Ŋwà’ne Jâg 3:10 - Nouveau Testament en Ngienboum

¹⁰ Mbʉ́lè mbɔɔ ndòon pǔ ńkẅɛɛ pɔ́ tsɛ̀ɛ tà’ ncwò wémɔ’ɔ́. Mefɛ́ pɔ́ɔn, á kɔ’ɔ́ tè poŋ ngie à gwɔ́ pú’u wɔ́.

Ŋwà’ne Jâg 3:10 Referans Kwoze

Roma 12:14

Pi tsɔ́ɔn pɔ́ nò mbòŋo á nà twó pʉ̀a pie pɔ́ ne ńgÿo pi gyá ngɔ́’. Pi tsɔ́ɔn pɔ́ nò mbòŋo, tà pi tsɔ́ɔn nò tepòŋ.

1 Piɛ 3:9

Tà pi lɔgɔ nò tepòŋ ńtsɔ́’ɔ nò tepòŋ. Tà mé zoonte gẅi pi pʉŋe. Tà ńcʉ́’ pú’u, pi gɔɔn ngie e Ssé gwɔ́ nê ngàŋ, e Ssé la tsɔ́’ɔ gẅi pɔ́ pá’ à ge gwɔ́ né pi.

1 Korento 3:3

anue mbùm gí zɔ nyé sá’a gẅí, kègɔ́’ zɔɔn nyé ńgwɔ́ pɔ́ tsetsɛ̀ɛ pi, pi nyě ńzoŋo nò zoŋ. Mbùm gí zɔ tě ńdɔgɔ ńnyé sá’a gẅi wɔ́? Pi tě ńdɔgɔ pú’u, ńnyé ńgÿo pɔ́ pá’ pʉ̀a njÿó gÿo wɔ́?

1 Timote 5:13

Atsɔ́ mmó gie á gÿo mé té lwo ńŋwe’e mezíŋ mɔ́b wɔ́ áa pá’ mé lɔɔn ńŋwe’e pɔ́ cʉ́’ melǒŋ, ńgwá ńkʉ́’ʉ mendá mendá, á gwɔ́ mege pÿɔ́g pɔ́ gwá ńkaa mezíŋ pʉ̀a, ńgwá ńkyɛ́’ menò mie mé ée ntěen ńkyɛ́’ɛ wɔ́, ńgɔɔn nò ná menò mie é té ne ńdíe wɔ́b gwɔ́.

Ŋwà’ne Jâg 1:16

Mefɛ́ pɔ́ɔn pe ntʉ̀ nzẅìŋ, tà nkwaŋá gẅi fʉte gẅí.

Ŋwà’ne Jâg 1:19

Mefɛ́ pɔ́ɔn pe ntʉ̀ nzẅìŋ, pi zsé ngie áa mbòŋ mbwo nyìŋ lézsé lézẅí’te nò gie mé gɔɔn, ḿbiŋ ńgɔɔn yé nò á ku’ ku’, é ké le lwo ńgyáŋa lóŋ wɔ́,

Ŋwà’ne Jâg 3:1

Mefɛ́ pɔ́ɔn, tà pi metsèm tsɔ́ɔn légwɔ́ pàzí’i pʉ̀a mmó, pi ne ńzsé mboŋó ngie, peg pie peg zí’i pʉ̀a mmó, ntí gie mé ge lá’ lɔg ŋaga wég, e ge lá’ tʉ cʉa ye petsɔ́ pʉ̀a.

Ŋwà’ne Jâg 3:9

Pege lɔg pɔ́ lʉ́m ńdɔg ńgu’te Cʉ̀apʉ̀a Tá wege, ńgíŋe ńdɔg pɔ́ yɛ̌ ńnéŋ ndòon twó pʉ̀a mesoŋ pie Ssé la pwóon ńgÿo pɔ́ sẅé yé.

Ŋwà’ne Jâg 3:11

À lɔɔn ńgwɔ́ tsɔ́ lesa’á ntse le ne fóo nà jʉ’ ńnáa ntse nǔ, ńgíŋe fó pɔ́ jʉ’ó ńnáa ntse gẅie é ne ńdẅe wɔ́.