Ŋwà’ne Jâg 5:12 - Nouveau Testament en Ngienboum

¹² Mefɛ́ pɔ́ɔn, á lɔɔn ńgwɔ́ pɔ́ nò kɔ́ wɔ́, tà pi gɔɔn nò tà ńkʉa. Tà pi lɔg lepwó ńkʉa nò. Tà pi lɔgɔ tsetsá’ ńkʉa, tà pi zɔɔn fó ńkʉa nò kʉa. Á poŋ ngie gẅi oon à gwɔ́ pɔ́ oon, agẅi ngǎŋ à gwɔ́ pɔ́ ngǎŋ. À cʉa pú’u, tá Ssé le gÿo e ngie pi gwě ntsaŋ wɔ́.

Ŋwà’ne Jâg 5:12 Referans Kwoze

1 Piɛ 4:8

Andùŋ mvfò mmó gie pi ge gÿo, aa gẅi légẅiin nkwòŋe tsetsɛ̀ɛ pi, mélà’mie nkwòŋe pyaga lelÿò menò tepòŋ.

1 Korento 11:34

Nzyè lɔɔn ne ńgyáŋa nyìŋ, á gwɔ́ fó mbʉ̀a yé, ḿvɔg ńjÿó mmó, légwɔ́ gie pi tè gʉa jʉ’ gie pi cú’te wó, étóŋte pɔ́ ntsaŋ gie Ssé ge ŋaga gẅi ŋag wɔ́. Á gʉa ná metsɔ́ menò, mbà mèŋ n ge gÿo tó tá nyɛte.

3 Jâŋ 1:2

Ashǔ wɔ̀ɔn we tʉ̀ nzẅìŋ, mèŋ n ne ńtsɔ́ɔn ngie ɔ̀ jú’ mboŋó nà kɔ̀ɔkɔ́ɔ, esoŋ nnɛ́ gú tʉte pá’ ɔ̀ ne ńtʉte ná nò Kristo lɛ.

Ŋwà’ne Jâg 1:16

Mefɛ́ pɔ́ɔn pe ntʉ̀ nzẅìŋ, tà nkwaŋá gẅi fʉte gẅí.

Ŋwà’ne Jâg 1:19

Mefɛ́ pɔ́ɔn pe ntʉ̀ nzẅìŋ, pi zsé ngie áa mbòŋ mbwo nyìŋ lézsé lézẅí’te nò gie mé gɔɔn, ḿbiŋ ńgɔɔn yé nò á ku’ ku’, é ké le lwo ńgyáŋa lóŋ wɔ́,