Ŋwà’ne Jâg 4:16 - Nouveau Testament en Ngienboum

¹⁶ Tá pi tsẅiŋ pɔ́ kékʉ́b gẅi, ńgɔɔnte pɔ́ menò mie pi ge gÿo gÿo. Yɛ̌ ntí leŋá’te e tè poŋ.

Ŋwà’ne Jâg 4:16 Referans Kwoze

1 Korento 5:6

Á té poŋ pi ŋá’te lé yɛ̌ ntí nò tsetsɛ̀ɛ pi wɔ́. Pi tè ne ńzsé ngie méjʉ’ʉ *mvòŋ gÿo à feléwa ntsab pú ńkwɔ́’ wɔ́ ka?

Ŋwà’ne Ngyà jʉ’ 18:7

À lɔɔn ńgwɔ́ gie à ka fǎŋ lêkɔ́ wɔ́, ńgwɔ́ tsɛ̀ɛ shúm kẅìŋ lêkɔ́ wɔ́, pi ná ye ngʉ̀ngʉ̀ pɔ́ nzẅìŋó, ńgíŋe ńgÿo á lʉa legwé pɔ́ nzẅìŋó. Á nue à ka ne ńgɔɔn tsɛ̀ɛ ntʉ́m wé ngie: À ńnéŋe nà lʉŋe memáfùɔ, ngie à tè mpfɔ̌g wɔ́, ngie à tè lá’a tsɔ́ lyɛ̌’ tá lʉa legwé wɔ́,

Ŋwà’ne Jâg 3:14

Tá ńké ńgwɔ́ gie pi lɔɔn ńgẅiin kègɔ́’ gẅie à léen ńgá’ mbɔɔ lʉŋte nnɛ́ tsɛ̀ɛ ntʉ́m pi, tà pi gíŋ ńŋá’te ngie pi ee pàzsé nò, tà pi lɔg cÿɔ̌ nò, ḿbyága nò nénʉ́.

1 Jâŋ 2:16

á nue àkɔ́ɔkɔ́ɔ gie áa tsɛ̀ɛ njÿó, pá’ shúm sie mbùm nyìŋ tsóte yé á tsɔ́ɔn, pá’ shúm sie nyìŋ záb lejÿɔ́g mǒ ńtsɔ́ɔn légẅiin, mbɔɔ shúm sie pʉ̀a mesoŋ lɔgɔ ńŋá’te, sɛ̌ shúm téen fó mbwo Tá wege wɔ́, éfó pɔ́ tsɛ̀ɛ njÿó.