Ŋwà’ne Jâŋ 10:13 - Nouveau Testament en Ngienboum

¹³ Wɛ̌ nyìŋ gwá’a *menjʉ̀njÿò ńkÿo, mélà’mie à ka tǒ pɔ́ ńdab nkáb. Ncʉ̀ŋ *menjʉ̀njÿò té ne ńkúu yé wɔ́.

Ŋwà’ne Jâŋ 10:13 Referans Kwoze

Filipo 2:20

é gwɔ́ pɔ́ ndà’ yé gẅie peg yé ne sáŋa nò ná menò mie ée ná mèŋ, ńgíŋe ne ḿmÿɔgɔ mí.

Ŋwà’ne Jâŋ 12:6

Jẅidas lɔ̌ɔn tě ńgɔɔn pú’u, séen ńtsɔ́ɔn pɔ́ mezìŋe mepóŋ wɔ́, à laa ntsǒŋ, á nue yé zɔ lɔ̌ɔn ńgẅiin mûɔ pɔ̀ɔn nkáb wɔba Yěsô, mé ńnéŋe nkáb tsoló á jʉʉ.

Megàŋ ntúm 18:17

Pɔ́b métsèm gwoon Sostɛne gẅie aa ndÿò tsɛ̀ɛ *ndá cú’tè pɔb, ńzye pɔ́ jʉ’ gie mé sá’a ntsaŋ wó lécua yé. Galion tè tsɔ́b.

Ŋwà’ne Jâŋ 10:12

Nyìŋ gẅie à laba yé pɔ́ nkáb, tà *menjʉ̀njÿò té mé wɔ́, à tè kwà’ mbyɛ̀b mvfó wɔ́. À neŋé tà ńgyá tsò tó, á gwá’a wɔ́b ńkÿo. Tsò gwoon tsɔ̌, ńgÿo pfwɔ́’ sa jʉ’.

Ŋwà’ne Jâŋ 10:14

Mbyɛ̀b mvfó we mbòŋo aa mèŋ, mèŋ n ne ńzsé *menjʉ̀njÿò mɔ́ɔn, pɔ́ gíŋe ne ńzsé wɔ̀ɔn.

1 Korento 7:32

M biŋ ne ńkwoŋo ngie tà tsɔ́ menò, gwaa ńgege gẅi ntʉ́m pi. Nyìŋ gẅie à kaa zɔ́’ɔ à kwǎŋte pɔ́ menò Cʉ̀apʉ̀a. À fa’ pɔ́ légÿo mmó gie á ge poŋo Cʉ̀apʉ̀a.

1 Korento 7:33

Tá ńgʉa ná nyìŋ gẅie à zɔ̌’, mbà à kwaŋte pɔ́ menò me ndùmo ssé tsetsá’. À fa’ pɔ́ légÿo mmó gie á ge poŋo nzwě we.