Ábalam la záb ntʉ́m ná yé, ńgwɔ́ mangʉa njʉ’ wege, é gwɔ́ Ssé gie e gÿo mepfó gíŋe ńgwɔ́ wó, ńtóŋo mmó gie á zɔɔn tè wó wɔ́, á kẅɛɛ ńtyé.

Lukase 23:43

Yěsô tsɔ́’ ngie: Mèŋ shwóŋó gú, áa kwà’ nénʉ́, ngie, pé lyɛ̌’ɔɔn pɔgɔ ge gwɔ́ tsɛ̀ɛ lekág mvfò Ssé.

1 Korento 15:29

Á lɔɔn ńgwɔ́ gie mé kwé mé té gíŋe ńzíme nà legwé wɔ́, mbà tsɔ́ pʉ̀a kẅé ntse á nà twó mepfó pie pɔ́ la tè ntse kẅé pé’e ńtsɔ́ɔn kɔ́? Mbà mélà’a kɔ́ pɛ̌ pʉ̀a kẅé ntse ná twó mepfó?

1 Korento 15:18

Á gíŋ ńdɔgɔ ńgwɔ́ ngie, epʉ̀a pie é la gwɔ kwé, letʉ́m sɔ́b zébe ná Kristo, pɔ́ léen ḿbyé.

Ŋwà’ne Jâŋ 3:16

Á nue ntí gie e Ssé la lɔg ńkwoŋ njÿó pú’u la gwɔ́ tà á náa Míŋ we wémɔ’ɔ́, légwɔ́ gie wɛ̌ nyìŋ wɔ́ gẅie à zǎb ntʉ́m wé ná Míŋ we ŋwɛ́, à tě ńdá’a ńkaa ndòon tèmì wɔ́, à ge lá’ gẅiin le gwɔ́ tèmì.

Ŋwà’ne Ngyà jʉ’ 1:18

Mèŋ n gee nyìŋ gẅie à gÿo mé gwɔ́ wó. N da kwé, tá mèŋ n gee fʉ̀’ɔɔn ńgwɔ́ wó, é ké lá’a gwɔ́ pɔ́ wó. Mèŋ n gẅiin metsɔ́’ɔ kí, mie é náa wɔ̀ɔn metʉ̀ lélɔg ńjÿɔ́’ɔ jʉ’ gie mepfó ée wó, kà pɔ́ lélɔg ńtsɔ́’ éfó wó ńkẅile pʉ̀a wɔ́.