Ŋwà’ne Jâŋ 1:34 - Nouveau Testament en Ngienboum

³⁴ Mèŋ n da gyá, tà mèŋ n ne sá’a shwóŋó pʉ̀a ngie aa Míŋ Ssé.

Ŋwà’ne Jâŋ 1:34 Referans Kwoze

Ŋwà’ne Jâŋ 1:49

Natanayɛl tsɔ́’ ngie: Rabbi, ɔ́ɔ Mìŋ Ssé, ɔ́ɔ fùɔ pà Israel.

Matio 4:3

Sátà tó ńkwa’te yé, ńgɔɔn ngie: Pá’ ɔɔ Míŋ Ssé lá, leen ńké ńtsẅi né metóon pɛ̂ ngie é sele ńcʉ́’ʉ mmó léjÿó ɔ̀ jÿó.

1 Jâŋ 5:20

Pege ne ńzsé ngie Míŋ Ssé la tó ńnáa wégè legyè pá’ pege ge lɔg zsé kwà’ Ssé ye nénʉ́, peg la zẅɛ́’ pɔ́ yé Yěsô Kristo tá pega Ssé ye nénʉ́ cʉ́’ ńnéŋe, mbà pega pɔ́ léen ńtemte.

Ŋwà’ne Ngyà jʉ’ 2:18

Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋo Tiatire. Ŋwe’e ngie: Míŋ Ssé gẅie menÿɔ́g mé kyɛ’ɛ jʉ’ pá’ lʉ́me mmɔ̌g lá, mekwò mé gwɔ́ pá’ tʉ̌ nʉ̀ la, à ne ńgɔɔn ngie:

Roma 1:4

E Ssé piŋ ńzába yé á gwɔ́ Míŋ Ssé, ńgẅiin metʉ̀. Á lɔg pá’ à la gÿo á zíme tsetsɛ̀ɛ mepfó, mbɔɔ pá’ à la ńnéŋe Zẅìge Ndʉalʉ̌a mbwo yé.

Ŋwà’ne Jâŋ 20:31

Tá mé la ké ńŋwe’e mɔɔn pá’ɔɔn légwɔ́ gie pi ge zẅíŋ ngie Yěsô aa *Nzà’nkÿo, ńgwɔ́ Míŋ Ssé, ńgwɔ́ gie pi lɔɔn ńzẅíŋ, á gÿo pi gẅiin le gwɔ́ tèmì.

1 Jâŋ 4:9

Anò gie Ssé la lɔg ńnyɛɛ wégè ngie à kwoŋo wégè à yɔɔn: À la túm ndà’ Míŋ we wémɔ’ɔ́ tsɛ̀ɛ njÿó ngie pege cʉa nzèm yé ńgwɔ́ wó.

1 Jâŋ 3:8

Nyìŋ lɔɔn ńké ńnéŋe ńgÿo yé pɔ́ nò tepòŋ, mbà aa nyìŋ Sátà, á nue Sátà aa ngàŋ mefʉa tà fó pɔ́ nzyète ngwòŋ. Míŋ Ssé la zɔɔn ńtó pɔ́ ńgÿo kɔ́? À la tóo ḿbyág mefà’ Sátà.

1 Jâŋ 2:23

Nyìŋ lɔɔn ńdʉ’ʉ lézẅíŋe nò Múɔ, mbà à lʉ’ʉ lézẅíŋe nò Tá wege, nyìŋ gẅie à zẅiŋé nò Mùɔ, à giŋé ńzẅíŋe ye Tá wege.

2 Korento 1:19

N gɔɔn pá’ɔɔn nue Yěsô Kristo, Míŋ Ssé gẅie peg Silase, ńgÿo Timoté ka shwóŋó nò yé mbwo pi, à la tè tó ńgwɔ́ nyìŋ gẅie ńgwɔ́ á gɔɔn nò, ḿbiŋ ńkúbe wɔ́. À la tó ńgwɔ́ pɔ́ nyìŋ gẅie à gɔɔn nò, à té kúbe.

Ŋwà’ne Jâŋ 19:7

Mekěm tsɔ́’ɔ mbwo yé ngie: À fʉ̌a *lepʉ̌ ség. Mé ge zẅé yé ńtí *lepʉ̌ sie à fʉ̌a. À gɔ̌ɔn ngie aa Míŋ Ssé.

Ŋwà’ne Jâŋ 11:27

Á gɔɔn ngie: Oon me Cʉ̀apùa. Mèŋ, n zẅǐŋ ngie ɔ́ɔ *Nzà’nkÿo, ńgwɔ́ Míŋ Ssé gẅie mé ka né ńzẅí’te ngie à tóo tsɛ̀ɛ njÿó.

Ŋwà’ne Jâŋ 10:36

mèŋ m biŋ ńtyé pá’ɔɔn ńgwɔ́ nyìŋ gẅie Tá wɔ̀ɔn Ssé la tsɔ́’ ńtúmo tsɛ̀ɛ yɔɔn njÿó, mélà’a kɔ́ mèŋ n gɔ̌ɔn ngie mèŋ n gee Míŋ Ssé, pi gɔɔn ngie n zoonté Ssé?

Malékuse 1:1

Nzyetè Nkʉ̀ Mbòŋo Yěsô Kristo gẅie aa Míŋ Ssé, e yɔɔn

Matio 27:54

Yěsô lá kwé pá’ɔɔn, tándá pàlÿɔ́’ ncù pâ pàlÿɔ́’ ncù pie é la ne ḿbyɛ́be Yěsô gyá pá’ tsetsá’ pǔ ńcʉ’ʉ, ńgíŋe ńgyá kɔ́ɔkɔ́ wɔ́ gie á ne ńcʉa, ḿbú ńcÿɔ’ tɛ’, ńgɔɔn ngie Yěsô kaa kwà’ Míŋ Ssé.

Matio 27:43

À la záb ntʉ́m wé nà Ssé, e Ssé lɔɔn ne ńkwoŋo yé tà shwóŋó nò, á gÿo á tsẅɛ́ fʉ̀’ɔɔn! Nyìŋ wɛ̂ la zɔɔn ńgɔɔn ngie: Mèŋ n ge Míŋ Ssé.

Matio 27:40

ńgɔɔn ngie: Ɔ̀ ka ne fa’a lékeme *jʉ’ʉ Ssé, ńdɔg lyɛ’ɛ́ lá’ sétá ńkwɛ́. Kwà’ gù zɔ kẅé twó ɔ̀, pá’ ɔ̀ lɔɔn ńgwɔ́ Míŋ Ssé, éfó ná tÿǒ nkǐ ésẅɛ́.

Matio 26:63

Tá Yěsô pú tè tsɔ́b. *Nùŋe pwɔ́’ we lÿò gɔɔn né yé ngie: Lɔg lezíŋ Ssé gẅie aa ntentʉ́, ńkʉa ngie ɔ́ɔ *Nzà’nkÿo gẅie aa Míŋ Ssé ka ɔ̀ tè wɛ̌ wɔ́?

Matio 17:5

Á nyé ńgɔɔn gɔɔn, etsɔ́ melɔ́ɔn, mie é ŋwʉŋe ŋwʉŋe sẅɛ́’ ńkábte wɔ́b, ngyè nyìŋ fó tsɛ̀ɛ wó ńgɔɔn ngie: Wɔɔn aa Míŋ wɔ̀ɔn, mèŋ n kwoŋo yé tɛ’, aa wɔ̀ɔn lekág, pi jú’ ncwò wé.

2 Jâŋ 1:9

Nyìŋ lɔɔn tè kú’te pɔ́ ndà’ nò gie Kristo la zí’i wégè wɔ́, ńgʉa mǒ ńkẅi’i tsɔ́ mmó, mbà ngàŋ pɔ́ Ssé té temte. Nyìŋ gẅie à kú’te nò gie Kristo la zí’i wégè pɔ́ Tá temte, mbɔɔ pɔ́ múɔ gíŋe ńtemte.

Heber 7:3

Mé té tá pà Melekisedeg zsé. Mé té má we zsé, ńké tè zsé tsìŋe ndá gie á fóo mǒ wɔ́, mé té tóo tsɔ́ jʉ’ tsɛ̀ɛ ŋwà’ne Ssé ńjú’ mé gɔɔn nò ná lezyě yé wɔ́, ńké tè jú’ mé gɔɔn nò ná legwé we wɔ́. Á gwɔ́ pú’u, ńdɔgɔ ńgwɔ́ pá’ Míŋ Ssé, á nue aa nùŋe pwɔ́’ gẅie à gwɔ́ pɔ́ wó.

Lukase 3:22

A Zẅìge Ndʉalʉ̌a sẅɛ́’, ńgwá’a kapʉŋ la, ńtyé ná ye, ngyè fóo tÿǒ lepwó ngie: Ɔ̀ɔ míŋ wɔ̀ɔn, mèŋ n kwoŋó gú tɛ’, ɔɔ wɔ̀ɔn lekág.

Lukase 1:35

*Cÿɔ́’ Ssé tsɔ́’ɔ mbwo yé ngie: À Zẅìge Ndʉalʉ̌a ge sẅɛ́’ kúu ná gù, e Ssé gẅie à pi’i kɔ̀ɔkɔ́ɔ lɔg metʉ̀ mé ńkábte gú tà yɔɔn nò pumte. À cʉa pú’u, tá mé gÿo ńtóŋo múɔ gẅie ɔ̀ ge zyé le Ndʉalʉ̌a, é gíŋe tóŋo yé le Míŋ Ssé.

Malékuse 1:11

Ngyè fó tÿǒ lepwó ngie: Ɔɔ míŋ wɔ̀ɔn, mèŋ n kwoŋo ɔ́ tɛ’, n záb ntʉ́m wɔ̀ɔn ná gù.

Matio 16:16

Símo Piɛ tsɔ́’ ngie: Ɔ̀ɔ *Nzà’nkÿo, Míŋ Ssé gie ee wó.

Matio 11:27

Yěsô gíŋe ńgɔɔn ngie: Tá wɔ̀ɔn leen ńnyé kɔ́ɔkɔ́ nà mbwó mɔ́ɔn, ńgwɔ́ tsɔ̌ nyìŋ le zsé múɔ wɔ́, ndà’ Tá zɔ zsé yé. Nyìŋ ké le zsé Tá wɔ́, ndà’ míŋ we zɔ zsé yé, ḿbiŋ ńgÿo nyìŋ gẅie múɔ kwoŋó lényɛɛ Tá we á mbwó yé

Matio 8:29

Pɔ́ ga’te ńgɔɔn né Yěsô ngie: Ɔ̀ fa’a légÿo lêkɔ́ ná peg, Míŋ Ssé? Ɔ̀ ka tóo jʉ’ɔɔn pɔ́ létʉ́ njÿó ńnéŋe wég tsɛ̀ɛ ngɔ́’ ka?

Matio 4:6

ńgɔɔn né yé ngie: Pá’ ɔɔ Míŋ Ssé lá, kyɛ́ɛ ńtyé ssé, mélà’mie mé la ŋwe’e tsɛ̀ɛ ŋwà’ne Ssé ngie: «Ssé ge shwóŋ mecÿɔ́’ pé pá’ pɔ́ ge gÿo ná gù, pɔ́ ge lɔg mbwó mɔ́b kaa gú tà ɔ̀ le túu kwò jú ná tóon wɔ́».

Matio 3:17

Ngyè fó tÿǒ lepwó ngie: Wɔɔn aa Míŋ wɔ̀ɔn, mèŋ n kwoŋo yé tɛ’, aa wɔ̀ɔn lekág

Ŋwà’ne Jâŋ 20:28

Tomáse tsɔ́’ɔ mbwo yé ngie: Cʉ̀apʉ̀a wɔ̀ɔn, ńgwɔ́ Ssé yɔ̀ɔn.

Ŋwà’ne Jâŋ 10:30

Peg Tá wɔ̀ɔn gwɔ́ pɔ́ tà’ nyìŋ.

Ŋwà’ne Jâŋ 6:69

Peg léen ńdá’ ńzẅíŋ, ńgíŋ ne ńzsé ngie ɔ́ɔ kwà’ nyìŋ gẅie à fóo lejʉ́ŋ Ssé.

Ŋwà’ne Jâŋ 1:18

Atsɔ̌ nyìŋ laa Ssé gyá, tà ndà’ Múɔ wémɔ’ɔ́ gẅie aa Ssé ńgwɔ́ léjʉ́ŋ Tá, à la gÿo mé zsé yé.