Ŋwà’ne Jâg 1:9 - Nouveau Testament en Ngienboum

⁹ Á poŋ ngie fɛ́ wege gẅie aa fÿɔg kág, á nue e Ssé ŋǎ’ nzẅìŋ wé.

Ŋwà’ne Jâg 1:9 Referans Kwoze

2 Korento 6:10

Mé kwaŋ ngie peg ne ḿmÿɔgɔ tsɔ́ nò, tá peg ńnéŋe fʉ̀’ ntsèm pɔ́ nê lekág. Mé ne ńdɔgɔ wég ńtóŋo mepóŋ, tá peg ne ńdɔgɔ pʉ̀a tà ńgyɔ́ɔn ńgÿo ngàŋa mmó. Mé ne ńdíe wég pá’ fʉ̀’ gie mmó yég té wó wɔ́ la, tá peg ké ńgẅiin shúm ntsèm.

Ŋwà’ne Ngyà jʉ’ 2:9

Mèŋ n ne ńzsé ngʉ̀ngʉ̀ gi, ńne ńzsé ngie pi gwɔ́ pɔ́ mepóŋ, tá’, ńké ńgwɔ́ nà lezsě Ssé ńgwɔ́ ngàŋa mmó. Mèŋ n giŋé ńne ńzsé ngie pʉ̀a pie pɔ́ gɔɔn ngie pɔ́ ée pà Yuda, tá ńké ńdɔgɔ pɔ́ ncwò ńgɔɔn, pɔ́ ne ńkíme lezíŋ sí té poŋ. Pɔ́ gwɔ́ pɔ́ pʉ̀a pe cú’tè ye Sátà.

Lukase 1:52

À sẅe’é méfùɔ nà lʉŋ sɔ́b ńkaa mepóŋ ńnéŋe mǒ

Filipo 3:14

Mèŋ n gee mánzsè ńtsaa pɔ́ ndʉ̌ lékúu jʉ’ gie n gee wó ńkẅé ntsɔ’ɔ́ fà’ gẅie e Ssé la ka’ lénáa mbwo pege á tÿǒ lepwó ńtí nò gie Kristo la kwé nà twó ségè.

Filipo 3:3

Pege pɔɔn zɔ ee pʉ̀a pie mé la kwà’ ḿbú’u wégè. Pege zɔ̌ gwɔ́ pʉ̀a pie é gwɔ ne gu’te Ssé, ńne ńzẅí’te nò ncwò Zẅìge yé. Pege lɔgɔ pɔ́ Yěsô ńka’te, à lɔɔn ńgwɔ́ pege zɔɔn le lɔg shúm sie pʉ̀a mesoŋ gÿo ńtí mà lá’ gwɔ́b ńdɔg ńka’te wɔ́ le.

Roma 8:17

Pá’ pege ee púɔ Ssé la, pege ge lá’ gẅiin yégè mmó nà fù’ gie e Ssé la ka’a mbwo pʉ̀a pé, ńdɔgɔ ńgẅiin yégè mmó nà shúm Ssé, pega Kristo lɔgɔ ḿbú ńgẅiin. Pá’ pege ne ńzẅíŋe légyá ngɔ́’ pá’ à la zẅíŋ yé la, pega pɔ̌ ge gÿo gíŋe púte gwɔ́ tsɛ̀ɛ legú’ we.

Lukase 10:20

Mbɔɔ pú’u, tà pi kág pɔ́ pá’ *messé tepòŋ jǔ’ ncwò gẅí, pi kág pá’ Ssé ŋwe’é mézíŋ mí tsɛ̀ɛ ŋwà’ne tÿǒ lepwó.

Lukase 9:48

ńgɔɔn mbwo *ngàŋa kwò yé ngie: Nyìŋ lɔg lezíŋ sɔ́ɔn, ńkúe mûɔ mémúɔ wɔɔn, mbà ngàŋ kúe pɔ́ wɔ̀ɔn. Nyìŋ piŋ ńkúe wɔ̀ɔn, mbà à tě ńkúe pɔ́ wɔ̀ɔn ndà’ wɔ́, à kúe pɔ́ nyìŋ gẅie à la túmo wɔ̀ɔn. Pi zsé mboŋó ngie nyìŋ gẅie aa tsetsɛ̀ɛ pi à tè nyɛ nnɛ́ wɔ́ zɔɔ kwà’ ndÿò

1 Piɛ 2:9

Tá ńgʉa ná pi, mbà pi ee ngẅɛ̀ pʉ̀a pie Ssé la kaŋ, ńgwɔ́ pànuŋe pwɔ́’ fùɔ ndÿò, ńgwɔ́ lá’ gie áa yé, ńgwɔ́ pʉ̀a pie à la cwoŋo wɔ́b é gwɔ́ pé, pá’ pɔ́ ge gʉa shwóŋ memáa menò mie à la gÿo, yé gẅie à la fó tsɛ̀ɛ nzěm ńkẅile gẅí, ńnéŋe gẅi nà jʉ’ʉ fɔ̌g gie kyɛ̀’ɛ mbòŋo yé áa wó.

Lukase 14:11

Áa pú’u, tá ńgwɔ́ gie nyìŋ lɔɔn ńŋá’te nnɛ́, mbà Ssé ge sẅé’e yé náa ssé, ésẅé’e mbùm ye ńnáa ssé, mbà Ssé ge pʉ’ʉ yé tÿɔ́g tÿɔ́g.