Ŋwà’ne Jâŋ 10:6 - Nouveau Testament en Ngienboum

⁶ Yěsô gɔɔn yɔɔn sagá nò mbwo pɔ́b, tá pɔ́ ké tè jú’u mmó gie à lɔgɔ ńgɔɔn wɔ́.

Ŋwà’ne Jâŋ 10:6 Referans Kwoze

Ŋwà’ne Jâŋ 16:25

Mèŋ n dɔg pɔ́ sagá nò ńgɔɔn mɔɔn menò. Atsɔ́ fʉ̀’ ge gÿo gwɔ́, ń de gíŋe ńdɔg pɔ́ sagá nò ńgɔɔn nò mbwo pi wɔ́. Mèŋ n cʉ́’ʉ shʉ̀ashʉ̀a shwóŋó gẅi nò gie á líe Tá wɔ̀ɔn.

Matio 13:51

Yěsô zɛ́te *ngàŋa kwò yé ngie: Tà pi jǔ’ mɔɔn menò ntsèm? Pɔ́ tsɔ́’ ngie: Oon, peg jǔ’.

1 Jâŋ 5:20

Pege ne ńzsé ngie Míŋ Ssé la tó ńnáa wégè legyè pá’ pege ge lɔg zsé kwà’ Ssé ye nénʉ́, peg la zẅɛ́’ pɔ́ yé Yěsô Kristo tá pega Ssé ye nénʉ́ cʉ́’ ńnéŋe, mbà pega pɔ́ léen ńtemte.

1 Korento 2:14

Nyìŋ mesoŋ lɔɔn nyé ńgwɔ́ pɔ́ nà ntí gie mé la zyé yé á gwɔ́, mbà à lɔɔn ńgwɔ́ á le jú’u mmó gie á fóo mbwo zẅìge Ssé wɔ́. Áa mbwo ye ńgwɔ́ pɔ́ menò pʉ̀a. À tè ku’u lé jú’u nò gie á gɔɔn wɔ́. Á nue à Zẅìge Ndʉalʉ̌a zɔ gÿo tá mé jú’u nò gie yɛ̌ mmó lɔgɔ ńgɔɔn.

Ŋwà’ne Jâŋ 8:43

Pi piŋ ńké tè ne ńjú’u shwóŋè yɔ́ɔn mɔ́ mélà’a kɔ́? Áa nue pi tè ku’u lézẅí’te shwóŋè yɔ́ɔn mɔ́.

Ŋwà’ne Jâŋ 8:27

Yěsô gɔɔn pá’ɔɔn, pɔ́ té zsé ngie anò gie à gɔɔn né pɔ́b, à gɔɔn pɔ́ nà Ssé Tá wɔ́.

Ŋwà’ne Jâŋ 7:36

Yɔɔn ntí shwóŋè ee pá’ɔɔn ńdɔgɔ ńgɔɔn ngie kɔ́, pá’ à gɔɔn ngie pi ge fa’a wɔ̀ɔn é piŋ ké le wɔ̀ɔn gyá, ḿbiŋ tè ku’u létóo jʉ’ gie mèŋ n gee wó wɔ́?

Ŋwà’ne Jâŋ 6:60

*Ngàŋa kwò Yěsô jú’u shwóŋè yé, lelÿò zye légɔɔn ngie: Ashwóŋe yɛ̂ á tʉ̌ tà ńcʉa! À lɔɔn ńgwɔ́ à wɔ̌ zẅí’te?

Ŋwà’ne Jâŋ 6:52

Ńgɔɔn pú’u, pàsá’a lá’ pá zoŋo tsetsɛ̀ɛ pɔ́b tɛ’ ńgɔɔn ngie: Nyìŋ wɛ̂ ge gÿo lêkɔ́ tá ná mbab nnɛ́ ye pege pfɛ́?

Matio 13:34

Yěsô ké ńdɔg pɔ́ sagá nò ńgɔɔn mɔɔn menò mbwó lá’. Á lɔ̌ɔn tě ńgɔɔn tsɔ́ nò lê pɔ̌b té sagá nò ńcʉa mǒ wɔ́.

Malékuse 4:34

À lɔ̌ɔn tě shwóŋó wɔ́b nò té lɔg pé *sagá nò wɔ́, ńgwɔ́ fʉ̀’ gie pâ *ngàŋa kwò yé zɔ̌ cʉ́’ ńgwɔ́, á pú ńkyagte shwóŋó wɔ́b pá’ é lɔgɔ ńgɔɔn.

Ŋwà’ne Jâŋ 16:29

*Ngàŋa kwò yé lêen ńké ńgɔɔn ngie: Gyá pá’ ɔ̀ shʉ̀ashʉ̀a ńgɔɔn nò té lɔg sagá nò.

2 Piɛ 2:22

Mbà mmó gie á gÿǒ wɔ́b, á lɔgɔ ḿbúmte pá’ sag lekid la gɔɔn ngie: «Mengwe zé’e ḿbíŋ ńjÿó ze’é yé. Mé sɔgɔ kúnɔ́ɔn tà ńgwaa tsẅé jʉ’ à gʉa ńkele tsɛ̀ɛ tetɔ́b».