Matio 9:26 - Nouveau Testament en Ngienboum

²⁶ Mé lɔgɔ yɔ̀ɔn nò ḿbú saa jʉ’ nà yɛ̌ pàga ngwòŋ.

Matio 9:26 Referans Kwoze

Matio 4:24

Á gwɔ́ pú’u, mé lɔg lezíŋ sé ésa ngwòŋ Siria ntsèm. Mé ne ńdɔgɔ pʉ̀a metsèm pie meguɔ ntí ntí laa ná pɔ́b, é pʉ̀a pie *messé tepòŋ la ne ḿbue wɔ́b, mbɔɔ pàgwe gwá’, lâ megàŋa kwʉ́’te ńtóo, Yěsô gÿo pɔ́ zeŋe.

Malékuse 1:45

Tá á gʉa, ńdeen ńgwá ńdɔgɔ nò ŋwɛ́ sá jʉ’. Á gwɔ gwɔ́ tà Yěsô tě ńgíŋe shʉ̀a shʉ̀a, ńkúu tsɔ́ tÿǒsoŋ wɔ́, ńcʉ́’ʉ ńzso pɔ́ mánzsè, á jʉ’ gie pʉ̀a té wó wɔ́. Mé ké ńně fóo jʉ’ ntsèm, ńtóo tǒ, ńgyá yé.

Megàŋ ntúm 26:26

Tà nɔ̀ɔn temà’ Agripa neŋé pɛ́’ɛ̀ ḿbú ne ńzsé pɔ́ ntsèm. Áa mmó gie á gÿo mèŋ n tyé mvfò yé ńgɔɔn nò té pɔ́g, mélà’mie mèŋ n zsé ngie, atsɔ́ nò gie áa mǒ, á ne ḿmoŋe, á té wó wɔ́. Á zɔɔn ńgwaa gwɔ́, mbà mɛ̌ menò kà tè cʉate pɔ́ jʉ’e lelyěen wɔ́.

Malékuse 6:14

À yɔɔn nò gÿo lezíŋ Yěsô sa jʉ’. Fùɔ *Herôd jú’ yé pá’ mé ne ńgɔɔn menò mie Yěsô ne ńgÿo, tsɔ́ pʉ̀a ne ńgɔɔn ngie Yěsô ŋwɛ́ ge gǎ wɔ́, é gwɔ́ Jâŋ Mbabtis, mbà à zǐm! Áa mmó gie á gÿo tá á ku’u légÿo menò mmɔɔn mmɔɔn.

Matio 9:31

Tá’ pɔ́ zyɛ́’ tà ńkúu pǐ ńdɔg lezíŋ Yěsô ḿbú saa jʉ’ ntsèm ná yɛ̌ pàga lá’.

Malékuse 1:28

Lezíŋ Yěsô gwóon saa lá’ tsɛ̀ɛ pàga ngwòŋ Galilea ŋwɛ́ ntsèm.

Lukase 4:14

Yěsô lêen ńké ńgwaa gíŋe piŋ né Galilea, à Zẅìge Ssé ně ńnáa yé métʉ̀, á lɔgɔ nyɛɛ mefà’ Ssé. Lezíŋ sé pú saa yɛ̌ pàga ngwòŋ ŋwɛ́,

Lukase 4:37

Lezíŋ sé léen ḿbú saa yɛ̌ pàga ngwòŋ.

Lukase 5:15

Yěsô la tɔ’ɔ yé pú’u, mé ké ne ńkẅi’i ńkime yé kím, tà lá’ gíŋe ńkẅi’i ńtóo lé jú’u shwóŋè yé mbɔɔ légwɔ́ gie à ge zeŋe megùɔ mɔ́b.

Lukase 7:17

Mé la lɔg menò mie Yěsô gÿǒ ḿbú saa pàga ngwòŋ Jẅidea, tà mbɔɔ metsɔ́ melá’ shÿó jʉ’ó.