Ŋwà’ne Jâŋ 1:41 - Nouveau Testament en Ngienboum

⁴¹ Ndeléya ŋwɛ́ gʉa ńnyé té shwóŋó tsɔ̌ nyìŋ, ḿvɔg ńgyá fɛ́ we Símo, ńgɔɔn né yé ngie: Peg gyǎ *Nzà’nkÿo, á lɔgɔ ńgíŋe ńgɔɔn ngie Kristo.

Ŋwà’ne Jâŋ 1:41 Referans Kwoze

Ŋwà’ne Jâŋ 4:25

Manzwě ŋwɛ́ gɔɔn ne yé ngie: Mèŋ n zsě ngie *Nzà’nkÿo gẅie mé tóŋo le Kristo né ńtóo. À ge tó, é pú kyagte kɔ̀ɔkɔ́ɔ shwóŋó wég.

Ŋwà’ne Jâŋ 1:45

Filib gʉa ńgyá Natanayɛl, ńgɔɔn né yé ngie: Peg gyǎ nyìŋ gẅie mé la ŋwe’e nò ná yé tsɛ̀ɛ ŋwà’ne mbʉ̌ Mǒsê, mbɔɔ tsɛ̀ɛ meŋwà’ne pà *ntsẅì nkʉ̀ Ssé. Peg gyǎ yé, á gwɔ́ Yěsô, mìŋ Yesyɛ̂b, á mûɔ Nǎzarɛd.

Megàŋ ntúm 10:38

Pi giŋé ne ńzsé ngie e Ssé la ná metʉ̀ Zẅìge Ndʉalʉ̌a ne Yěsô mûɔ Nǎzarɛd ńdɔgɔ pú’u, ńzɔ́’ɔ yé, ḿbiŋ ne ńtÿɔ́’te yé. Á gʉa jʉ’ ntsèm, ńne ńgÿo menò mbòŋo, ńne ńkẅé pʉ̀a metsèm pie pɔ́ laa megàŋa tsǎŋ nà mbwó Sátà.

Lukase 2:38

ńtóo *jʉ’ʉ Ssé tsɔ́ lyɛ̌’ pá’ à zɔ̀ɔn ńtóo, ńgwaa kúu wó fʉ̀’ó, mbà mé lɔgɔ́ múɔ ńtó, á gyá yé, ésíe Ssé, ńdêen ńké ńzye léshwóŋó nò wɔɔn múɔ mbwo pʉ̀a metsèm pie é la ne ḿbyɛ́bɛ lyɛ̌’ gie Ssé ge lá’ cu’u Yerósalem.

Lukase 2:17

ńgwɔ́ tà ńgyá yé, ńzye lépíte ngwòŋ menò ntsèm mie *cÿɔ́’ Ssé shwóŋó wɔ́b ńtíi yé.

Megàŋ ntúm 4:27

Áa kwà’ nò. *Herôd pɔ́ Ponte *Pilato kéen ńcú’te á tsɛ̀ɛ tÿǒsoŋ yɔɔn pâ pàtúm tà mbɔɔ tsɔ́ metsìŋe ndá Israel, ńcú’te pú’u, lélÿɔ́’ɔ Yěsô, á ngàŋa fà’ gù gẅie ɔ̀ la tsɔ́’, ńzɔ́’ɔ yé.

1 Jâŋ 1:3

Ammó gie peg la gyá ḿbiŋ ńjú’, áa yɛ̌ gie peg shwóŋó gẅi gí, ńzsé ngie pi ge temte ná peg, pege metsèm pú ńtemte ná Tá mbɔɔ ná Míŋ we Yěsô Kristo.

Matio 1:23

Mé ge lá’ gwaa gyá, mùɔ ngùɔ nyé té zsé mámbàŋa ńgwɔ́ shwoŋ, ńzyé múɔ mbàŋa, mè tsẅi lezíŋ sé lê Emanuel, e lɔgɔ ńgɔɔn ngie: «E Ssé ee nùɔ pege».