Ŋwà’ne Jâg 4:7 - Nouveau Testament en Ngienboum

⁷ Pú’u la, pi ne ńnuŋe ssé mvfò Ssé, ńne ńdʉ’ʉ Sátà, à fó lejʉ́ŋ pi ńkÿo.

Ŋwà’ne Jâg 4:7 Referans Kwoze

Efeso 4:27

Pi pɔ́ɔn lénná shÿó lɔg ńgwoon gẅi mbwo Sátà.

1 Piɛ 5:6

Pú’u la pi ná nnɛ́ gi ssé á mvfò Ssé gẅie à gẅiin metʉ̀, à cʉa pú’u, à gÿo ḿbʉ’ʉ gẅi nà fʉ̀’ gie à la záb.

Heber 12:9

Pá’ metá pégè pe ndùmo ssé tsetsá’ ka ne ńkaga wégè, pege jú’u ncwò wɔ́b la, tà ngʉ̀a shÿɔ́’ɔ pá’ pege ge ná nnɛ́ ssé mvfò Tá wege gẅie aa tÿǒ lepwó, à náa le gwɔ́ wó mbwo pege.

Roma 10:3

Á gwɔ́ nue pɔ́ té ne ńkwoŋo lézẅíŋ ntí gie e Ssé lɔg ńgÿo pʉ̀a gwɔ́ ndʉŋ ndʉŋ mvfò yé wɔ́ mbɔɔ nue pɔ́ fa’a pɔ́ wɔb mánzsè. Pɔ́ té zẅíŋe mánzsè gẅie e Ssé fó mǒ ngie epʉ̀a ée ndʉŋ ndʉŋ mvfò yé wɔ́.

Matio 11:29

Pi píi *kɔ̌’ yɔ́ɔn ńjÿɔ́gɔ lóŋ pi, ḿbiŋ ńzẅíŋ ngie mèŋ n zí’i gẅi pá’ pi ge gÿo, á nue m bʉlé, ntʉ́m wɔ̀ɔn piŋ ńké tè cÿɔ́gte. Mèŋ n ge náa jʉ’ gie pi ge sẅéte ntʉ́m gẅi wó

Efeso 5:21

Pi lɔg pá’ pi ná mbùm gi Ssé mvfò Kristo, wɔ̌wɔ́ɔ ná mbùm ye Ssé mvfò fɛ́ we.

1 Piɛ 2:13

!Pi cʉa nà lezíŋ Cʉ̀apʉ̀a ńjú’ ncwò pàsá’a lá’ métsèm. Pi jú’ ncwò Kasa gẅie à tyé mvfó pàsá’a lá’ métsèm,

Roma 14:11

Á nue áa tsɛ̀ɛ ŋwà’ne Ssé, ńgwɔ́ ngie: Mèŋ Cʉ̀apʉ̀a gẅie aa ntentʉ́ n gɔ̌ɔn ngie: Pʉ̀a mesoŋ tà ḿmag ge lá’ kẅí’te mvfò mèŋ. Wɔ́ɔwɔ́ɔ tsɔ́’ ncwò we, éshʉashʉa ńzẅíŋ ngie mèŋ n gee Ssé.

Megàŋ ntúm 26:19

Nɔ̀ɔn temà’ fùɔ Agrippa, á la fó pú’u, n daa tʉʉ twó nà nò gie e Ssé la nyɛ́’ nÿɔ́g mɔ́ɔn n jú’ wɔ́.

Megàŋ ntúm 9:6

Tá’, ké ńdu ssé ńgʉa le tÿǒsoŋ. Ɔ̀ ge kúu wó, mé shwóŋó gú mmó gie á ne ńzɛ́te ngie ɔ̀ gyo.

Efeso 6:13

Áa mmó gie á gÿo tá á ne ńzɛ́te ngie, pi kaa shúm ncù Ssé pɔ́ ntsèm, tá ńku’u légwɔ́ gie lyɛ’ɛ́ lá’ tepòŋ ge tó, pi ma’ ncù meshÿó meshÿó tà ńtsẅé jʉ’, é ké le ŋele.