Ŋwà’ne Jâg 1:6 - Nouveau Testament en Ngienboum

⁶ Tá ngàŋ ké ńcʉ́’ʉ lélúɔ, ńzáb ntʉ́m wé nà Ssé té ne ḿmʉ́’te, á nue nyìŋ gẅie à mʉ’té, à gwɔ́ pɔ́ pá’ kanú’ gie á tyé ndùm ntse, fefa ne ńdɔgɔ ḿbʉʉ, ńdɔgɔ ńcwóŋo la.

Ŋwà’ne Jâg 1:6 Referans Kwoze

Heber 11:6

Mé lɔgɔ ńgyá ngie nyìŋ lɔɔn tè záb ntʉ́m nà Ssé wɔ́, mbà shÿó pá’ ńgwɔ́ nò yé poŋ Ssé té wó wɔ́. Nyìŋ lɔɔn ńne sẅɛ’te nnɛ́ nê lejʉ́ŋ Ssé á gẅiin lé zɔɔn ḿvɔg ńzẅíŋ ngie e Ssé ee wó, ḿbiŋ ńne ńtsɔ́’ɔ fà’a pʉ̀a pie pɔ́ ne fa’a yé.

Efeso 4:14

À cʉa pú’u, pege é le gíŋe ńgwɔ́ mecʉ̀cʉ̀ŋ penkʉ́ pie ée pá’ kanú’ gie ntse shwoŋo ńdɔgɔ ńgee jʉ’ɔɔn, ńgee jʉ’ʉ wɔ́. Mé le gíŋe shwóŋó wégè ngie pege pʉ pʉ kà ngie pege cwóŋ cwóŋ wɔ́, tà pege jú’ mɛ̌ ménò mie mé zí’i pʉ̀a ńzẅíŋ wɔ́. Á fó pú’u, pege le gíŋe ńgwɔ́ pá’ mecʉ̀cʉ̀ŋ pie pɔ́ zẅíŋe, epʉ̀a kwaŋa menò ńdɔgɔ fʉte wɔ́b pɔ́ zẅíŋe cÿɔ̌ nò wɔ́.

Heber 10:23

E Ssé ka ka’a mmó mbwo pege. Aa ḿbiŋe ńka’a mmó, ńdá’a ńgÿo pɔ́ yɛ̌. Pú’u la, pege ké ńne ńkẅi’i shʉa shʉa ńgɔɔn ngie, pege ne ńzẅí’te mmó gie à la ka’ tà pege é le ne mʉ́’te wɔ́.

Heber 13:9

Tà pi zẅíŋ mé zí’i gẅi menò ntí ntí mie é té tsẅé’e nà nò gie pege zába ntʉ́m mǒ wɔ́, e gÿo pi fʉa mánzsè. Á poŋ ngie atsɔ́ɔn mezìŋe Ssé zɔ néŋ ntʉ́m nyìŋ tà mbʉ̌ mie mé zába, é gɔɔn nò ná shúm léjÿó zɔ̌ le néŋ. Epʉ̀a pie pɔ́ kú’te mɛ̌ mbʉ̌ pɔ́ laa jÿó tsɔ́ pì mǒ wɔ́.

1 Timote 2:8

Á gʉa ná nò létsyɛ’te Ssé mèŋ n ne ńtsɔ́ɔn ngie nzɔ̌ nzɔ̌ wɔ́ gie pʉ̀a Kristo cu’té wó wɔ́, mbàŋa tsyɛ’te Ssé, ńgwɔ tsyɛ’te, ńgwɔ́ pʉ̀a pie é té záb mbwó nà shúm tepòŋ tá ḿbiŋ ńkwé’e ńnáa tÿǒ fʉ̀’e létsyɛ’te Ssé wɔ́. Pɔ́ gíŋe ńgwɔ́ pʉ̀a pie é té ngàŋ lóŋ wɔ́, ńké tè fa’ mentsaŋ wɔ́.

2 Piɛ 2:17

Pà zí’i pʉ̀a nò Ssé pé cÿɔ̌ nò ŋwɛ́ gwɔ́ pɔ́ pà’ jʉ’ gie ntse kɔ́ɔn ńkẅɛ’ɛ wò, é kěen ńjúm la, pɔ́ gwɔ́ pɔ́ pá’ mbʉ̀ŋ gie é kwɔ̌’, à fóm kaa ńdɔg ńgʉa. E Ssé lěen ńnyɛte jʉ’ʉ yɔ́b ńtÿɔ́gɔ tsɛ̀ɛ ssé nzěm.

Matio 14:28

Piɛ leen ńké ńgɔɔn né yé ngie: Cʉ̀apʉ̀a à lɔɔn ńgwɔ́ kwà’ gú, ɔ̀ gÿo mèŋ n giŋe ndùm ntse ńtó ńzá’a ɔ́.

Megàŋ ntúm 10:20

Lu ssé, ésẅɛ́’, pia pɔ̌ gʉa. Tè zoŋ á nue mèŋ n zɔ tumó wɔ́b.

Ŋwà’ne Jâg 1:7

Tà ntí nyìŋ pú’u, kwaŋ ngie Cʉ̀apʉ̀a ge náa tsɔ́ lága mmó né yé,

Ŋwà’ne Jâg 5:15

Asẅíŋte gie mé gwaa gÿo, ńzáb ntʉ́m nà Ssé, à gÿo, à zeŋe. Cʉ̀apʉ̀a pʉ’ʉ yé, ńgwɔ́ gie à ka fǒ ńgÿo pɔ́ nò tepòŋ, mbà Ssé ge lege menò tepòŋ mé náa mbwo yé.