Ŋwà’ne Jâg 1:19 - Nouveau Testament en Ngienboum

¹⁹ Mefɛ́ pɔ́ɔn pe ntʉ̀ nzẅìŋ, pi zsé ngie áa mbòŋ mbwo nyìŋ lézsé lézẅí’te nò gie mé gɔɔn, ḿbiŋ ńgɔɔn yé nò á ku’ ku’, é ké le lwo ńgyáŋa lóŋ wɔ́,

Ŋwà’ne Jâg 1:19 Referans Kwoze

Efeso 4:26

Pi lɔɔn ńgyáŋa lóŋ, pi pɔ́ɔn légÿo nò tepòŋ, ḿbɔ́ɔn nèm légwaa pyé, agyáŋa lóŋ nyé ntʉ́m pi.

Kolosia 3:8

Tá’, á ké ńgwɔ́ fʉ̀’ɔɔn ńne ńzɛ́te ngie pi sẅɛ mɛ̌ menò ná pi ńgwá’, pá’ mé gwá’a nzẅìŋe nzsǒ la. Mé gɔɔn nyìŋ gẅi légyáŋa lóŋ, á nyìŋ gẅi léńnéŋe ńcÿɔ́g cÿɔ́g, á nyìŋ gẅi lézá’ lekwɔɔn nyìŋ, á nyìŋ gẅi lézoon nzòon, á shwóŋe tepòŋ légíŋe ńkẅɛɛ ncwò pi.

Efeso 4:31

Pi pú ńkẅile shúm sie ée ntʉ́m pi ńgÿo ncwò gẅi pÿɔ́gɔ, ńkẅile lézá’ lekwɔɔn nyìŋ, ńkẅile gyáŋa lóŋ, tà pi gíŋe ńtág ntsaŋ, tà pi twó ncwò, pi pú ńgwá’ fʉ̀’ nò ntí ntí,

Kolosia 3:15

Mèŋ n ne ńtsɔ́ɔn ngie mbʉ́lè gie e fóo mbwo Kristo e jÿó ntʉ́m gẅí, e Ssé la tóŋo gẅi métsèm légwɔ́ gie pi ge gẅiin mbʉ́lè ŋwɛ́, pá’ pi ge gwɔ́ mekèm tà’ mbùm nnɛ́. Pi ké ńgwɔ́ fʉ̀’ ntsèm, ńne ńnáa ndǎg mbwo Ssé.

Matio 5:22

Tá’ mèŋ n gɔ̌ɔn yɔ́ɔn né pi ngie: Nyìŋ lɔɔn ńgyáŋa lóŋ nà fɛ́ we, mé gẅiin lélɔgɔ yé ńgʉa mvfò ntsɔ́’te mentsaŋ. Nyìŋ gẅie à toŋó fɛ́ we lê gʉ̀gʉ̀, mé gẅiin lélɔgɔ yé gẅie à tǒŋ ńgʉa mvfò cú’tè pàsá’a lá’. Nyìŋ gẅie à toŋó fɛ́ we lê tè zsé Ssé, à ku’u nyìŋ gẅie ńgwɔ́ Ssé ma’a yé mmɔ̌g.

Ŋwà’ne Jâg 1:26

Nyìŋ lɔɔn ńne ńkwaŋa ngie aa nà nò Ssé, ncwò wé piŋ tè poŋ, mbà à fʉte twó mbùm yé. À we légwɔ́ ná nò Ssé gwɔ́ pɔ́ sẅɛ̀ɛ.

1 Tesalonika 2:13

Atsɔ́ mmó gie á gÿo peg sie Ssé fʉ̀’ ntsèm, áa nue peg la shwóŋó nò Ssé mbwo pi, pi jú’, ńzẅíŋ ngie áa shwóŋè Ssé, ńgie á té shwóŋè nyìŋ mesoŋ wɔ́. Á ne fa’a tsɛ̀ɛ ntʉ́m gẅí, pi pie pi ka záb ntʉm gẅi ná Yěso.

Megàŋ ntúm 17:11

Pà Yuda pie ée nà yɛ̌ tÿǒsoŋ gẅiin ntʉ́m mbòŋo ńcʉa pie ée Tesalonika. Pɔ́ zẅí’te shwóŋè Pɔl pɔ́ Silas lê ntʉ́m mbòŋo, ńgwɔ́ lyɛ̌’ ntsèm, ńne ńtóŋo ŋwà’ne Ssé, ńtuu nò ńnáa mǒ, éfa’a lézsé ka nò gie pɔ́ shwóŋó wɔ́b, áa pú’u wɔ́.

Lukase 19:48

Tá fá’ shÿó kékáŋ, mélà’mie alá’ ntsèm la ne ńtéŋe letwoŋó tɛ’ ńzẅí’te nò gie Yěsô gɔɔn.

Malékuse 2:2

alá’ pú ńcú’te wó tà ntÿɔgɔ́ kwò tè gíŋe ńgwɔ́ wó wɔ́, tà mbɔɔ ncwò ndá, Yěsô zye léshwóŋó wɔ́b nò Ssé.

Megàŋ ntúm 10:33

À ka gɔ̌ɔn pú’u, n gwóon ńtúm pʉ̀a fǎ’ gù. Ɔ̀ gÿǒ mboŋó pá’ ɔ̀ tǒ lɛ. Áa fʉ̀’ɔɔn pá’ɔɔn, pege metsèm tyé mvfò Ssé. Peg tyě pá’ɔɔn, mbà peg taŋté mbùm yeg lé jú’u nò gie Cʉ̀apʉ̀a cʉmé mbwo gù ngie ɔ̀ shwóŋó wég.

Megàŋ ntúm 2:42

Pɔ́ lɔ́ɔn ńtóo fʉ̀’ ntsèm té tsó, megàŋ ntúm zí’i wɔ́b nò Ssé, ńně ńtemte ńnéŋe pá’ pùɔ memá la, ḿbúte ḿpfɛ́ɛ mmó, ḿbiŋe ńcú’te sẅíŋte Ssé.

Lukase 15:1

*Pàkẅé ncùb pà Roma lâ petsɔ́ pʉ̀a pie mé lɔ́ɔn ńkʉ́e wɔ́b ne ńtóo metsèm, á lejʉ́ŋ Yěsô lé jú’u nò yé.

1 Jâŋ 2:21

Mèŋ n ka gwaa ŋwe’e ŋwà’ne ná né pi mèŋ n tě ńdɔgɔ ńgɔɔn ngie pi tè ne ńzsé nò nénʉ́ gwɔ́ wɔ́. Á gwɔ́ pɔ́ nò gie pi ne ńzsé. Pi giŋé ńne ńzsé ngie, etsɔ́ cÿɔ nò lɔɔn ńgwɔ́ é le tsɛ̀ɛ nò nénʉ́ kẅɛ.

Megàŋ ntúm 13:48

Pʉ̀a pie é té pà Yuda wɔ́ jú’u yɔɔn nò, ḿbú ńkág tɛ’, ńgu’te shwóŋè Cʉ̀apʉ̀a. Pʉ̀a pie ée tsetsɛ̀ɛ pɔ́b, mbà Ssé tsɔ’ɔ́ wɔ́b pá’ pâ pɔ̌ ge gẅiin le gwɔ́ tèmì, záb ntʉ́m wɔ́b ná Yěsô.

Malékuse 12:37

Kwà’ fùɔ Ndavíd zɔ̌ tóŋo *Nzà’nkÿo le we Ndè, tá á piŋ ńgwɔ́ nyìŋ nà ngẅɛ̀ ye lêkɔ́? Epʉ̀a pie é kě jʉ’ó, jú’u nò gie Yěsô gɔ̌ɔn, á pú ḿboŋo wɔ́b tɛ’.

Megàŋ ntúm 1:15

Á gÿo ńgwɔ́ tsɔ̌ lyɛ̌’, mefɛ́ mefɛ́ cú’te ssé, (tà ńgwɔ́ mmó pʉ̀a nkÿo lemóm mbʉ́a). Piɛ lu ssé, ńtyé tsetsɛ̀ɛ pɔ́b ńgɔɔn ngie:

Ŋwà’ne Jâg 1:2

Mefɛ́ pɔ́ɔn, ngʉ̀ngʉ̀ mentí mentí lɔɔn ńne ńkúu gẅí, pi lɔg pɔ́ kwà’ lekág ńkẅé.

Ŋwà’ne Jâg 1:16

Mefɛ́ pɔ́ɔn pe ntʉ̀ nzẅìŋ, tà nkwaŋá gẅi fʉte gẅí.

Ŋwà’ne Jâg 2:1

Mefɛ́ pɔ́ɔn tà pi ne ńzába ntʉ́m ná Cʉ̀apʉ̀a Yěsô Kristo wege gẅie à gẅiin máamáa legú’, ńgíŋe ńgẅiin tyɛ̀’te tsetsɛ̀ɛ pi.

Ŋwà’ne Jâg 2:5

Mefɛ́ pɔ́ɔn pe ntʉ̀ nzẅìŋ, pi jú’ mboŋó, e Ssé la tsɔ́’ pʉ̀a pie mé tóŋo tsɛ̀ɛ njÿó lê mefÿɔg, ńdɔg ńgÿo pàzáb ntʉ́m ná yé tɛ’, pɔ́ gẅiin yɔ́b jʉ’ tsɛ̀ɛ nò lefùɔ sie à la ka’a mbwo pʉ̀a pie é kwoŋo yé.

Ŋwà’ne Jâg 3:10

Mbʉ́lè mbɔɔ ndòon pǔ ńkẅɛɛ pɔ́ tsɛ̀ɛ tà’ ncwò wémɔ’ɔ́. Mefɛ́ pɔ́ɔn, á kɔ’ɔ́ tè poŋ ngie à gwɔ́ pú’u wɔ́.

Ŋwà’ne Jâg 4:11

Mefɛ́ pɔ́ɔn, tà zẅɛ́te gwɔ́ tsetsɛ̀ɛ pi. Nyìŋ lɔɔn ńzẅɛ́te ná fɛ́ we, kà ńtú pɔ́ *lɔ̌’ yé wɔ́, mbà à zẅɛ́te pɔ́ nà *lepʉ̌, ḿbiŋe ńtúu pɔ́ *lɔ̌’ lepʉ̌. Nyìŋ lɔɔn ńké ńtúu lɔ̌’ɔ lepʉ̌, mbà à tè gíŋe ńgwɔ́ nyìŋ gẅie à kú’te lepʉ̌ wɔ́, à cʉ’ʉ́ ńtúu lɔ̌’ɔ lepʉ̌ tú.

Ŋwà’ne Jâg 5:12

Mefɛ́ pɔ́ɔn, á lɔɔn ńgwɔ́ pɔ́ nò kɔ́ wɔ́, tà pi gɔɔn nò tà ńkʉa. Tà pi lɔg lepwó ńkʉa nò. Tà pi lɔgɔ tsetsá’ ńkʉa, tà pi zɔɔn fó ńkʉa nò kʉa. Á poŋ ngie gẅi oon à gwɔ́ pɔ́ oon, agẅi ngǎŋ à gwɔ́ pɔ́ ngǎŋ. À cʉa pú’u, tá Ssé le gÿo e ngie pi gwě ntsaŋ wɔ́.

Ŋwà’ne Jâg 5:19

Mefɛ́ pɔ́ɔn, nyìŋ gẅi lɔɔn fʉa mánzsè, ńnyé nò gie áa nénʉ́, mé piŋ ńtÿɔ́gte yé, tà á piŋ nzèm,