Ŋwà’ne Jâŋ 10:15 - Nouveau Testament en Ngienboum

¹⁵ Ndʉŋ ndʉŋ pá’ Tá wɔ̀ɔn ne ńzsé wɔ̀ɔn, mèŋ n gíŋe ne ńzsé Tá wɔ̀ɔn. Mèŋ n náa twó yɔ́ɔn ńtí *menjʉ̀njÿò mɔ́ɔn.

Ŋwà’ne Jâŋ 10:15 Referans Kwoze

Ŋwà’ne Jâŋ 10:11

Mbyɛ̀b mvfó we mbòŋo à gwɔ́ pɔ́ mèŋ. Ambyɛ̀b mvfó we mbòŋo, à náa twó yé ńtí *njʉ̀njÿò yé.

Galatia 1:4

Pi ne ńzsé ngie Kristo yé máŋwɛ́ la náa twó yé nà menò tepòŋ mégè lélɔg sẅɛ’ ndòon yege, pú’u léfó mbwo yɔɔn kème njÿó gie á té poŋ ńkẅile wégè. Mɔɔn menò gwɔ́ pɔ́ pá’ Tá wege Ssé la záb.

1 Jâŋ 2:2

À la zɔɔn ńdɔgɔ twó yé, ńnuŋe pwɔ́’ pá’ à lɔɔn ńgwɔ́ e Ssé lege menò tepòŋ mégè. Pá’ à lɔɔn ńgwɔ́ á le lege pɔ́ ndà’ mégè wɔ́, pá’ ńgwɔ́ á gíŋe ńdege me pʉ̀a mesoŋ ntsèm tsɛ̀ɛ njÿó.

Matio 11:27

Yěsô gíŋe ńgɔɔn ngie: Tá wɔ̀ɔn leen ńnyé kɔ́ɔkɔ́ nà mbwó mɔ́ɔn, ńgwɔ́ tsɔ̌ nyìŋ le zsé múɔ wɔ́, ndà’ Tá zɔ zsé yé. Nyìŋ ké le zsé Tá wɔ́, ndà’ míŋ we zɔ zsé yé, ḿbiŋ ńgÿo nyìŋ gẅie múɔ kwoŋó lényɛɛ Tá we á mbwó yé

1 Piɛ 3:18

Kristo la zɔɔn ńgyá yé ngɔ́’ tà ńkwé lélɔg ńzyɛ́b menò tepòŋ pʉ̀a mesoŋ, ńké ńkwé ndà’ tà’ legʉ̀a, á ku’. Yé tè fʉa kwé ńtí ngàŋ mefʉa, pú’u, lélɔgɔ gẅi ńtóo mvfò Ssé. Mé la zẅé mbab nnɛ́ ye, tá Zẅìge Ndʉalʉ̌a gÿo á gíŋe ńgwɔ́ wó.

1 Piɛ 2:24

Kwà’ yé Kristo la kaa menò tepòŋ mégè ńnéŋe soŋ nnɛ́ yé, á fʉ̀’ gie mé la kime yé nà tÿǒ nkǐ. À la gÿo pú’u, légwɔ́ gie pege ge cʉ́’ gwɔ́ mbwo nò tepòŋ, é gwɔ́ pɔ́ mepfó, é lêen ké ku’u légÿo mmó gie áa ndʉŋ ndʉŋ mvfò Ssé. Pi la zẅɛ́’ pɔ́ mefʉ̌ŋ mé tá ńzeŋe.

Efeso 5:2

Pi gwaa gÿo kɔ̀ɔkɔ́ɔ gí wɔ́, ńdɔg pɔ́ nkwòŋe ndʉŋ ndʉŋ pá’ Kristo la kwoŋo wégè tà ńnáa twó yé ńdɔg ńnuŋe pwɔ́’ mvfò Ssé ńtí wégè. Epwɔ́’ ŋwɛ́ ée gẅie gyě poŋo mbwo Ssé.

Ŋwà’ne Jâŋ 15:13

Atsɔ̌ nyìŋ tè gíŋe ńgẅiin nkwòŋe tà é tɔ́g ye nyìŋ gẅie à náa we le gwɔ́ nà twó pʉ̀a pie à kwoŋo wɔ́b gwɔ́.

Matio 20:28

Ndʉŋ ndʉŋ pá’ *Míŋ Nyìŋ la te tóo ndùmo ssé tsetsá’, pɔ́ pá’ epʉ̀a mesoŋ gee fa’a mbwó yé wɔ́, á la tó pɔ́ lefa’a mbwó pʉ̀a mesoŋ, éfa’ fa’ tà gíŋe náa twó yé lélɔg ncu’ pʉ̀a tà ńgyɔ́ɔn.

Ŋwà’ne Jâŋ 17:25

Tá wɔ̀ɔn, ɔ́ɔ nénʉ́, tá pʉ̀a tsɛ̀ɛ njÿó ka tè gú zsé, mèŋ n kě ńne ńzsé gú, pɔɔn pʉ̀a kéen ńzsé ngie gù zɔ la túmo wɔ̀ɔn.

Ŋwà’ne Jâŋ 6:46

Sɔɔn nyìŋ laa Tá gyá, tà ńdí’ ndà’ nyìŋ gẅie à fóo lejʉ́ŋ ye. Àngàŋ zɔ lǎ gyá Ssé Tá.

Ŋwà’ne Jâŋ 1:18

Atsɔ̌ nyìŋ laa Ssé gyá, tà ndà’ Múɔ wémɔ’ɔ́ gẅie aa Ssé ńgwɔ́ léjʉ́ŋ Tá, à la gÿo mé zsé yé.

Lukase 10:21

Yěsô ne ńgɔɔn yɔɔn nò, à Zẅìge Ndʉalʉ̌a gÿo letʉ́m sé pú ńkág tɛ’, á lêen ńké ńgɔɔn ngie: Tá wɔ̀ɔn, Cʉ̀apʉ̀a, gù gẅie ɔ̀ sá’a tÿǒ lepwó mbɔɔ tsetsá’. Mèŋ sǐe gú pá’ ɔ̀ kéen ńnyɛ mɔɔn menò mbwo mecʉ̀cʉ̀ŋ, ńdÿoon mbwo megye pâ pʉ̀a pie é la zí’i. Oon mè Tá wɔ̀ɔn, ɔ̀ la gyá ngie ɔ̀ ge gÿo yɔɔn nò pɔ́ pú’u.

Titus 2:14

Kwà’ yé à la náa twó yé ńtí wégè, lélɔg cu’u wégè mbwo menò tepòŋ mégè ntsèm. À la nyɛ́te wégè, pege cʉ́’ pʉ̀a pé, ńgwɔ́ pà tè *lɔ̌’, ńcʉ́’ ńnéŋe twó ńgÿo pɔ́ shúm sie ée mbòŋ.

Galatia 3:13

Tá’, pá’ mánzsè we *lepʉ̌ gÿo pege kaa pɔ́ ndòon la, Kristo la tó ńgÿo pege tsẅɛ́ ndòon ŋwɛ́. À la zyɛ́b ńkaa ḿbi’, ńcʉ́’ʉ ngàŋ ndòon ńtí wégè. Mé gɔɔn nue mé la ŋwe’e ngie: Ndòon ee twó nyìŋ gẅie mé kimé yé nà tÿǒ.

Ŋwà’ne Jâŋ 8:55

Ńké tè ne ńzsé yé wɔ́, mèŋ n kě ne ńzsé yé. N dɔɔn ngie mèŋ n tè ne ńzsé yé wɔ́, mbà mèŋ n ge cʉ́’ʉ ngàŋa cÿɔ nò pá’ pi. Tá’ mèŋ n né zsé yé, ḿbiŋe ne ńgiŋe nà shwóŋè yé.

Lukase 10:22

Yěsô gíŋe ńgɔɔn ngie: Tá wɔ̀ɔn léen ńnyé kɔ̀ɔkɔ́ɔ nà mbwo mɔ́ɔn. Ngwɔ́ tsɔ̌ nyìŋ le zsé múɔ wɔ́, ńdà’ Tá we zɔ zsé yé. Nyìŋ ké le Tá zsé, ńdà’ Míŋ we zɔ zsé yé, ḿbiŋ ńgÿo nyìŋ gẅie múɔ kwoŋó lényɛɛ Tá we mbwo yé.