Ŋwà’ne Jâg 1:18 - Nouveau Testament en Ngienboum

¹⁸ Yé zɔ la kwoŋ, ńdɔgɔ shwóŋe gie áa nénʉ́, ńgÿo pege tsẅɛ́, légwɔ́ gie pege ge gwɔ́ mbwo yé, é gwɔ́ ntwó mmó ná ngwòŋ kɔ̀ɔkɔ́ɔ gie à la gÿo.

Ŋwà’ne Jâg 1:18 Referans Kwoze

1 Piɛ 1:23

Mé ka zɔɔn ńzyé gẅi lezyé we sẅé, tà à tè gwɔ́ pɔ́ lezyě we nyìŋ mesoŋ gẅie aa ńkwé wɔ́. À gwɔ̌ pɔ́ gẅie à fóo ná mbyè mmó gie e tě ńdá’a ńkwé wɔ́, yɛ̌ mbyè mmó gwɔ́ shwóŋè Ssé gie á náa kwà’ le gwɔ́, ńgwɔ́ gie á ge lá’a gwɔ́ pɔ́ wó.

Ŋwà’ne Jâŋ 1:13

Legwɔ̌ pú’u, à tě fóo nà ntí gie mámbàŋa pɔ́ manzwě kwǒŋ ńzyé wɔ́, ńké tě fóo ná lekwoŋ we nyìŋ mesoŋ wɔ́, mé gɔɔn légwɔ́ púɔ Ssé, mbà Ssé zɔ kwǒŋ yɛ̌ ntí lezyé.

1 Piɛ 1:3

Pege síe Ssé Tá pà Cʉ̀apʉ̀a wege Yěsô Kristo. À la tsɔ́ɔn mezìŋe mege, ńgÿo mé zyé wégè lezyé se sẅé, ńcʉa ná Yěsô Kristo gẅie à la zíme nà legwé. Á cʉa pú’u, pege ńnéŋe fʉ̀’ ntsèm, ńne ńzẅí’te kwà’ le gwɔ́,

Ŋwà’ne Ngyà jʉ’ 14:4

ée pʉ̀a pie pâ panzwě la tè gÿo menò ncÿǒ wɔ́, pɔ́ gwɔ́ pɔ́ pʉ̀a pie pɔ́ laa mánzwě zsé. Mûɔ *Njʉ̀njÿò gʉa nzɔ̌ wɔ́, pɔ́ zse pɔ́ nzèm ye, ée pʉ̀a pie mé la gʉa tsetsɛ̀ɛ pʉ̀a mesoŋ ńcu’u wɔ́b, pɔ́ gwɔ́ mvfò Ssé mbɔɔ mvfò Mûɔ *Njʉ̀njÿò, ńgwɔ́ pɔ́ pá’ ntwó mmó gie é fǒ nká’ la,

Efeso 1:12

À lɔ̌ɔn ńtsɔ́’ɔ wégè pú’u, le gwɔ́ gie peg pie peg ka vɔgɔ lézáb ntʉ́m nà Kristo, peg ge gu’te yé Ssé á nue à gú’ tɛ’.

1 Jâŋ 3:9

Wɔ̌wɔ́ɔ gẅie à vɔg tà ńcʉ́’ʉ míŋ Ssé, à tè gíŋe ńnéŋe ńgÿo nò tepòŋ wɔ́, á nue le gwɔ́ gẅie à fóo ná Ssé aa ná yé ńgwɔ́ pá’ mbyè mmó la. À tè gíŋe ńku’u légÿo nò tepòŋ wɔ́, á nue aa míŋ Ssé.

Heber 12:23

Pi ka sẅɛ’te nnɛ́ ńtóo tsɛ̀ɛ cú’tè pʉ̀a pie Ssé la lɔgɔ wɔ́b ńgÿo púɔ pé pie ée twó mvfò, pɔ́ gwɔ́ tsɛ̀ɛ lekág, mezíŋ mɔ́b gwɔ́ me ŋwe’e á tÿǒ lepwó. Pi ka sẅɛ’te nnɛ́ ńtó nê kwà’ lejʉ́ŋ Ssé, ée ndà’ yé, ńgwɔ́ ŋàg pʉ̀a mesoŋ métsèm. Pi ka tǒ nê jʉ’ gie mezẅìge pʉ̀a mesoŋ pie pɔ́ ée ndʉŋ ndʉŋ mvfò Ssé ée wó. Pɔ́ ée fʉ̀’ɔɔn ńgwɔ́ pʉ̀a Ssé pɔ́ ndà’ ndà’.

Ŋwà’ne Jâg 1:21

Pú’u la, pi gwá’ menò ncÿǒ ntsèm, ńgwá’a mà gẅie à fóo nà lecÿɔ́g cÿɔ́g. Pi nuŋe ssé mvfò Ssé, ńzẅíŋe shwóŋè gie á ka pye tsɛ̀ɛ ntʉ́m pi. Á nue à ku’u légÿo pi tsẅɛ́.

1 Korento 4:15

Pi zɔɔn ńgẅiin pʉ̀a pie pɔ́ zí’i gẅi nò Kristo tà é fó ńgwɔ́ pɔ́ ntsá’ legém, mbà metá pí té gyɔ́ɔn gyɔ́ɔn wɔ́. Mèŋ n zɔ tá gẅi á nue mèŋ n zɔ ka tǒ ńtsẅi nkʉ̀ mbòŋo mbwo pi, tá pi la nnɛ́ ná Yěsô Kristo.

Roma 4:17

Ndʉŋ ndʉŋ pá’ ŋwà’ne Ssé ne ńgɔɔn ná yé ngie: «Mèŋ n zabá gú pá’ ɔ̀ ge gwɔ́ mangʉa njʉ’ pʉ̀a melá’a melá’». Ábalam aa mvfò Ssé gẅie yé Ábalam la záb ntʉ́m ná yé, ńgwɔ́ mangʉa njʉ’ wege, é gwɔ́ Ssé gie e gÿo mepfó gíŋe ńgwɔ́ wó, ńtóŋo mmó gie á zɔɔn tè wó wɔ́, á kẅɛɛ ńtyé.

2 Korento 6:7

Peg shwóŋ yég pɔ́ nò nénʉ́, ammó gie peg gÿo á nyɛ pɔ́ metʉ̀ Ssé. Peg lɔg pɔ́ nò gie á tyé ndʉŋ ndʉŋ ńdɔg ńgÿo yég mmó lɔg ńkem ncù tà mbɔɔ yé lɔg ńdÿɔ́’ ncù.

Efeso 1:13

Á gʉa ná pi gí, mbà pi ka jú’u shwóŋè gie áa ye nénʉ́, é gwɔ́ nkʉ̀ mbòŋo gẅie e Ssé ka cʉa pɔ́ mǒ tá ńgÿo pi tsẅɛ́. Pi ka jú’ pú’u, ńzáb tʉ́m gẅi ná Kristo, e Ssé cÿɔ’ɔ liŋé yé ná pi, ńdɔgɔ ńnyɛɛ ngie pi ee pʉ̀a pé. Yɛ̌ liŋé gwɔ́ Zẅìge Ndʉalʉ̌a gie à la ka’ ngie à ge náa mbwo pege.

2 Timote 2:15

Kag tʉ̀ légwɔ tyé mvfò Ssé, ńgwɔ́ nyìŋ gẅie à lɔɔn ńgwɔ́ e Ssé zẅíŋe nò yé, gwɔ́ ngàŋa fà’ gẅie eshʉ́ té ge ne kúu yé nà fà’ yé wɔ́. Gwɔ́ ngàŋa fà’ gẅie à tsẅi nkʉ̀ nò gie áa nénʉ́, té gʉa mǒ ńkúbe tsɔ́ mmó.

Ŋwà’ne Jâg 1:15

Letsɔ̌ɔn shúm ŋwɛ́ gwɔ́ tà ńgá’, ńkẅɛɛ nò tepòŋ, anò tepòŋ gá’ ńkẅɛɛ legwé.

Ŋwà’ne Jâg 3:14

Tá ńké ńgwɔ́ gie pi lɔɔn ńgẅiin kègɔ́’ gẅie à léen ńgá’ mbɔɔ lʉŋte nnɛ́ tsɛ̀ɛ ntʉ́m pi, tà pi gíŋ ńŋá’te ngie pi ee pàzsé nò, tà pi lɔg cÿɔ̌ nò, ḿbyága nò nénʉ́.