Ŋwà’ne Jâg 4:2 - Nouveau Testament en Ngienboum

² Pi tsɔ́ɔn shúm tɛ’ tá’ ńké tè ku’u légẅiin wɔ́, ńdeen ńké ńcʉ́’ ńtyé pɔ́ lézẅé nyìŋ. Pi gyá mmó ńtÿɔ́g ntʉ́m gẅi mǒ, tá tsɔ́ légẅiin à tè wó wɔ́. Pi gebe tsetsɛ̀ɛ ńgwɔ́ mencwò mencwò, ńtág melà’. Pi tě ńgẅiin mmó gie pi ne ńkwoŋo wɔ́, á nue pi tè lúɔ mbwo Ssé wɔ́.

Ŋwà’ne Jâg 4:2 Referans Kwoze

Ŋwà’ne Jâŋ 16:24

Tà ńkú fʉ̀’ɔɔn, pi laa zɔɔn ńdɔg lezíŋ sɔ́ɔn ńdúɔ tsɔ́ mmó mbwo Ssé wɔ́. Pi lúɔ à ná né pi, lekág nyɛte ńdúe tsɛ̀ɛ ntʉ́m gẅí.

Ŋwà’ne Jâg 1:5

Nyìŋ lɔɔn ńgwɔ́ tsetsɛ̀ɛ pi, ńtyé nà nò, azse nò zága yé, á lúɔ mbwo Ssé, mbà Ssé ge ná. Á nue e Ssé zɔɔn ńdɔg pɔ́ ntʉ́m mbòŋo ńnáa mmó mbwo wɔ̌wɔ́ɔ té zẅɛ́te.

Ŋwà’ne Jâŋ 4:10

Yěsô tsɔ́’ɔ mbwo yé ngie, ɔ̀ gwé’e ńzsé fù’ gie Ssé náa, ḿbiŋ ńzsé nyìŋ gẅie à gɔɔn né gù ngie: Ná ntse n nú, mbà gù zɔ cʉ̌’ ńdúɔ ntse nǔ mbwo yé, á náa gú ńtse gẅie éfóo lesá’a.

Ŋwà’ne Jâg 5:6

Pi ka záb menò twó pà tèfʉa, ńzẅéte wɔ́b, pɔ́ ké tè tíɛ tsɔ́ tʉ̀ mvfò pi wɔ́.

1 Jâŋ 3:15

Awɔ̌ nyìŋ wɔ́ lɔɔn ḿbʉa fɛ́ we, mbà ngàŋ aa fÿɛ́, pi piŋ ńne ńzsé ngie atsɔ̌ fÿɛ́ tè wó gẅie à gẅiin le gwɔ́ tèmì mbùm yé wɔ́.