Ŋwà’ne Jâŋ 1:47 - Nouveau Testament en Ngienboum

⁴⁷ Yěsô gyá pá’ Natanayɛl ne ńtóo, ńgɔɔn nò ná yé ngie: Wɔɔn aa kwà’ mûɔ Israel gẅie anò nkÿo nkÿo té ná yé wɔ́.

Ŋwà’ne Jâŋ 1:47 Referans Kwoze

Ŋwà’ne Ngyà jʉ’ 14:5

mbà mé laa mé ńjú’ cÿɔ̌ nò kẅɛɛ ncwò pɔ́b wɔ́, *alɔ̌’ɔ yɔ́b té wó wɔ́.

Roma 9:4

Pɔ́ ée pʉ̀a Israel. Mbà Ssé la kaŋa wɔ́b ńdɔgɔ wɔ́b ńgÿo púɔ pé, ńnyɛɛ wɔ́b legú’ we, ńgÿo pâ pɔ̌ gwâ *kʉ̀a, á ná *lepʉ̌ sé né pɔ́b, éshwóŋó wɔ́b ntí gie pɔ́ ge lɔg gu’te yé, ńka’ menò mbwo pɔ́b tà é gyɔ́ɔn gyɔ̌ɔn.

Roma 9:6

Pɔ́ tsɛ ne ḿmoŋe Kristo, tá ńgwɔ́ n de gɔɔn ngie anò gie e Ssé la ka’a mbwo pʉ̀a Israel la tè kẅɛɛ nò wɔ́ wɔ́. Á nue á zɔɔn ńgwaa gwɔ́, pʉ̀a pie ée nà ngẅɛ̀ Israel, lelÿò tè kwà’ pʉ̀a Israel wɔ́,

Ŋwà’ne Jâŋ 8:31

Yěsô gɔɔn mbwo pà Yuda pie pɔ́ zǎb ntʉ́m ná yé ngie: Pi lɔɔn ńkú’te shwóŋè yɔ́ɔn, mbà pi ge gwɔ́ kwà’ *ngàŋa kwò yɔ́ɔn.

1 Piɛ 2:22

Yé Kristo la tè tsɔ́ nò tepòŋ gÿo, ńké tè shwóŋ cÿɔ̌ nò wɔ́.

1 Piɛ 2:1

Pú’u la, pi lêen ńké ńgwá’ menò tepòŋ ntsèm, tà pi gíŋe fʉte pʉ̀a, tà pi gíŋe ńgwɔ́ pà nkwòŋ menÿɔ́g, tà pi gíŋe ńgẅiin kègɔ́’ ná shúm pʉ̀a, tà pi gíŋe ńzẅɛ́te nzèm pʉ̀a.

Filipo 3:3

Pege pɔɔn zɔ ee pʉ̀a pie mé la kwà’ ḿbú’u wégè. Pege zɔ̌ gwɔ́ pʉ̀a pie é gwɔ ne gu’te Ssé, ńne ńzẅí’te nò ncwò Zẅìge yé. Pege lɔgɔ pɔ́ Yěsô ńka’te, à lɔɔn ńgwɔ́ pege zɔɔn le lɔg shúm sie pʉ̀a mesoŋ gÿo ńtí mà lá’ gwɔ́b ńdɔg ńka’te wɔ́ le.

Ŋwà’ne Jâŋ 8:39

Pɔ́ tsɔ́’ɔ mbwo yé ngie: Tá wèg aa Ábalam. Yěsô gɔɔn né pɔ́b ngie: Pi gwé’e ńgwɔ́ púɔ Ábalam, mbà pi gÿo pá’ yé.

Ŋwà’ne Jâŋ 2:25

À la tè ne ńtsɔ́ɔn ngie mé kyagte kyagte éshwóŋó yé wɔ́. Kwà’ yé lê twó yé à zsé mmó gie áa tsɛ̀ɛ ntʉ́m nyìŋ mesoŋ.

Ŋwà’ne Jâŋ 4:16

Yěsô tsɔ́’ɔ mbwo yé ngie: Gʉa ńtóŋo ndǔm ɔ̀ pi yé tó.