Ŋwà’ne Jâg 4:9 - Nouveau Testament en Ngienboum

⁹ Pi zsé ngie pi ee megàŋ ngɔ́’, ńdúŋ legwé ńdʉa. Á ne ńzɛ́te ngie gẅi légẅe sele ńcʉ́’ʉ lélʉa, agẅi lekág sele ńcʉ́’ʉ lémÿɔg.

Ŋwà’ne Jâg 4:9 Referans Kwoze

Matio 5:4

Pàshÿó mbòŋo ee pʉ̀a pie e ne ńdʉa, mélà’mie Ssé ge gÿo tsí’i ntse nÿɔ́g mɔ́b

Lukase 6:25

Pi ee pàshÿó tepòŋ, pi pie pi ee fʉ̀’ɔɔn ḿpfɛ́ɛ ńzẅɛ́ɛ, mélà’mie pi ge lá’ kwé nzyè. Pi ee pàshÿó tepòŋ pi pie pi ne ńgẅe fʉ̀’ɔɔn, mélà’mie pi ge lá’ cʉ́’ʉ ńnéŋe pɔ́ tsɛ̀ɛ lemÿɔg é piŋ ne lʉa.

Lukase 16:25

Ábalam tsɔ́’ɔ mbwo yé ngie: Míŋ wɔ̀ɔn, kímte pá’ ɔ̀ ka nyé tsɛ̀ɛ njÿó ńgwɔ́ tsɛ̀ɛ fù’, Nǎzalo ne ńgyá ngɔ́’, á piŋ ńgwɔ́ fʉ̀’ɔɔn, Nǎzalo gwɔ́ tsɛ̀ɛ fù’, ɔ̀ ne ńgyá ngɔ́’.

Lukase 6:21

Pi ee pàshÿó mbòŋo pi pie pi ne ńkwé nzyè fʉ̀’ɔɔn, mélà’mie e Ssé ge gÿo jÿɔ́gɔ gẅí, pi zẅɛ́. Pi ee pàshÿó mbòŋo pi pie pi ee fʉ̀’ɔɔn ńne ńdʉa, mélà’mie pi ge gÿo gẅe.

Matio 21:41

Mé tsɔ́’ ngie: À ge tó gÿo mé zẅéte mefÿɛ́ apɛ̌, é piŋ cʉ́me nká’ mbwó petsɔ́ pʉ̀a mendyɛ̀’ɛ, pie á ge gÿo ku’ fʉ̀’ gie mé kyéen melù’, pɔ́ ná mé.