Ŋwà’ne Jâg 5:6 - Nouveau Testament en Ngienboum

⁶ Pi ka záb menò twó pà tèfʉa, ńzẅéte wɔ́b, pɔ́ ké tè tíɛ tsɔ́ tʉ̀ mvfò pi wɔ́.

Ŋwà’ne Jâg 5:6 Referans Kwoze

Ŋwà’ne Jâg 4:2

Pi tsɔ́ɔn shúm tɛ’ tá’ ńké tè ku’u légẅiin wɔ́, ńdeen ńké ńcʉ́’ ńtyé pɔ́ lézẅé nyìŋ. Pi gyá mmó ńtÿɔ́g ntʉ́m gẅi mǒ, tá tsɔ́ légẅiin à tè wó wɔ́. Pi gebe tsetsɛ̀ɛ ńgwɔ́ mencwò mencwò, ńtág melà’. Pi tě ńgẅiin mmó gie pi ne ńkwoŋo wɔ́, á nue pi tè lúɔ mbwo Ssé wɔ́.

Megàŋ ntúm 8:32

Á gwaa gwɔ́, mbà jʉ’e ŋwà’ne gie á ké ne ńtóŋo áa gie á gɔɔn ngie: Mé la ne ńdɔgɔ yé ńgee, á pú tè kẅág, ńgiŋ yé pɔ́ pá’ *njʉ̀njÿò gie mé lɔgɔ yé ńgee legwǎ mbab ńzẅe ńdáŋte pɔ́ pá’ mûɔ *njʉ̀njÿò gẅie mé ne ńkwóon menòŋ mé.

Matio 5:39

!Tá’ mèŋ n gɔɔn né pi ngie: Tà pi tsɔ́’ɔ piŋé nò nyìŋ gẅie à gÿǒ nò tepòŋ ná pi ńnáa yetsɔ́. Nyìŋ cúɔ pwó letuŋó nyìŋ, á sele yetsɔ́ gwǒŋ á mege ńcúɔ.

Heber 10:38

Awɔ̀ɔn nyìŋ gẅie n gyǎ ngie aa ndʉŋ ndʉŋ mvfò mèŋ, ge gwɔ gwɔ́ wó, éfó ná pá’ à zǎb ntʉ́m ná mèŋ. Tá ńké ńgwɔ́ gie à lɔɔn ḿbiŋ nzèm, anò yé le gíŋe ḿboŋo wɔ̀ɔn mɔ́.

Megàŋ ntúm 22:14

Á gíŋe ńgɔɔn ngie: E Ssé pàmagʉa njʉ’ pégè léen ntʉ́ njÿó ńtsɔ́’ɔ gú, á lé lɔgɔ gú ńgÿo nyìŋ gẅie à ge zsé mmó gie à la zába légÿo, mbɔɔ légÿo ɔ̀ gyá nyìŋ gẅie aa ndʉŋ ndʉŋ gílé yé, mbɔɔ lé jú’ ngyè wɛ̌ nyìŋ.

Ŋwà’ne Jâg 2:6

Tá ńgʉa ná pi, mbà pi kéen ńcʉŋ nzẅìŋ mefÿɔg. Tá megàŋa mmó zɔ̌ téen sẅɛ́ɛ gẅi wɔ́ le? Pɔ́ zɔ̌ téen ńgwá ńdɔgɔ gẅi ńgiŋe mendá tsǎŋ wɔ́ le?

Megàŋ ntúm 7:52

Metá pí la tè wɛ̌ *ntsẅì nkʉ̀ Ssé kʉ́e? Pɔ́ la zẅéte pʉ̀a pie pɔ́ la tʉ́ njÿó ne ḿbÿé ngie nyìŋ gẅie aa ndʉŋ ndʉŋ gílé yé ge gÿo tó. A kéen ńtó, pi pɛ̂ sẅiŋe yé, ńgÿo mé zẅé yé.

Matio 27:20

*Mentándá pànùŋe pwɔ́’ pâ mekěme lá’ ne ńtsóte lá’ ngie á zɛ́te ngie *Pilato tsɔ́’ pɔ́ Panepâse ńgÿo mé zẅé Yěsô.

Matio 21:38

Tá pʉ̀a pa gyá míŋ ndÿò wa, ńgɔɔn tsetsɛ̀ɛ pɔ́b ngie: Ànjÿò ndá we wɛ̂ gẅie à tóo lɛ̂. Pi tó pege zẅé yé ńjÿó nká’,

1 Piɛ 4:18

Mé la ŋwe’e tsɛ̀ɛ ŋwà’ne Ssé ngie: À lɔɔn ńgwɔ́ gie pʉ̀a pie é gÿo mmó gie áa ndʉŋ ndʉŋ mvfò Ssé, ne ńgwɔ tsẅɛ́ɛ á tʉʉ tɛ’, mbà á ge tó gwɔ́ nà pʉ̀a pie é té gÿo mmó gie e Ssé ne ńkwoŋo wɔ́, é pʉ̀a tepòŋ, é gwɔ́ lêkɔ́?