Ŋwà’ne Jâg 2:23 - Nouveau Testament en Ngienboum

²³ Anò gie mé la ŋwe’e ńtí yé fó pú’u, ḿbumte, mé la ŋwe’e ngie: Ábalam la záb ntʉ́m wé nà Ssé, e Ssé fó mǒ, ńcʉ́’ ńdíe yé á gwɔ́ mvfò ye, ńgwɔ́ pɔ́ ndʉŋ ndʉŋ, á tóŋo yé lê shǔ we.

Ŋwà’ne Jâg 2:23 Referans Kwoze

Galatia 3:6

Aŋwà’ne Ssé zɔɔn ńgɔɔn ngie Ábalam la lɔg yé pɔ́ lezáb ntʉ́m nà Ssé, tá Ssé fó ná pá’ à zǎb ntʉ́m wé ná ye pú’u, ńzẅíŋe yé pá’ nyìŋ gẅie aa mvfò yé ńgwɔ́ ndʉŋ ndʉŋ.

Roma 11:2

E Ssé kaa gwá’ pʉ̀a pé pie à la tʉ́ njÿó ńtsɔ́’ɔ wɔ́b gwɔ́. Á ge gǎ wɔ́ pi ne ńzsé jʉ’ʉ ŋwà’ne Ssé gie áa mǒ *Elîɛ ne shwóŋó Ssé mmó gie pà Israel gÿǒ,

Galatia 3:22

Tá’ ŋwà’ne Ssé nyɛ ngie wɛ̌wɛ̌ nyìŋ wɔ́ à gwɔ́ pɔ́ nkwɔɔn mbwo nò tepòŋ. Áa pá’ɔɔn le gwɔ́ gie ammó gie e Ssé la ka’ ge pumte pɔ́ ná pʉ̀a pie é cʉa ná Yěsô Kristo ńzáb ntʉ́m wɔ́b nà ye.

Roma 9:17

Áa tsɛ̀ɛ ŋwà’ne Ssé, mbà mé la zɔɔn ńŋwe’e ngie: E Ssé gɔ̌ɔn né fùɔ Faraon ngie: Mèŋ n da lɔgɔ gú ńgÿo fùɔ légwɔ́ gie n ge nyɛɛ gú mmó, epʉ̀a fó mǒ ńgyá pá’ n tʉ pú’u, tá mé lêen ńké ńzsé lezíŋ sɔ́ɔn ájʉ’ ntsèm ndùmo ssé tsetsá’.

Lukase 4:21

Á lêen ńké ńzye lékyagte, ńgɔ́ɔn ngie: Menò mie pi foo lé jú’u tsɛ̀ɛ ŋwà’ne Ssé lɛ é pumté lyɛ̌’ɔɔn.

Malékuse 15:27

Pɔ́ la gíŋe ńkim tsɔ́ metsǒŋ mépʉ́a nà metÿǒ nkǐ. Tà’ gwɔ́ nà gwoŋó pwó Yěsô ye tʉ̀, wetsɔ̌ gwɔ́ nà gwoŋó pwó kyɛ̀bɛ.

Malékuse 12:10

Á lɔɔn tè kɔ́ wɔ́, mbà pi léen ńtóŋo jʉ’e ŋwà’ne Ssé gie á gɔɔn ngie: «Tóon gẅie pàpwóon ndá la gwá’ léen ńcʉ́’ʉ tóon gẅie yé zɔ pi’ ndá».

1 Piɛ 2:6

Mé la ŋwe’e tsɛ̀ɛ ŋwà’ne Ssé ngie: Pi gyá, mèŋ n kǎ tóon lezẅé ndá, ńnuŋe tÿǒsoŋ Sioŋ, á gwɔ́ tóon ńgẅiin shÿó ḿbiŋ ńgwɔ́ tʉ̀ nzẅìŋ ńgwɔ́ gẅie nyìŋ lɔɔn ńzáb ntʉ́m ná yé, eshʉ́ le lá’ ńkúu ngàŋ wɔ́.

2 Timote 3:16

Mé la gwaa ŋwe’e kɔ̀ɔkɔ́ɔ tsɛ̀ɛ ŋwà’ne Ssé wɔ́, á fóo pɔ́ ncwò Ssé. Pú’u ammó gie mé la ŋwe’e, à ku’u lélɔg ńzí’i pʉ̀a nò gie áa nénʉ́, ńku’u lélɔg ńdʉ’ʉ nò gie á té nò wɔ́, ńku’u lélɔg ńtÿɔ́gte pʉ̀a, ḿbiŋ ńku’u lélɔg ńzí’i pʉ̀a pá’ à lɔɔn ńgwɔ́ pɔ́ gÿo tá ńnéŋe nà ntí gie e Ssé ne ńkwoŋo.

Megàŋ ntúm 1:16

Mefɛ́ mefɛ́, á ka ne ńzɛ́te ngie ammó gie Zẅìge Ndʉalʉ̌a la lɔg ncwò fùɔ Ndavíd ḿbÿé, mé ŋwe’e tsɛ̀ɛ ŋwà’ne Ssé à pumte. Á nò gie à la tʉ́ njÿó ńgɔɔn ntí Jẅidas gẅie yé zɔ kéen ńkẅɛɛ nnyɛ̀ nzsè tá mé gwoon Yěsô.

Ŋwà’ne Jâg 2:24

Pi lɔgɔ ńgyá ngie á cʉa pɔ́ nà mefà’ mie nyìŋ ne fa’a, tá Ssé gɔɔn ngie ngàŋ aa ndʉŋ ndʉŋ mvfò yé, tà é té gwɔ́ pɔ́ ndà’ pá’ ngàŋ zǎb ntʉ́m wé nà Ssé wɔ.