Ŋwà’ne Jâŋ 10:30 - Nouveau Testament en Ngienboum

³⁰ Peg Tá wɔ̀ɔn gwɔ́ pɔ́ tà’ nyìŋ.

Ŋwà’ne Jâŋ 10:30 Referans Kwoze

Ŋwà’ne Jâŋ 14:9

Yěsô gɔɔn né yé ngie: Filib, pege neŋé nzẅìŋ wɔɔn, ɔ̀ nyé pɔ́ tè zsě wɔ̀ɔn la? Nyìŋ gẅie à gyǎ wɔ̀ɔn la, à gyǎ Tá wɔ̀ɔn. Ɔ̀ gǎ tá ngie nyɛɛ wég Tá gù ŋwɛ́?

Ŋwà’ne Jâŋ 5:23

Á cʉa pú’u, mânyìŋ ntsèm ná mekù’ Míŋ we pɔ́ ndʉŋ ndʉŋ pá’ à ne ńnáa me Tá. Nyìŋ gẅie à kaa ná mekù’ Míŋ Ssé wɔ́, angàŋ lɔgɔ tě ńnáa mekù’ Tá we gẅie à la túmo yé wɔ́.

Matio 28:19

Pú’u la, pi gʉa ngwòŋo ngwòŋ, ńdɔg pʉ̀a mesoŋ ńgÿo *ngàŋa kwò yɔ́ɔn, ńnu’u wɔ́b ntse ná lezíŋ Tá, mbɔɔ Múɔ, mbɔɔ Zẅìge Ndʉalʉ̌a,

Ŋwà’ne Jâŋ 14:23

Yěsô tsɔ́’ɔ mbwo yé ngie: Nyìŋ lɔɔn ńkwoŋo wɔ̀ɔn, mbà à ge kú’te shwóŋè yɔ́ɔn. Tá wɔ̀ɔn piŋ ńkwoŋo yé, peg Tá wɔ̀ɔn tó ńtsɛ́ɛ yé, ńcʉ́’ʉ ńnéŋe pɔ́ tsɛ̀ɛ ntʉ́m ye.

Ŋwà’ne Jâŋ 8:58

Yěsô tsɔ́’ɔ mbwo pɔ́b ngie: Tà mèŋ shwóŋó gẅí, kwà’ nénʉ́, Ábalam la gwaa gwɔ́ wó, ńgwɔ́ N gee gwɔ́.

Ŋwà’ne Jâŋ 5:17

Yěsô tsɔ́’ɔ mbwo pɔ́b ngie: Tá wɔ̀ɔn nyě fa’a pɔ́ fà’ tà ńkú fʉ̀’ɔɔn, mbɔɔ mèŋ yɔ́ɔn mèŋ n giŋé ne fa’a pɔ́ fà’.

Matio 11:27

Yěsô gíŋe ńgɔɔn ngie: Tá wɔ̀ɔn leen ńnyé kɔ́ɔkɔ́ nà mbwó mɔ́ɔn, ńgwɔ́ tsɔ̌ nyìŋ le zsé múɔ wɔ́, ndà’ Tá zɔ zsé yé. Nyìŋ ké le zsé Tá wɔ́, ndà’ míŋ we zɔ zsé yé, ḿbiŋ ńgÿo nyìŋ gẅie múɔ kwoŋó lényɛɛ Tá we á mbwó yé

1 Jâŋ 5:20

Pege ne ńzsé ngie Míŋ Ssé la tó ńnáa wégè legyè pá’ pege ge lɔg zsé kwà’ Ssé ye nénʉ́, peg la zẅɛ́’ pɔ́ yé Yěsô Kristo tá pega Ssé ye nénʉ́ cʉ́’ ńnéŋe, mbà pega pɔ́ léen ńtemte.

Titus 2:13

Á gíŋe ńgwɔ́ mbɔɔ pá’ pege ne ńzwí’te máa maa lyɛ’ɛ́ lá’ gie Yěsô Kristo ge lá’ nyɛɛ legú’ we. Yé zɔɔ Ssé yege yé lÿò, à gÿo pege tsẅɛ́ɛ.

Ŋwà’ne Jâŋ 17:10

Akɔ́ɔkɔ́ɔ gie áa mbwo mèŋ áa jú. Ndʉŋ ndʉŋ pá’ akɔ́ɔkɔ́ɔ gie áa mbwo gù áa yɔ́ɔn. Pɔ́b pɔɔn zɔ̌ ne ńgÿo mé gyá wɔ̀ɔn legú’.

1 Timote 3:16

Áa nò ngie nò nénʉ́ gie Ssé la gÿo pege zsé, á piŋ ńnyɛɛ wégè pá’ ńgwɔ́ pege giŋe ná mánzsè Ssé, á gú’ tɛ’. Áa ngie: Yé gẅie à la sele ńcʉ́’ʉ nyìŋ mesoŋ, A Zẅìge Ndʉalʉ̌a la nyɛ ngie aa tè *lɔ̌’. *Mecÿɔ́’ Ssé la gyá yé. Pʉ̀a la sá’a nò yé mengwòŋo mengwòŋ, mé záb ntʉ́m ná yé jʉ’ ntsèm tsɛ̀ɛ njÿó. E Ssé la sa’a yé, ńdɔg ńgʉa né tÿǒ lepwó, á jʉ’ʉ legú’.

Ŋwà’ne Jâŋ 16:15

Akɔ́ɔkɔ́ɔ gie áa mbwo Tá wɔ̀ɔn áa yɔ́ɔn. Áa mmó gie á gÿǒ, tá mèŋ n gɔɔn ngie: Zẅìge Ndʉalʉ̌a ge gÿo jú’u shwóŋè yɔ́ɔn, é tó shwóŋó gẅí.

1 Jâŋ 5:7

é lɔgɔ ńgwɔ́ menò méntá mie é la’te wégè nò ná Yěsô.

Ŋwà’ne Jâŋ 10:29

Tá wɔ̀ɔn à la náa wɔ́b né mèŋ. À gẅiin tʉ̀ ńcʉa shúm ntsèm, sɔɔn nyìŋ tè ku’u léfó mbwó mèŋ é sa’a wɔ́b gwɔ́.

Ŋwà’ne Jâŋ 10:36

mèŋ m biŋ ńtyé pá’ɔɔn ńgwɔ́ nyìŋ gẅie Tá wɔ̀ɔn Ssé la tsɔ́’ ńtúmo tsɛ̀ɛ yɔɔn njÿó, mélà’a kɔ́ mèŋ n gɔ̌ɔn ngie mèŋ n gee Míŋ Ssé, pi gɔɔn ngie n zoonté Ssé?