Ŋwà’ne Jâg 2:13 - Nouveau Testament en Ngienboum

¹³ E Ssé ge lá’ ne tsɔ́’te mentsaŋ, á le tsɔ́ɔn mezìŋe tè tsɔ̌ɔn mezìŋe pʉ̀a wɔ́, tá ńgwɔ́ gie nyìŋ la tsɔ́ɔn mezìŋe, mbà á ge lá’ lɔg pú’u, e Ssé le yé ŋag.

Ŋwà’ne Jâg 2:13 Referans Kwoze

Matio 5:7

Pàshÿó mbòŋo ee pʉ̀a pie pɔ́ ne ńtsɔ́ɔn mezìŋe petsɔ́ pʉ̀a, «mélà’mie e Ssé ge gÿo tsɔ́ɔn mezìŋe mɔ́b yɔ́b».

Matio 6:15

Tá’ pi lɔɔn ńké tè lege mefʉa petsɔ́ pʉ̀a wɔ́, mbà Tá gẅi těen nge gÿo lege mí gí wɔ́

Lukase 6:37

Tà pi ńnéŋe ńtúu lɔ’ɔ́ pʉ̀a ḿbɔ́g Ssé létúu gí *lɔ̌’. Tà pi ńnéŋe ńkʉ́e pʉ̀a ḿbɔ́g Ssé lékʉ́e gẅí. Pi ńnéŋe ńdege mefʉ̀a pʉ̀a, e Ssé lege mefʉ̀a mí.

Ŋwà’ne Jâg 5:4

Megàŋa fà’ ka lag shúm sí nká’, pi jÿó nkáb yɔb. Pi jú’ pá’ pɔ́ lʉa. Ngyè pʉ̀a pie pɔ́ laga shúm sí ńnáa ndá e kwɔ̌’ tà ńkúu letuŋó Ssé, yé Cʉ̀apʉ̀a gẅie à sá’a pàlÿɔ́’ ncù ntsèm pie ée tÿǒ.

Lukase 16:25

Ábalam tsɔ́’ɔ mbwo yé ngie: Míŋ wɔ̀ɔn, kímte pá’ ɔ̀ ka nyé tsɛ̀ɛ njÿó ńgwɔ́ tsɛ̀ɛ fù’, Nǎzalo ne ńgyá ngɔ́’, á piŋ ńgwɔ́ fʉ̀’ɔɔn, Nǎzalo gwɔ́ tsɛ̀ɛ fù’, ɔ̀ ne ńgyá ngɔ́’.

Ŋwà’ne Jâg 3:17

Tá nyìŋ gẅie à gẅiin zse nò gie á fóo tÿǒ lepwó, à zɔɔn ḿvɔg ńgwɔ́ nyìŋ gẅie tsɔ́ *lɔ̌’ té nà ngÿǒ menò mé wɔ́, ḿbɔ́ɔnte ńgiŋe pɔ́ lê mbʉ́lè, ḿbɔ́ɔnte ńgwɔ́ nyìŋ mbʉ́le pʉlé, ńgÿo nò á ku’ ku’, ńzsé létsɔ́ɔn mezìŋe tɛ’, éfa’ mefà’ mbòŋo pɔ́ pú’u. À tè tyɛ̀’te gÿo, ńké tè nkwòŋ menÿɔ́g wɔ́.