Ŋwà’ne Jâŋ 1:16 - Nouveau Testament en Ngienboum

¹⁶ Angàŋ keen ńtó, à lɔg pá’ à gẅiin poŋo ntʉ́m, ńcÿó gʉm yégè metsèm tɛ̀’, ńcÿó sele ńcÿó, mélà’mie à gẅiin nkwòŋe tɛ’.

Ŋwà’ne Jâŋ 1:16 Referans Kwoze

Kolosia 1:19

Áa nénʉ́, mbà Ssé la kwoŋ ngie tà tsɔ́ mmó gie áa ná yé zága ná Míŋ we,

Roma 5:2

Yé Yěsô zɔ la tsɔ́’ɔ mánzsè tá Ssé cÿó gem yégè pá’ɔɔn, ta à cʉ̌’ ńgwaa ńgwɔ́ pɔ́ né pégè pú’u éfó nà pá’ pege zǎb ntʉ́m ná yé Yěsô. Pege ee pá’ɔɔn lékag gwɔ́ ntʉ́m pege tɛ’, á nue pege neŋé ne ńzẅí’te pá’ Ssé ge gÿo gab shúm sie ée nà legú’ we, é ná ségè.

Efeso 3:19

Wɔɔn aa pá’ mèŋ n né sẅíŋte Ssé pú’u. Á ge fó mǒ pi ku’u lézsé pá’ nkwòŋe Kristo ee pú’u, tà mbɔɔ pá’ e cʉa zsě nò ntsèm. Pi ge gwɔ́ tà zsé yɛ̌ nkwòŋe, ammó ntsèm gie áa ntʉ́m Ssé à gíŋe ńgwɔ́ tsɛ̀ɛ ntʉ́m gẅi tà mmó le mǒ zág

Efeso 1:23

Acú’tè pʉ̀a Ssé ée mbùm nnɛ́ Kristo. Áa tsɛ̀ɛ cú’tè pʉ̀a pé fʉ̀’ ntsèm, yé gẅie à pǔ ńgwɔ́ jʉ’ ntsèm tsɛ̀ɛ njÿó.

Roma 5:17

pá’ tà’ nyìŋ mesoŋ wémɔ’ɔ́ la fʉa nò, legwé fó nà yé ńgẅiin nyìŋ mesoŋ pɔ́ tè vʉ’ʉ tsɔ̌, tá’ wetsɔ̌ nyìŋ gẅie àa Yěsô Kristo, à yé fà’ gwɔ́ ndyɛ̀’ɛ. Epʉ̀a pie e Ssé tsɔ́ɔn mezìŋe mɔ́b tɛ’ ńcÿó gem yɔ́b, à cʉ̌’ ńdíe wɔ́b pɔ́ gwɔ́ pɔ́ ndʉŋ ndʉŋ mvfò ye. Pɔ́ ge cʉa nà Yěsô é gwɔ́ wó, e piŋ gwɔ́ pá’ mefùɔ la é tíi Kristo.

Ŋwà’ne Jâŋ 3:34

Nyìŋ gẅie e Ssé túmo yé, à gɔɔn menò mie é fóo mbwo Ssé, á nue e Ssé gÿo Zẅìge yé gwɔ́ pɔ́ ná yé fʉ̀’ ntsèm.

1 Piɛ 1:2

E Ssé Tá la tsɔ́’ɔ gẅí, á gwɔ́ pá’ à la lá’ ńtʉ́ njÿó ńzáb, ḿbiŋ ńcʉa nà Zẅìge yé ńgÿo pi cʉ́’ pʉ̀a pé, légwɔ́ gie pi ge jú’ ncwò Yěsô Kristo, à lɔg metse mé é sɔgɔ gẅí. E Ssé ne ńgwɔ́ né pi, ńnáa sẅétè né pi tà à gyɔ́ɔn gyɔ́ɔn.

Matio 13:12

Nyìŋ lɔɔn ńgẅiin mmó, mbà mé ge kẅi’i tsɔ́ né yé à lɔg ńgẅiin tà á gyɔ́ɔn. Tá ńké ńgʉ́a ná nyìŋ gẅie à tè mmó gẅiin, mbà mé ge kẅé méjʉ’ gẅie à zɔɔn ńgẅiin

Kolosia 2:3

Azse nò ntsèm, mbɔɔ legyè ntsèm pú ńgwɔ́ fù’ gie á cú’te ńdyeen pɔ́ ná Yěsô.

Roma 8:9

Tá á ké ńgʉa ná pi, mbà pi tè ńnéŋe nà ntí gie mbùm gi ne shwóŋó gẅi wɔ́, pi neŋé pɔ́ nà ntí gie Zẅìge Ssé ne shwóŋó gẅí, á fʉ̀’ɔɔn gie Zẅìge Ssé áa nà pi. A Zẅìge Kristo lɔɔn tè ná nyìŋ wɔ́, mbà ngàŋ tè nyìŋ Kristo wɔ́.

Lukase 21:15

Mèŋ n zɔ ge zɔɔn lá’ náa zsé nò gie pi ge lɔg tsɔ́’ɔ nò. Pi tsɔ́’ɔ nò tà megàŋ mbù pí le zoŋ, é ké le gíŋe tsɔ́ nò ńgɔɔn wɔ́.

Matio 3:14

Jâŋ ně ńdʉ’ʉ, ńně ńgɔɔn né yé ngie: Gù zɔ gẅiin lénu’u wɔ̀ɔn ntse, ɔ̀ pǐŋ ńtó ngie mèŋ n nu’u gú tsɛ̀ɛ ntse lá?

Matio 3:11

Mèŋ, n gẅiin yɔ́ɔn pɔ́ ndà’ lénu’u gẅi tsɛ̀ɛ ntse, lélɔg ńnyɛ ngie pi kubé mà. Tá nyìŋ gẅie aa nzèm mèŋ ńne ńtóo, ge tó yé néŋ pʉ̀a mbwó Zẅìge Ndʉalʉ̌a, é néŋ pʉ̀a tsɛ̀ɛ mmɔ̌g. À cʉa wɔ̀ɔn, tà mèŋ n tè ku’u lésẅɛ melɔ̌ɔn mé wɔ́.

1 Piɛ 1:11

Pɔ́ la kag tʉ̀ lézsé fʉ̀’ʉ njÿó, mbɔɔ mmó gie á ge lá’ cʉa tá mmó gie Zẅìge Kristo la ne ńda’te wɔ́b à gÿo. Yɛ̌ Zẅìge gie á laa ná pɔ́b, la zɔɔn ńtʉ́ njÿó ńne ńda’te wɔ́b ngʉ̀ngʉ̀ gie Kristo ge gÿo gyá tà mbɔɔ legú’ gẅie à ge lá’ pɔ́ɔnte ngʉ̀ngʉ̀ ye ŋwɛ́.

Roma 5:20

Tá á piŋ ńgʉa nà *lepʉ̌, mbà Ssé lɔ̌ɔn zába légwɔ̀ gie pʉ̀a ge fó mǒ é gyá nzẅìŋ gẅie pɔ́ lɔg ńgÿo nò tepòŋ pú’u. Pá’ menò tepòŋ ne ńgyɔ́ɔn lêkɔ́ wɔ́ e Ssé ne ńtsɔ́ɔn mezìŋe pʉ̀a ńcÿó gem yɔ́b tà ńtɔ́gɔ ntí.