Ŋwà’ne Jâg 5:5 - Nouveau Testament en Ngienboum

⁵ Pi ka ńnéŋe ndùmo ssé tsetsá’ ńgẅiin shúm meshùm, ńtsɔ́ɔn kɔ́ wɔ́ ńgẅiin, ḿpfɛ́ɛ mmó fáŋ pá’ menɔ̀ɔn pie é zẅí’te lyɛ̌’ gie mé ge gwaa wɔ́b la.

Ŋwà’ne Jâg 5:5 Referans Kwoze

1 Timote 5:6

Tá ńgʉa nà mpfɔ̌g gẅie à gwáa ńjÿo mbàŋte, mbà mé líe yé tà ne ngie manzwě wɛ̂, tá á gwɔ́ mbwo Ssé ńgwɔ́ mpfó.

Lukase 16:25

Ábalam tsɔ́’ɔ mbwo yé ngie: Míŋ wɔ̀ɔn, kímte pá’ ɔ̀ ka nyé tsɛ̀ɛ njÿó ńgwɔ́ tsɛ̀ɛ fù’, Nǎzalo ne ńgyá ngɔ́’, á piŋ ńgwɔ́ fʉ̀’ɔɔn, Nǎzalo gwɔ́ tsɛ̀ɛ fù’, ɔ̀ ne ńgyá ngɔ́’.

Lukase 16:19

Yěsô gíŋe ńgɔɔn ngie: Tsɔ̌ ngàŋ nkáb lǎ’ ńgwɔ́ wó, ńnéŋe ḿma’a menzsǒ mie é poŋ, ḿbiŋ ńcÿɔ́g nkáb tɛ’, ńgwɔ́ lyɛ̌’ ntsèm, ńjÿó yé pɔ́ línɔ́ɔn.

Ŋwà’ne Ngyà jʉ’ 18:7

À lɔɔn ńgwɔ́ gie à ka fǎŋ lêkɔ́ wɔ́, ńgwɔ́ tsɛ̀ɛ shúm kẅìŋ lêkɔ́ wɔ́, pi ná ye ngʉ̀ngʉ̀ pɔ́ nzẅìŋó, ńgíŋe ńgÿo á lʉa legwé pɔ́ nzẅìŋó. Á nue à ka ne ńgɔɔn tsɛ̀ɛ ntʉ́m wé ngie: À ńnéŋe nà lʉŋe memáfùɔ, ngie à tè mpfɔ̌g wɔ́, ngie à tè lá’a tsɔ́ lyɛ̌’ tá lʉa legwé wɔ́,

Jẅide 1:12

Pɔ́ ée pʉ̀a pie pɔ́ cʉŋe nzẅìŋ gẅi á fʉ̀’ gie pi mefɛ́ mefɛ́ cu’té ńne ńjÿó shúm, pɔ́ tó fʉ̀’ó ḿpfɛ́ɛ mmó tɛ’, ńnú melù’ tɛ’, pɔ́ té shʉ́ kú, ńkwaŋ pɔ́ ndà’ yɔ́b twó. Pɔ́ ée pá’ mbʉ̀ŋ gie e kwɔ̌’ tà mé ne ńzẅí’te ngie e lú, afóm kaa la, ńgwɔ́ pá’ metÿǒ mie ée těen ńzéme ntɔ̌ɔn wɔ́, tà mbɔɔ ná fʉ̀’ gie é kɔ’ɔ́ zém, ńgwɔ́ pá’ metÿǒ mie é léen ḿbʉe, ḿbú ńkwé.

2 Piɛ 2:13

Pɔ́ lɔg pú’u, ńkẅé ntsɔ’ɔ́ fà’ menò tepòŋ mie pɔ́ la fʉ̀’. Anò poŋo wɔ́b tɛ’ légÿo shúm tepòŋ sie membùm mɔ́b ne ńtsɔ́ɔn, tà pá’ á lɔɔn ńgwɔ́ pɔ́ fʉ̀’ʉ zsǒ. Pia pɔ́ pǔ ńnéŋe ssé ḿpfɛ́ɛ shúm tá wɛ̌ légwɔ́ gwɔ́ nò shʉ́, ḿbú ḿbÿɔ́g tɛ’, á nue á ne ḿbóŋo wɔ́b pá’ pɔ́ ne fʉte gẅí.

2 Timote 3:4

é gwɔ́ pàjÿò menáŋ, é gÿo nò pɔ́ ḿvege vege, é gwɔ́ ngàŋ ŋá’te tɛ’, é kwoŋo mmó gie á poŋo wɔ́b, pɔ́ le Ssé kwoŋ,

Roma 13:13

Pege gẅiin tsẅé mbòŋo ná pá’ á ne ńzɛ́te ngie mé gẅiin pú’u, fʉ̀’ gie jʉ’ ne fɔ́gɔ, ḿbɔ́ɔn lé pfɛ́ɛ mmó kà lé nú melù’ wɔ́ lê gʉ̀gʉ̀, ḿbɔ́ɔn lé pumo wɔ̌wɔ́ɔ pega pɔ̌ nuŋe nuŋe, ḿbɔ́ɔn shúm sie shʉ́ ge kúu wégè mǒ, ḿbɔ́ɔn lé tág melà’, ḿbɔ́ɔn kègɔ́’.