Ŋwà’ne Jâŋ 10:4 - Nouveau Testament en Ngienboum

⁴ À ge gÿo pɔ́ fó nká’ ńkẅɛ tà ḿmag, à gwɔ́ mvfò, pɔ́ gwɔ́ nzèm, mélà’mie pɔ́ lǐŋ ngyè ye.

Ŋwà’ne Jâŋ 10:4 Referans Kwoze

Ŋwà’ne Jâŋ 10:16

N giŋé ńgẅiin tsɔ́ *menjʉ̀njÿò mie é té tsɛ̀ɛ nká’ wɔɔn wɔ́. Á ně ńzɛ́te ngie mèŋ n gʉa ńdɔgɔ wɔ́b ńtó. Pɔ́b yɔ́b ge gÿo jú’ ngyè yɔ̀ɔn, à cʉa pú’u, nùɔ njʉ̀njyò gwɔ́ yémɔ’ɔ́, ambyɛ̀bɛ gwɔ́ wémɔ’ɔ́.

Ŋwà’ne Jâŋ 12:26

Nyìŋ lɔɔn ne fa’a mbwo mèŋ, á cʉ́me nzèm mèŋ. Àjʉ’ gie mèŋ n gee wó la, ngàŋa fà’ wɔ̀ɔn gÿo ńgwɔ́ yé wó. Nyìŋ lɔɔn ne fa’a mbwo mèŋ, mbà Tá wɔ̀ɔn ge gÿo ná mekù’ mé.

Ŋwà’ne Jâŋ 18:37

*Pilato leen ńké ńzɛ́te yé ngie: Ɔ̀ lɔgɔ ńgwɔ́ fùɔ wɔ́? Yěsô tsɔ́’ ngie, ɔ̀ gɔ̌ɔn pú’u, mèŋ n gee fùɔ. Jú’u mmó gie á la gÿo mé zyé wɔ̀ɔn, ńgíŋe ńjú’u mmó gie á la gÿo mèŋ n tóo tsɛ̀ɛ njÿó. N da tó légɔɔn mmó gie mèŋ n zsé nà nò nénʉ́. Nyìŋ gwɔ́ ná nò nénʉ́, á jú’ ngyè yɔ̀ɔn.

1 Piɛ 2:21

E Ssé la gwaa tóŋo gẅí, ńne fa’a ngie pi gÿo pɔ́ pú’u. Kristo la gyá yé ngɔ́’ ńtí gẅí, ńdɔgɔ ńnáa gẅi fʉ̀’, ngie pi giŋ pá’ yé.

1 Piɛ 5:3

Tà pi lɔg metʉ̀ sá’ pʉ̀a pie Ssé la cʉ́me mbwo pi, pi giŋ pɔ́ nà mbú gie pɔ́ ge pí fʉ̀’ ná pi.

1 Korento 11:1

Pi gwɔ́ pʉ̀a pie pi píi fʉ̀’ ná mèŋ, ndʉŋ ndʉŋ pá’ mèŋ m bíi fʉ̀’ ná Kristo.

Ŋwà’ne Jâŋ 10:8

Pʉ̀a metsèm pie é ka vɔg ńtó, tá mèŋ n tó yɔ́ɔn, gwɔ́ pɔ́ metsǒŋ, ńgíŋe ńgwɔ́ mefÿɛ́. Tá *menjʉ̀njÿò ka ké tè ngyè yɔb jú’.

Matio 16:24

Yěsô gíŋe ńgɔɔn mbwó *ngàŋa kwò yé ngie: Nyìŋ lɔɔn nge gwɔ́ wɔ̀ɔn nyìŋ, á gwága twó mbùm yé, ńkaa yé tÿǒ nkǐ ńdɔg ńzẅíŋe lékwé, tá ńcʉ́me nzèm mèŋ.

Heber 12:2

Pege ne ńtÿɔ́gɔ menÿɔ́g pɔ́ ná Yěsô gẅie à la zí’i wégè lézáb ntʉ́m nà Ssé, yé zɔɔ nyìŋ gẅie à ge lá’ ńnéŋe wégè ná mbwó Ssé ndà’ ndà’. À la nyé lekág gẅie à laa we, mé kíme yé nà tÿǒ nkǐ á shÿɔg shÿɔg, à tè lɔg shʉ́ gẅie ée nà lekwě pú’u, ńtóŋo tsɔ́ nò wɔ́. Aa fʉ̀’ɔɔn ńnéŋe ngʉ̀ŋe lʉŋe lefùɔ ye Ssé, á nà gwǒŋo pwó Ssé ye tʉ̀.

Heber 6:20

Á nue Yěsô la vɔg ńkúu wó ńtí wégè. À piŋ ńgwɔ́ wó fʉ̀’ɔɔn, ńgwɔ́ nùŋe pwɔ́’ wege we lÿò, á nà ngù’u nkɔ́ɔn nê nkɔ̌ɔn, á nà ntí ye Melekisedeg.

Efeso 5:1

Pi púɔ Ssé, e Ssé kwoŋo gẅi tɛ’, pú’u la pi pí fʉ̀’ ná yé.

Ŋwà’ne Jâŋ 3:29

Nyìŋ gẅie à zɔ́’ɔ manzwě zɔ aa ndǔm manzwě. Ashǔ ndǔm tyé lejʉ́ŋ ndǔm, á gɔɔn nò, á jú’ ngyè ye, anò poŋo yé tɛ’. Mèŋ n ne ńkága yɔ́ɔn pɔ́ pú’u, ḿbiŋe ńkága tà ḿmaga ntʉ́m wɔ̀ɔn.

Ŋwà’ne Jâŋ 13:15

Mèŋ n nyɛɛ gẅi fʉ̀’ légwɔ́ gie pi gí pi ge gÿo pá’ pi gyǎ mèŋ n gÿo.

1 Piɛ 4:1

Pá’ Kristo la gyá ngɔ́’ ná mbab nnɛ́ la, pi gí pi gwɔ́ twó pi, ńtyé légyá ngɔ́’ pá’ yé, ńne ńzsé ngie yé Kristo gẅie à la gyá ngɔ́’ nà mbab nnɛ́, à la maga nò nò tepòŋ.

Ŋwà’ne Jâŋ 10:3

Nyìŋ gẅie à pyɛ́bɛ ncwò nkà’, à tsɔ́’ ncwò nká’, *menjʉ̀njÿò jú’ ngyè mbyɛ̀b mvfó. Á lɔg mezíŋ menjʉ̀jÿò mé ńtóŋo wɔ́b, ńdɔgɔ wɔ́b ńkẅɛ.

Ŋwà’ne Jâŋ 10:5

À lɔɔn ńgwɔ́ pɔ́ le cʉ́me nzèm nyìŋ ndyɛ̀’ɛ wɔ́, pɔ́ ge kÿo yé kÿo, mélà’mie pɔ́ té ngyè pʉ̀a méndyɛ̀’ɛ liŋ.

Ŋwà’ne Jâŋ 10:27

*Me njʉ̀njÿò mɔ́ɔn jú’ ngyè yɔɔn. Mèŋ n zsé wɔ́b, pɔ́ cʉ́me nzèm mèŋ.