Ŋwà’ne Jâg 1:5 - Nouveau Testament en Ngienboum

⁵ Nyìŋ lɔɔn ńgwɔ́ tsetsɛ̀ɛ pi, ńtyé nà nò, azse nò zága yé, á lúɔ mbwo Ssé, mbà Ssé ge ná. Á nue e Ssé zɔɔn ńdɔg pɔ́ ntʉ́m mbòŋo ńnáa mmó mbwo wɔ̌wɔ́ɔ té zẅɛ́te.

Ŋwà’ne Jâg 1:5 Referans Kwoze

Ŋwà’ne Jâŋ 15:7

Pi lɔɔn ńda nnɛ́ ná mèŋ, ashwóŋè yɔ́ɔn gwɔ́ tsɛ̀ɛ ntʉ́m pi, pi lúɔ mmó gie pi kwǒŋ, mbà mé ge gÿo yɛ̌ mbwo pi.

Ŋwà’ne Jâg 3:17

Tá nyìŋ gẅie à gẅiin zse nò gie á fóo tÿǒ lepwó, à zɔɔn ḿvɔg ńgwɔ́ nyìŋ gẅie tsɔ́ *lɔ̌’ té nà ngÿǒ menò mé wɔ́, ḿbɔ́ɔnte ńgiŋe pɔ́ lê mbʉ́lè, ḿbɔ́ɔnte ńgwɔ́ nyìŋ mbʉ́le pʉlé, ńgÿo nò á ku’ ku’, ńzsé létsɔ́ɔn mezìŋe tɛ’, éfa’ mefà’ mbòŋo pɔ́ pú’u. À tè tyɛ̀’te gÿo, ńké tè nkwòŋ menÿɔ́g wɔ́.

Ŋwà’ne Jâŋ 14:13

Pi gÿo ńdɔg lezíŋ sɔ́ɔn ńdúɔ kɔ́ mbwo Ssé wɔ́, mbà mèŋ n ge gÿo. Á cʉa pú’u, mèŋ múɔ n da’te legú’ Tá wɔ̀ɔn.

1 Jâŋ 3:22

é luɔ pɔ́ kɔ́ mbwo yé wɔ́, à ná mélà’mie pege ne ńgiŋe ná *lepʉ̌ sé, ḿbiŋe ńgÿo mmó gie à ne ńkwoŋo.

Ŋwà’ne Jâg 5:16

Pú’u la, pi zẅíŋ mefʉa tsetsɛ̀ɛ pi. Nyìŋ zẅíŋ mefʉa mbwo fɛ́ we, afɛ̌ we zẅíŋe mbwo yé. Nyìŋ gẅi sẅíŋte Ssé nà twó fɛ́ we. À cʉ́a pú’u, pi zeŋe. Asẅíŋte nyìŋ gẅie áa ndʉŋ ndʉŋ mvfò Ssé, á giŋ tɛ’.

Ŋwà’ne Jâŋ 4:10

Yěsô tsɔ́’ɔ mbwo yé ngie, ɔ̀ gwé’e ńzsé fù’ gie Ssé náa, ḿbiŋ ńzsé nyìŋ gẅie à gɔɔn né gù ngie: Ná ntse n nú, mbà gù zɔ cʉ̌’ ńdúɔ ntse nǔ mbwo yé, á náa gú ńtse gẅie éfóo lesá’a.

Ŋwà’ne Jâg 1:17

Afù’ gie á poŋ tɛ’, mbɔɔ ntsɔ’ɔ́ fà’ we mbòŋo pú fóo pɔ́ tÿǒ lepwó, á mbwo Ssé gẅie à la nyɛte nèm lâ mecÿɔ́’ saŋ á lefaŋ. À tè kúbe, ńké tè nzěm gẅiin.

Matio 11:20

Yěsô gɔɔn pú’u, ńzye léla’ pʉ̀a metÿǒsoŋ mie à la gʉa wó, ńgÿo menò mmɔɔn mmɔɔn tà é gyɔ́ɔn, pʉ̀a ŋwɛ́ ké tè sele nnɛ́ ńcʉ́me nzèm Ssé wɔ́.

2 Korento 2:16

Yɛ̌ gyě áa mbwó pʉ̀a pie é ne ḿbyé ńgwɔ́ gyě legwé gie á náa legwé, ńgwɔ́ mbwo pʉ̀a pie é ne ńtsẅɛ́ɛ, ńgwɔ́ gyě le gwɔ́ wó gie á gÿo mé gwɔ́ wó, tà áa pá’ɔɔn, ńgwɔ́ wɔ̌ ku’u légwɔ́ mmó gie mé ge lɔg fa’a yɔɔn fà’?

Malékuse 16:14

Yěsô la gÿo ńgíŋe ńnyɛ mbùm ye mbwo *ngàŋa kwò yé tsɔ̀b yémɔ’ɔ́ nê legém métsèm. Pɔ́ gwɔ́ ndá mpfɛ́ɛ mmó. Á kaga wɔ́b ná pá’ pɔ́ ně tè zẅíŋ, ńgíŋe ńdʉ’ mbɔɔ lézẅíŋe nò ncwò pʉ̀a pie à zǐm ńnyɛ mbùm ye mbwó pɔ́b.