Ŋwà’ne Jâŋ 10:35 - Nouveau Testament en Ngienboum

³⁵ Pege metsèm ne ńzsé ngie mmó gie mé la ŋwe’e tsɛ̀ɛ ŋwà’ne *lepʉ̌ Ssé á téen ńdá’a ńkúbe wɔ́. À lɔɔn ńgwɔ́ gie Ssé la gɔɔn ngie pʉ̀a pie à gɔɔn nò yé mbwo pɔ́b ée messé,

Ŋwà’ne Jâŋ 10:35 Referans Kwoze

Matio 24:35

Lefaŋ pɔ́ tsetsá’ ge gÿo mag tá shwóŋó yɔ́ɔn lá’ le pyé.

Roma 13:1

Á ne ńzɛ́te ngie wɛ̌ nyìŋ wɔ́ tsetsɛ̀ɛ pi jú’ ncwò pʉ̀a pie é sá’a ngwòŋ, mélà’mie lesǎ’ ngwòŋ fóo pɔ́ mbwo Ssé. E Ssé zɔ la záb pàsá’ ngwòŋ pie ée wó.

Lukase 16:17

Tá n ké tě ńdɔgɔ ńgɔɔn ngie *lepʉ̌ Mǒsê mǎg wɔ́, lefaŋ pɔ́ tsetsá’ ge lá’ mag tá á le tʉ, à lɔɔn ńgwɔ́ múɔ mélǎga nò lê pilé, á le lá’ ḿbyé nà *lepʉ̌ Mǒsê wɔ́.

Megàŋ ntúm 1:16

Mefɛ́ mefɛ́, á ka ne ńzɛ́te ngie ammó gie Zẅìge Ndʉalʉ̌a la lɔg ncwò fùɔ Ndavíd ḿbÿé, mé ŋwe’e tsɛ̀ɛ ŋwà’ne Ssé à pumte. Á nò gie à la tʉ́ njÿó ńgɔɔn ntí Jẅidas gẅie yé zɔ kéen ńkẅɛɛ nnyɛ̀ nzsè tá mé gwoon Yěsô.

Matio 27:35

Pàlÿɔ́’ ncù leen ńké ńkime yé ná tÿǒ nkǐ, ḿma’a tyéente ńdɔg ńgab menzsǒ mé, ńná ye wɔ̌wɔɔ tsetsɛ̀ɛ pɔ́b

Matio 5:18

Tà mèŋ n ké shwóŋó gẅí, kwà’ nénʉ́, lefàŋ pɔ́ tsetsá’ ge lá’ ńnéŋe pɔ́ lêkɔ́ wɔ́, mùɔ mélǎga nò lê pilé, múɔ mémmó lê pilé le nà *lepʉ̌ pyé. À ké ńgwɔ́ pɔ́ pú’u, tà ńkú fʉ̀’ gie àkɔ̌kɔ gie *lepʉ̌ gɔɔn à pumté.

Ŋwà’ne Jâŋ 19:28

Mɔɔn menò la tɔ́g, Yěsô zsé fʉ̀’ɔɔn ngie akɔ́ɔkɔ́ɔ kǔ’, ńgɔɔn ngie: Agág yɔ́ɔn shÿǒ, ńgɔɔn pá’ɔɔn légwɔ́ gie mmó gie mé la ŋwe’e tsɛ̀ɛ ŋwà’ne Ssé ge pumte.

Ŋwà’ne Jâŋ 10:34

Yěsô tsɔ́’ɔ mbwo pɔ́b ngie: Mé la tè ŋwe’e tsɛ̀ɛ ŋwà’ne *lepʉ̌ gí ngie Ssé gɔɔn ngie: «Mèŋ n gɔ̌ɔn ngie pi gwɔ́ pɔ́ messé wâ»?

Ŋwà’ne Jâŋ 10:36

mèŋ m biŋ ńtyé pá’ɔɔn ńgwɔ́ nyìŋ gẅie Tá wɔ̀ɔn Ssé la tsɔ́’ ńtúmo tsɛ̀ɛ yɔɔn njÿó, mélà’a kɔ́ mèŋ n gɔ̌ɔn ngie mèŋ n gee Míŋ Ssé, pi gɔɔn ngie n zoonté Ssé?