Ŋwà’ne Jâg 3:17 - Nouveau Testament en Ngienboum

¹⁷ Tá nyìŋ gẅie à gẅiin zse nò gie á fóo tÿǒ lepwó, à zɔɔn ḿvɔg ńgwɔ́ nyìŋ gẅie tsɔ́ *lɔ̌’ té nà ngÿǒ menò mé wɔ́, ḿbɔ́ɔnte ńgiŋe pɔ́ lê mbʉ́lè, ḿbɔ́ɔnte ńgwɔ́ nyìŋ mbʉ́le pʉlé, ńgÿo nò á ku’ ku’, ńzsé létsɔ́ɔn mezìŋe tɛ’, éfa’ mefà’ mbòŋo pɔ́ pú’u. À tè tyɛ̀’te gÿo, ńké tè nkwòŋ menÿɔ́g wɔ́.

Ŋwà’ne Jâg 3:17 Referans Kwoze

Ŋwà’ne Jâg 3:15

Yɛ̌ ntí zse nò tě fóo tÿǒ lepwó wɔ́. Á gwɔ́ pɔ́ ye ndùmo ssé tsetsá’ yɔɔn, ńgwɔ́ pɔ́ ye pʉ̀a mesoŋ, éfóo mbwo *messé tepòŋ.

Roma 12:9

Pi kwoŋ pʉ̀a mesoŋ pɔ́ lê ntʉ́m gẅi ntsèm. Pi kÿo nò tepòŋ tà fÿɔ́g mekɔ́ɔn, ńkú’te nò mbòŋo tà à tʉ̀.

Ŋwà’ne Jâg 1:17

Afù’ gie á poŋ tɛ’, mbɔɔ ntsɔ’ɔ́ fà’ we mbòŋo pú fóo pɔ́ tÿǒ lepwó, á mbwo Ssé gẅie à la nyɛte nèm lâ mecÿɔ́’ saŋ á lefaŋ. À tè kúbe, ńké tè nzěm gẅiin.

Ŋwà’ne Jâg 1:5

Nyìŋ lɔɔn ńgwɔ́ tsetsɛ̀ɛ pi, ńtyé nà nò, azse nò zága yé, á lúɔ mbwo Ssé, mbà Ssé ge ná. Á nue e Ssé zɔɔn ńdɔg pɔ́ ntʉ́m mbòŋo ńnáa mmó mbwo wɔ̌wɔ́ɔ té zẅɛ́te.

1 Jâŋ 3:18

Penkʉ́ pɔ́ɔn, tà pege lɔg pɔ́ ndà’ ncwò ńgɔɔn né nyìŋ ngie pege kwoŋo yé. Tà é ké ńgwɔ́ pɔ́ nkwòŋe mekùb ncwò. Pege lɔg pɔ́ mmó gie pege gÿǒ, tá à gwɔ́ nò ngie pege ne ńkwoŋo yé.

1 Piɛ 1:22

Pi ka lɔgɔ lézẅíŋe nò gie áa nénʉ́, ésɔg ntʉ́m gẅí. Légwɔ́ gie pi ge kwoŋ mefɛ́ pi pie pia pɔ̌ zába ntʉ́m nà Ssé, é kwoŋo wɔ́b tà shwóŋó nò. Pú’u la, pi gẅiin kwà’ nkwòŋe tsetsɛ̀ɛ pi, nyìŋ kwoŋo fɛ́ we lê ntʉ́m we ntsèm.

Matio 5:8

Pàshÿó mbòŋo ee pʉ̀a pie tsɔ́ nkwaŋá té pòŋ té ntʉ́m pɔ́b wɔ́, «mélà’mie pɔ́ ge gÿo gyá Ssé».

1 Jâŋ 3:3

Awɔ̌wɔ́ɔ gẅie à neŋé ne ńzẅí’te ngie Kristo gÿo yɔɔn nò, à ńnéŋe ḿbɔ́ɔn pá’ ńgwɔ́ *lɔ̌’ gwɔ́ ná yé, á nue Kristo aa tè *lɔ̌’.

Lukase 21:15

Mèŋ n zɔ ge zɔɔn lá’ náa zsé nò gie pi ge lɔg tsɔ́’ɔ nò. Pi tsɔ́’ɔ nò tà megàŋ mbù pí le zoŋ, é ké le gíŋe tsɔ́ nò ńgɔɔn wɔ́.

Lukase 6:36

Pi tsɔ́ɔn mezìŋe pʉ̀a pá’ Tá gẅi Ssé tsɔ́ɔn mezìŋe mânyìŋ ntsèm.

Heber 12:14

Pi fa’ pá’ pia mânyìŋ ntsèm ge ńnéŋe lê mbʉ́lè. Pi fa’ mbɔɔ pá’ pi ge gÿo mmó gie Ssé tè gyá *lɔ̌’ mǒ wɔ́. Á nue nyìŋ lɔɔn ńgÿo mmó gie e Ssé ge gyá *lɔ̌’ mǒ, ngaŋ lelá’ ńgyá Cʉ̀apʉ̀a wɔ́.

2 Timote 2:24

Á piŋ ńké tè poŋ ngie ngàŋa fà’ Cʉ̀apʉ̀a tág mélà’ wɔ́. À gẅiin pɔ́ lékwoŋo mânyìŋ ntsèm, ńku’u lézí’i pʉ̀a mmó mboŋó, ńku’u légwɔ́ gie mé ge fʉ̀’ nò ná ye, á le pá.

1 Piɛ 2:1

Pú’u la, pi lêen ńké ńgwá’ menò tepòŋ ntsèm, tà pi gíŋe fʉte pʉ̀a, tà pi gíŋe ńgwɔ́ pà nkwòŋ menÿɔ́g, tà pi gíŋe ńgẅiin kègɔ́’ ná shúm pʉ̀a, tà pi gíŋe ńzẅɛ́te nzèm pʉ̀a.

Ŋwà’ne Jâg 2:4

Pi lɔɔn ńgÿo pú’u, pi lě ńdɔgɔ ńgẅiin tyɛ̀’te tsetsɛ̀ɛ pi wɔ́? Pi lě ńdɔgɔ pɔ́ nkwaŋá tepòŋ ńdíe pʉ̀a éfa’a pì wɔ́?

Heber 12:11

Áa nénʉ́ ngie á gʉa fʉ̀’ gie mé ne ńkaga nyìŋ, anò té ngàŋ fʉ̀’ó poŋ, anò pÿɔ́gɔ yé pÿɔ́g. Tá tsɔ́ fʉ̀’ gÿo ńgwɔ́, pʉ̀a pie é la fó mǒ ńzí’i mmó, gÿo mmó gie áa ndʉŋ ndʉŋ mvfo Ssé, ḿbiŋ ńnéŋe lê mbʉ́lè.

Kolosia 1:10

Pú’u, pi ku’u léńnéŋe ná ntí gie Cʉ̀apʉ̀a ne ńkwoŋo, ńne ńgÿo pɔ́ mmó gie á poŋo yé, éfa’ mefà’ mbòŋo mentí mentí, ńkẅi’i ńzsé yé Ssé.

Roma 15:14

Mefɛ́ pɔ́ɔn, kwà’ mèŋ n ne ńzsé ngie pi gẅiin pòŋo ntʉ́m tɛ’, ńne ńnyɛte ńzsé mmó gie á zɛ́te ngie mé zsé, ḿbiŋ ńku’u létÿɔ́gte mennɛ́ mí pi né pi.

1 Korento 12:8

Áa yɛ̌ tá à Zẅìge cÿó geme wetsɔ́ nyìŋ, á gwɔ gẅiin shÿó lélɔgɔ zsě nò ḿbÿɛɛ nò, wetsɔ́ gẅiin shÿó lépÿɛ nò ná ntí gie mé ge zsé nò nénʉ́, tà’a zẅìge zɔ ké ńgÿo.

Ŋwà’ne Jâg 4:8

Pi sẅɛ’te nnɛ́ nê lejʉ́ŋ Ssé, à sẅɛ’te yé nnɛ́ nê lejʉ́ŋ pi. Pi megàŋ mefʉa, pi sɔg mbwó mí, pà nkwòŋ menÿɔ́g, pi kẅile ncÿǒ tsɛ̀ɛ mentʉ́m mí.

1 Timote 5:21

Mèŋ n dɔ̌g lezíŋ Ssé, ńdɔg lezíŋ Yěsô Kristo mbɔɔ lezíŋ *mecÿɔ́’ Ssé pie Ssé la tsɔ́’ ńgɔɔn mbwo gù ngie: Cwoŋo ńjú’u mmó gie mèŋ n gee ngɔ̌ɔn. Pɔ́ɔn lélíe shÿó nyìŋ, kà ńdɔg pɔ́ metùŋ wɔ́ ńgÿo mmó ná nyìŋ.

Megàŋ ntúm 11:24

Panebâse ŋwɛ́ zɔɔn ńgwɔ́ nyìŋ ńgẅiin tsẅé mbòŋo. Mbà Zẅìge Ndʉalʉ̌a léen ńjÿó yé. Á piŋ ńzáb ntʉ́m wé ná Cʉ̀apʉ̀a tɛ’. Pʉ̀a tà ńgyɔ́ɔn fó mbɔɔ ná ye ntí, ńcʉ́’ pʉ̀a Cʉ̀apʉ̀a.

Matio 23:28

Á gíŋe ńgwɔ́ pɔ́ ndʉŋ ndʉŋ pá’ mé líe gẅi gí, ńgyá pi gwɔ́ mvfò pʉ̀a mesoŋ, ńgwɔ́ pʉ̀a Ssé tɛ’, tá ńgwɔ́ megàŋ mepàb, nkwaŋá tepòŋ gwɔ́ ntʉ́m pi tá ńdúe.

1 Tesalonika 2:7

Tá, mbà peg la ku’u lélɔg tʉ̀ ńzɛ́te, á nue peg ee ngàŋ ntúm Kristo. Peg la tè pú’u gÿo, peg la pʉ́le yég pʉlé pɔ́ pá’ má múɔ gẅie à ne ńdíe gubé yé la.

Filipo 4:8

Mefɛ́ pɔ́ɔn, anò gie à lɔɔn ńgwɔ́ n dɔg ńcʉ́me á gwɔ́ pɔ́ ngie, nkwaŋá gẅi ńnéŋe ńtyé pɔ́ ná menò mbòŋo mie pʉ̀a tà ńgyɔ́ɔn gɔ’te, ńtyé nà nò nénʉ́, á nà nò gie á tyé ndʉŋ ndʉŋ, á nà nò té *lɔ̌’, á nà menò mie ée me mekù’, á nà menò mie mé gÿo pʉ̀a ná ngɔ́ɔnte, é menò mie é kẅéte, á nà menò mie mé siŋte nyìŋ mǒ.

Filipo 1:11

Yěsô ge gÿo pi ké ne fa’a pɔ́ mefà’ mbòŋo, ńzsé ngie pʉ̀a ge ne gyá, é gu’te Ssé, é gé’e lezíŋ sé.

Megàŋ ntúm 9:36

Atsɔ̌ mánzwě gwɔ́ Jope, lezíŋ sé gwɔ́ lé Tapita, ńdɔgɔ ńgɔɔn ngie nɔ̀ɔn ngáb. Á gwɔ́, mbà à la zẅíŋe nò Yěsô, ńgwɔ́ fʉ̀’ ntsèm ńgÿo pɔ́ nò mbòŋo, ḿbiŋe ńkẅéte pàte mmó.

Ŋwà’ne Jâŋ 1:47

Yěsô gyá pá’ Natanayɛl ne ńtóo, ńgɔɔn nò ná yé ngie: Wɔɔn aa kwà’ mûɔ Israel gẅie anò nkÿo nkÿo té ná yé wɔ́.

Ŋwà’ne Jâŋ 1:14

Ashwóŋè la cʉ́’ʉ nyìŋ mesoŋ, ńtó ńtsẅé tsetsɛ̀ɛ pege, pege gyá legú’ we, á gwɔ́ legú’ Múɔ wémɔ’ɔ́ gẅie à fóo lejʉ́ŋ Tá, ḿbú ńgẅiin poŋo ntʉ́m, ńnyɛ pɔ́ nò nénʉ́.

Titus 3:2

Gɔɔn né pɔ́b ngie tà pɔ́ gɔɔn nò tepòŋ né nyìŋ, ńgie pɔ́ pɔ́ɔn mentsaŋ, ńgie pɔ́ gwɔ́ pʉ̀a mbʉ́lè pʉ́lè, ńnéŋe ńná mekù’ wɔ̌wɔ́ɔ.

Titus 1:15

Akɔ́ɔkɔ́ɔ gwɔ́ pɔ́ mbòŋ mbwo pʉ̀a pie pɔ́ gẅiin ntʉ́m mbòŋo mvfò Ssé. Tá ńgʉa ná pʉ̀a pie ntʉ́m wɔ́b té poŋ, á nue pɔ́ té zába nà Ssé wɔ́, atsɔ́ mmó mbòŋo té wó mbwo pɔ́b wɔ́. Legyè sɔ́b neŋé ńtyé pɔ́ nà menò tepòŋ tà mbùm yɔb tè gíŋe ńcúa wɔ́b gwɔ́.

Roma 12:18

Mbàa yɛ̌ nò wɔ́ lɔɔn ńgwɔ́ ssé, tà shÿó gwɔ́ mbwo gù, ɔ̀ gÿo pɔ́ légwɔ́ gie pia pʉ̀a métsèm ge ńnéŋe lê mbʉ́lè.

Efeso 5:9

Mèŋ n gɔɔn pú’u, mélà’mie, apì légwɔ́ jʉ’e fɔ̌g aa legÿo menò mbòŋo, ńgÿo menò mie ée mvfò Ssé ńgwɔ́ ndʉŋ ndʉŋ, ńnéŋe tsɛ̀ɛ nò nénʉ́.

2 Korento 10:1

Mèŋ Pɔl, mèŋ n ge lɔg pá’ Yěsô Kristo pʉ́le tɛ’ ńgíŋ ńgwɔ́ ngàŋa pòŋo ntʉ́m, éshwóŋó gẅi tà’a nò. Aa kwà’ mèŋ pɔl wá gẅie mé gɔɔn ngie mèŋ n ge fʉ̀’ gie mèŋ n gee tsetsɛ̀ɛ pi, ń nẅéen nẅéen, ńké ńgwɔ́ fʉ̀’ gie mèŋ n gee ngʉ̀a shʉ̀shʉ̀a, ńgɔɔn nò mbwo pi tsɛ̀ɛ ŋwà’ne té pɔ́g la.

2 Korento 9:10

E Ssé gẅie aa náa mbyè mmó mbwo nyìŋ gẅie à pye, ńnáa mmó léjÿó á pfɛ́ɛ, à ge gÿo ké ne kẅi’i shúm sí kẅi’i, é gÿo e shʉ́a, légwɔ́ gie pi ge lɔgɔ pòŋo ntʉ́m é kẅi’i náa mmó né pʉ̀a.

Matio 5:9

Pàshÿó mbòŋo ee pʉ̀a pie pɔ́ ne ńdɔgɔ mbʉ́lè ńtáŋte menò, «mélà’mie mé ge lá’ tóŋo wɔ́b lê púɔ Ssé».

2 Korento 6:6

Peg ne ńdɔgɔ weg mà ńnyɛɛ ngie peg ee pafa’a fà’ Ssé. Peg gẅiin ntʉ́m Ndʉalʉ̌a, mbɔɔ zse nò gie á fóo mbwo Ssé, ńgÿo kwɔ́gɔ nnɛ́. Peg gẅiin pɔ́ pòŋo ntʉ́m nzèm pʉ̀a mesoŋ, ńzẅí’te yég kɔ́ wɔ́ pɔ́ mbwo Zẅìge Ndʉalʉ̌a, ńgẅiin nkwòŋe gie è tè nkwòŋ menÿɔ́g wɔ́,

2 Korento 7:11

Pi líe pɔ́ mmó gie yɛ̌ ntí lemÿɔg, á nà ntí gie e Ssé ne ńkwoŋo, e ka gÿo ná pi tá ńgyá. Gyá gẅi lésẅɛte á fʉ̀’ gie nò áa ssé, gyá gẅi lélúɔ ngie mé lege mefʉa mí ńná né pi. Gyá gẅi lemÿɔgɔ nò yɔ́ɔn, gyá gẅi lépɔ́gɔ nò, gyá gẅi létsɔ́ɔn légyá wɔ̀ɔn, gyá gẅi lézeŋe nnɛ́, gyá gẅi lézáb ngɔ́’ twó nyìŋ gẅie à fʉ̌a nò. Pi ka lɔg meshÿó ntsèm ńda’te ngie pi ka tè gíŋe ńne ńzsé tsɔ́ nò ná yɔ̀ɔn nò wɔ́.

Ŋwà’ne Jâg 2:13

E Ssé ge lá’ ne tsɔ́’te mentsaŋ, á le tsɔ́ɔn mezìŋe tè tsɔ̌ɔn mezìŋe pʉ̀a wɔ́, tá ńgwɔ́ gie nyìŋ la tsɔ́ɔn mezìŋe, mbà á ge lá’ lɔg pú’u, e Ssé le yé ŋag.

1 Piɛ 2:18

Pi pie pi fa’a mbwo pʉ̀a, ńgwɔ́ penkʉ́ pɔ́b, pi sẅí’i mbùm gi ńnáa ssé á mvfò metá pi nà kɔ̀ɔkɔ́ɔ, pi le sẅí’i pɔ́ ndà’ mvfò pie pɔ́ gẅiin pòŋo ntʉ́m, ḿbíŋ ḿbʉ́le pʉ́le wɔ́, pi gíŋ sẅí’i mbɔɔ mvfò pie e cÿɔ́g cÿɔ̌g.