Ŋwà’ne Jâŋ 1:51 - Nouveau Testament en Ngienboum

⁵¹ Yěsô gíŋe ńkẅi’i ńgɔɔn ngie: Tà mèŋ shwóŋó gẅí, kwà’ nénʉ́, pi ge gÿo gyá ncwò tÿǒ lepwó tsɔ́’ɔ ńtyé, *mecÿɔ́’ Ssé ne fóo wó, ésẅɛ́’ɛ ḿbiŋe ńkwɔ́’ɔ, ńtóo ná *Míŋ Nyìŋ.

Ŋwà’ne Jâŋ 1:51 Referans Kwoze

Megàŋ ntúm 7:56

Etien gɔɔn ngie: Mèŋ n ne ńgyá pá’ ncwò tÿǒ lepwó tsɔ’ɔ́ ńtyé. *Míŋ Nyìŋ tyé nà gwǒŋo pwó Ssé ye tʉ̀.

Lukase 22:43

Ńgɔɔn pú’u, tà’ *cÿɔ́’ Ssé tó ńne ńtóonte yé

Lukase 2:13

Á gɔɔn tà ńgwaa cʉ́me, anùɔ *mecÿɔ́’ Ssé tà ńgyɔ́ɔn gíŋe fóo tÿǒ ńtó ńkẅi’i ná yé, pâ pɔ̌ zɔb, ńgu’te Ssé, ńgɔɔn ngie:

Malékuse 14:62

Yěsô tsɔ́’ ngie: Mèŋ n ge wɛ̌. Pi ge gÿo gyá «*Míŋ Nyìŋ ńnéŋe nà gwoŋó pwó tʉ̀ Ssé gẅie tsɔ́ nò té yé cʉa». É gíŋe gyá à fóo tsɛ̀ɛ melɔ́ɔn tÿǒ lepwó ńtóo.

Malékuse 1:10

Yěsô ně fóo ntse ńkẅɛɛ, ńgyá ncwò tÿǒ lepwó gwóon ńtsɔ́’ɔ ńtyé, Zẅìge Ndʉalʉ̌a sẅɛ́’, ńgwɔ́ pá’ kàpʉ̀ŋ lá, ńtó ńtyé ná yé.

Matio 3:16

ńnu’u yé ntse. Yěsô gwɔ́ tá ńkẅɛ, ncwò tÿǒ lepwó tsɔ́’ɔ ńtyé. Á gyá Zẅìge Ssé fó tÿǒ ésẅɛ́’ ńgwɔ́ pá’ kàpʉŋ la, ńtó ńnéŋe ná yé.

Megàŋ ntúm 10:11

ńgyá ncwò tÿǒ lepwó tsɔ́’ɔ ńtyé, atsɔ́ mmó fó wó sẅɛ́’, ńne ńtóo lê ssé, ńgwɔ́ pá’ máamáa pwó nzsǒ gie mé ku’tě nà mezẅé lekùa la.

Lukase 3:21

Jâŋ la ké ńgwɔ kú tsǎŋ, mbà á laa tsɔ́ lyɛ̌’, á nu’ pʉ̀a ntse tà é mag, Yěsô lêen ńké ńtó yé, á nu’u yé yé ntse. Á gwɔ́ tà ne ńgu’te Ssé, ncwò tÿǒ lepwó tsɔ́’ɔ ńtyé.

Matio 4:11

Sátà leen ńké ńnyé Yěsô. *Mecÿɔ́’ Ssé tó, ne ńkẅéte yé.

Ŋwà’ne Ngyà jʉ’ 19:11

M biŋ ńgyá ncwò lepwó nyɛ́’ɛ ńtyé, fɔ́gɔ lÿóon kẅɛ ńtyé. Nyìŋ gẅie à ńnéŋe ná wɛ̌ lÿóon, mé tóŋo yé lê tèkubé shwóŋè, mbɔɔ lê nyìŋ gẅie à gÿo pɔ́ mmó gie áa ndʉŋ ndʉŋ. À tsɔ́’te ntsaŋ pɔ́ ndʉŋ ndʉŋ, ńdÿɔ́’ pɔ́ ncù gẅie ée ndʉŋ ndʉŋ.

Ŋwà’ne Ngyà jʉ’ 4:1

N gyá sɔɔn shúm tà ńtsẅé jʉ’, e Ssé gíŋe ńnyɛ́’ nÿɔ́g mɔ́ɔn, n gwɔ gyá, mbà mé tsɔ̌’ tsɔ́ ncwò ndá á tÿǒ lepwó. N deen ńké ńgíŋe ńjú’ nyìŋ gẅie à la zɔɔn ńgɔɔn nò né mèŋ, ngyè ye gwɔ́ pɔ́ pá’ ngyè ntàŋ la, á gɔɔn né mèŋ ngie: Kwɔ́’ɔ tà ńkúu jʉ’ɔɔn, mèŋ n nyɛɛ gú mmó gie á ge pɔ́ɔnte tó.

2 Tesalonika 1:7

é náa sẅétè mbwo pi pie pi ne ńgyá ngɔ́’ fʉ̀’ɔɔn lɔɔn, é gíŋe ná mbɔɔ mbwo peg yég. Mɔɔn menò ge lá’ cʉate á fʉ̀’ gie Cʉ̀apʉ̀a wégè Yěsô Kristo ge lá’ fó tÿǒ lepwó é kẅɛ, é nyɛ mbùm ye. Pâ mecÿɔ́’ pé pie é gẅiin metʉ̀ tɛ’ é gwɔ́.

Lukase 2:9

ńgwaa gyá, *cÿɔ́’ Ssé kẅɛɛ mvfò pɔ́b, shéshÿɔ́g Cʉ̀apʉ̀a gwoon wɔ́b, ejʉ’ pú ńkyɛ́’ɛ, pɔ́ cʉ́’ʉ ḿbɔ́gɔ pɔ̌g.

Heber 1:14

Anò *mecÿɔ́’ Ssé zɔɔn pá’a ńgwɔ́ kɔ́? Pɔ́ gwɔ́ pɔ́ mezẅìge mie é fa’a mbwo Ssé, á ne ńtúmo wɔ́b ngie pɔ́ gʉa fa’a fà’ gie á ge kẅéte pʉ̀a pie yé Ssé ge tâ gÿo pɔ́ tsẅɛ́.

1 Timote 3:16

Áa nò ngie nò nénʉ́ gie Ssé la gÿo pege zsé, á piŋ ńnyɛɛ wégè pá’ ńgwɔ́ pege giŋe ná mánzsè Ssé, á gú’ tɛ’. Áa ngie: Yé gẅie à la sele ńcʉ́’ʉ nyìŋ mesoŋ, A Zẅìge Ndʉalʉ̌a la nyɛ ngie aa tè *lɔ̌’. *Mecÿɔ́’ Ssé la gyá yé. Pʉ̀a la sá’a nò yé mengwòŋo mengwòŋ, mé záb ntʉ́m ná yé jʉ’ ntsèm tsɛ̀ɛ njÿó. E Ssé la sa’a yé, ńdɔg ńgʉa né tÿǒ lepwó, á jʉ’ʉ legú’.

Ŋwà’ne Jâŋ 10:1

Yěsô gíŋ ńgɔɔn ngie: Tà mèŋ shwóŋó gẅí, kwà’ nénʉ́, nyìŋ lɔɔn ńzyɛ́’ pɔ́ lepàa nká’ tà à tè pfó pɔ́ ncwò nká’ tá ńkúu tsɛ̀ɛ nká’a mvfó wɔ́, mbà ngàŋ aa ntsǒŋ, ńgíŋe ńgwɔ́ fÿɛ́.

Lukase 22:69

Tà mbɔɔ pú’u, áa fʉ̀’ɔɔn pá’ɔɔn, mbà á kǔ’ pá’ Ssé ngàŋ metʉ̀ ntsèm ge ńnéŋe *Míŋ Nyìŋ nà gwoŋó pwó yé ye tʉ̀.

Matio 25:31

*Míŋ Nyìŋ ge gwɔ́ tà tóo tsɛ̀ɛ legú’ we, tà pâ mecÿɔ́’ pé gwɔ́, à ńnéŋe ná lʉŋ yé, ńgwɔ́ fùɔ gẅie tsɔ̌ tè yé cʉa.

Jẅide 1:14

Henɔg gẅie aa nà mejwoŋó sɔɔn mbʉ́a léfó ná Adam, à la tʉ́ njÿó ńtsẅi nkʉ̀ Ssé gẅie é líe wɔ́b ńgɔɔn ngie: Pi jú’ Cʉ̀apʉ̀a ge lɔg mecÿɔ́’ pé pe Ndʉalʉ̌a, é tó tà è pú ńgyɔ́ɔn gyɔ́ɔn tà ńgwaa ńgwɔ́ mé le sáŋ ńzsé nzẅìŋ wɔ́.

2 Tesalonika 1:9

Ngɔ́’ gie pɔ́ ge lá’ gyá á gwɔ́ pɔ́ pá’ pɔ́ ge pú lége, Cʉ̀apʉ̀a wege tsɛ́ nzsè mbwo pɔ́b tà pɔ́ le sɔb nÿɔ́g ná yé wɔ́, é ké le gyá máamáa shʉ́shÿɔ́g we wɔ́.

Ŋwà’ne Jâŋ 14:12

Tà mèŋ shwóŋó gẅí, kwà’ nénʉ́, nyìŋ záb ntʉ́m ná Mèŋ, mbà à ge fa’ yé mefà’ mie mèŋ ne fa’a, tà mé fáŋ ńtɔ́g mɔ́ɔn, á nue mèŋ n gee né lejʉ́ŋ Tá.

Ŋwà’ne Jâŋ 6:47

Tà mèŋ shwóŋó gẅí, kwà’ nénʉ́, nyìŋ lɔɔn ńzáb ntʉ́m ná mèŋ, mbà ngàŋ ge gẅiin le gwɔ́ tèmì.

Lukase 24:4

Pɔ́ la tyé ńdíe jʉ’ é ne ńkʉ́’ʉ wɔ́b, pɔ́ gwoon ńgyá pʉ̀a mépʉ́a kẅɛ, ḿma’ menzsǒ é fɔ́g tà ńŋwʉŋe.

Matio 26:24

*Míŋ Nyìŋ ge kwé, à gwɔ́ pá’ mé la gɔɔn tsɛ̀ɛ ŋwà’ne Ssé, tá’, àndù té poŋ aa nyìŋ gẅie à sẅiŋé yé. Mbòŋo laa pá’ mé lɔɔn tè zyé yé wɔ́.

Ŋwà’ne Jâŋ 21:18

Tà mèŋ shwóŋó gu, kwà’ nénʉ́, ɔ̀ ka nyě ńgwɔ́ mûɔ shùm, gù zɔ̌ kwɛ́ɛ nkandɔ́ɔn jù, ḿbiŋ ńgee jʉ’ gie ɔ̀ kwǒŋ, ɔ̀ ge ké gwɔ́ tà zẅiŋ, é cʉ́’ ka’ pɔ́ mbwó mú, é náa tÿǒ tá nyìŋ ndyɛ̀’ɛ kwɛ́ nkandɔ́ɔn jù, ńdɔgɔ gú ńgʉa jʉ’ gie ɔ̀ tè ne ńkwoŋo wɔ́.

Ŋwà’ne Jâŋ 8:51

Tà mèŋ shwóŋó gẅí, kwà’ nénʉ́, nyìŋ lɔɔn ńgiŋe nà shwóŋè gie mèŋ n gɔ̌ɔn, mbà ngàŋ tě ńdá’a ńkwé wɔ́.

Ŋwà’ne Jâŋ 6:32

Yěsô tsɔ́’ɔ mbwo pɔ́b ngie: Tà mèŋ shwóŋó gẅí, kwà’ nénʉ́, Mǒsê la tè ná shúm léjÿó sie é fóo tÿǒ lepwó né pi wɔ́. Tá wɔ̀ɔn zɔ ne ńnáa kwà’ shúm léjÿó sie é fóo tÿǒ lepwó né pi.

Ŋwà’ne Jâŋ 3:5

Yěsô tsɔ́’ ngie tà mèŋ shwóŋó gẅí, kwà’ nénʉ́, à lɔɔn ńgwɔ́ nyìŋ le kúu tsɛ̀ɛ nò *lefùɔ Ssé té gwɔ́ gie mé lɔ̌g ntse ńzyé yé, ńgíŋe ńdɔgɔ zẅìge ńzyé yé wɔ́.

Ŋwà’ne Jâŋ 16:20

Tà mèŋ shwóŋó gẅí, kwà’ nénʉ, pi ge gÿo lʉa, é cúa mbùm gí, é ńnéŋe nê lemÿɔg, epʉ̀a njÿó ne ńkága yɔ́b kǎg. Tá lemÿɔg gẅi gÿo sele ńcʉ́’ pɔ́ lekág.

Ŋwà’ne Jâŋ 13:16

Tà mèŋ shwóŋó gẅí, kwà’ nénʉ́, anzì’i fà’ tè fáŋ ńtɔ́gɔ tá fà’ we wɔ́, angàŋ ntúm ké tè fáŋ ńtɔ́gɔ nyìŋ gẅie à ne ńtúmo yé wɔ́.

Ŋwà’ne Jâŋ 10:7

Yěsô gíŋe ńgɔɔn mbwo pɔ́b ngie: Tà mèŋ shwóŋó gẅí, kwà’ nénʉ́, ncwò nká’ menjʉ̀njyò à gwɔ́ pɔ́ mèŋ.

Ŋwà’ne Jâŋ 6:53

Yěsô tsɔ́’ɔ mbwo pɔ́b ngie, tà mèŋ shwóŋó gẅí, kwà’ nénʉ́, pi lɔɔn tè pfɛ́ mbab nnɛ́ *Míŋ Nyìŋ, ńnú metse mé wɔ́, mbà pi tě ge gwɔ́ wó wɔ́.

Ŋwà’ne Jâŋ 5:27

À la gíŋe ńnáa yé metʉ̀ lélɔg ńzá’ mentsaŋ pʉ̀a mesoŋ, mélà’mie yé zɔɔ *Míŋ Nyìŋ.

Ŋwà’ne Jâŋ 5:19

Yěsô gíŋe ńgɔɔn né pɔ́b ngie: Tà mèŋ shwóŋó gẅí, kwà’ nénʉ́, Míŋ Ssé tè gÿo tsɔ́ mmó pɔ́ lê yé twó wɔ́, à gÿo pɔ́ mmó gie à ne ńgyá Tá we gÿo. Akɔ́ɔkɔ́ɔ gie Tá gÿo, Múɔ giŋé ńgÿo pɔ́ yɛ̌.

Ŋwà’ne Jâŋ 3:3

Yěsô tsɔ́’ɔ mbwo yé ngie: Tà mèŋ shwóŋó gẅí, kwà’ nénʉ́, à lɔɔn ńgwɔ́ nyìŋ le gyá *lefùɔ Ssé té gwɔ́ gie mé giŋé ńzyé yé tsɔ́ legʉ̀a wɔ́.

Matio 9:6

Mèŋ n ge ké nyɛɛ gẅi ngie: *Míŋ Nyìŋ aa ndùmo ssé tsetsá’, mbà mé la ná metʉ̀ né yé lélɔg ńdege menò tepòŋ pʉ̀a mesoŋ ńnáa mbwó pɔ́b, ńdeen ńké ńgɔɔn né ngàŋa kẅʉ́’te ngie: Lu ssé, ńkaa páŋte gù, ńdɔg ńgʉa né mbʉ̀a gù.

Matio 8:20

Yěsô tsɔ́’ɔ mbwó yé ngie: Meshʉ̀shʉ̀ gẅiin membÿé, meshʉ́ŋ piŋ ńgẅiin menkʉ̀a mɔ́b. Tá *Míŋ Nyìŋ tè gẅiin jʉ’ gie à lɔɔn ńgwɔ́ á zẅɛte wó wɔ́.

Ŋwà’ne Jâŋ 16:23

Áa gÿo gwɔ́ lyɛ’ó, pi le gíŋe ńgẅiin tsɔ́ nò gie pi ge zɛ́te wɔ̀ɔn mɔ́. Tà mèŋ shwóŋó gẅí, kwà’ nénʉ́, pi lɔɔn ńdɔg lezíŋ sɔ́ɔn ńdúɔ mmó mbwo Tá wɔ̀ɔn, mbà à ge ná.

Ŋwà’ne Jâŋ 13:38

Yěsô tsɔ́’ ngie: Ɔ̀ gɔɔn ngie ɔ̀ ge náa twó jú é tí wɔ̀ɔn? Tà mèŋ shwóŋó gú, kwà’ nénʉ́, mênkɔ’ ge gÿo gwaa tóŋ lyɛ̌’ɔɔn, mbà ɔ̀ moŋé wɔ̀ɔn ngʉ̀a ntá.

Ŋwà’ne Jâŋ 8:58

Yěsô tsɔ́’ɔ mbwo pɔ́b ngie: Tà mèŋ shwóŋó gẅí, kwà’ nénʉ́, Ábalam la gwaa gwɔ́ wó, ńgwɔ́ N gee gwɔ́.

Ŋwà’ne Jâŋ 8:34

Yěsô tsɔ́’ɔ mbwo pɔ́b ngie: Tà mèŋ shwóŋó gẅí, kwà’ nénʉ́, mânyìŋ ntsèm gẅie à gÿo nò tepòŋ, aa nkwɔɔn nò tepòŋ.

Ŋwà’ne Jâŋ 6:26

Yěsô tsɔ́’ɔ mbwo pɔ́b ngie: Tà mèŋ shwóŋó gẅí, kwà’ nénʉ́, pi tě séen fa’a wɔ̀ɔn, pɔ́ mélà’mie pi ka gyá menò mmɔɔn mmɔɔn mie mèŋ n ka gÿo, é nyɛɛ metʉ̀ Ssé wɔ́, pi fa’a wɔ̀ɔn ńtí pɔ́ pá’ pi ka pfɛ́ mbelég tà ńzẅɛ́.

Ŋwà’ne Jâŋ 1:50

Yěsô tsɔ́’ɔ mbwo yé ngie: Ɔ̀ zẅíŋe fʉ̀’ɔɔn, mélà’mie mèŋ n gɔ̌ɔn ngie n ně ńgyá pá’ ɔ̀ ńnéŋe le tsìŋe mbÿě ngem. Ɔ̀ ge gìŋe gyá menò mie é fáŋ ńtɔ́g mɛ̌.