Matio 9:22 - Nouveau Testament en Ngienboum

²² Yěsô sele nnɛ́, ńgyá yé, ńgɔɔn né yé ngie: Míŋ wɔ̀ɔn, ɔ́ɔ shÿó mbòŋo, ntí gie ɔ̀ lɔ̌g ńzáb ntʉ́m gú ná mèŋ lɛ̂, gÿǒ ɔ̀ zeŋe. Á gwóon ńzeŋe pɔ́ fʉ̀’ó fʉ̀’ó.

Matio 9:22 Referans Kwoze

Lukase 7:50

Yěsô gíŋe ńgɔɔn né manzwě ŋwɛ́ ngie: Ɔ̀ tsẅɛ̌ ndòon menò tepòŋ mú, mélà’mie ɔ̀ zǎb ntʉ́m ɔ́ ná mèŋ. Gʉa lê sẅétè.

Matio 15:28

Yěsô leen ńké ńtsɔ́’ ngie: Má wɔ̀ɔn! Ɔ̀ záb ntʉ́m ná mèŋ tɛ’. Á poŋ ngie àmmó gie ɔ̀ ne ńtsɔ́ɔn á pumte! Yěsô gɔɔn pú’u, míŋ manzwě wá gwóon ńzeŋe pɔ́ kwà’ fʉ̀’ó.

Matio 9:2

ńkúu wó, mé lɔgɔ tsɔ̌ ngàŋa kwʉ́’te ńtó, á nuŋe ná páŋte. Yěsô gyá ntí gie, mbàŋa gie é lɔgɔ́ yé ńtó, lɔg ńzab ntʉ́m ná yé, ńgɔɔn né ngàŋa kwʉ́’te ngie: Míŋ wɔ̀ɔn ɔ́ɔ shÿó mbòŋo! Mé legé menò tepòŋ mú ńnáa mbwó gù.

Lukase 18:42

Yěsô gɔɔn né yé ngie: Pá’ ɔ̀ zǎb ntʉ́m ɔ́ ná mèŋ lá, gyá jʉ’!

Lukase 17:19

Yěsô leen ńké ńgɔɔn mbwo nyìŋ Samalîɛ ŋwɛ́ ngie: Lu ssé ńgʉa, e Ssé gÿǒ ɔ̀ tsẅɛ́, ńtí pá’ ɔ̀ zǎb ntʉ́m ɔ́ ná mèŋ.

Lukase 8:48

Yěsô gɔɔn né yé ngie míŋ wɔɔn, ntí gie ɔ̀ lɔ̌g ńzáb ntʉ́m ná mèŋ gÿǒ ɔ̀ tsẅɛ́, gʉa né mbʉ́lè,

Malékuse 10:52

Yěsô gɔɔn né yé ngie: Pá’ ɔ̀ zǎb ntʉ́m ná mèŋ la, ɔ̀ zeŋé, cʉ́’ ńgʉa jú gʉa. Afʉ̀ menÿɔ́g gwoon ńzye légíŋe ńgyá jʉ’, ńcʉ́me nzèm Yěsô pâ pɔ́ gʉa.

Malékuse 5:34

Yěsô gɔɔn né ye ngie: Míŋ wɔ̀ɔn, pá’ ɔ̀ zǎb ntʉ́m ná mèŋ la, ɔ̀ zeŋé, gʉa lê mbʉ́lè, aguɔ jú mǎg.

Matio 9:29

Yěsô leen ńké ńzába pwó ná menÿɔ́g mɔ́b, ńgɔɔn ngie á poŋ ngie à kɔ́ɔkɔ́ à gwɔ́ pá’ pi zǎb ntʉ́m ná mèŋ ńkwaŋ ngie á ge gwɔ́.

Megàŋ ntúm 16:18

Á ke ńgÿo pɔ́ pú’u, nà melyɛ̌’ tà ńgyɔ́ɔn. Pɔl fó ńgebe tsetsɛ̀ɛ ńgyáŋa lóŋ, ésele nnɛ́ ńgɔɔn nê *ssé tepòŋ ngie: Mèŋ n dɔ̌g lezíŋ Yěsô Kristo ńgɔɔn ngie ɔ̀ fó ná manzwě wɛ̂ ńkẅɛ! E *ssé tepòŋ gwóon fó ná yé ńkẅɛ.

Ŋwà’ne Jâŋ 4:53

Tá múɔ jú’, á lɔgɔ ńgwɔ́ kwà’ fʉ̀’ yá gie Yěsô ka gɔɔn mbwo yé ngie: Míŋ we zeŋe la. Á leen ńké ńzáb ntʉ́m wé ná Yěsô, pâ pʉ̀a pé metsèm ndá yé.

Heber 4:2

Pege ka zɔɔn ńgíŋe ńjú’ yégè nkʉ̀ mbòŋo ŋwɛ́ pɔ́ pá’ pʉ̀a pie pɔ́ laa nkwòŋo tsẅɛ la jú’ yɔ́b. Tá pɔ́ la ké ńjú’ yɔ́b é té wɔ́b kẅétè, á nue pɔ́ la tè záb ntʉ́m wɔ́b mǒ wɔ̌.

Megàŋ ntúm 14:9

Á gwɔ́ tsɔ́ lyɛ̌’, ńne ńzẅí’te shwóŋè gie Pɔl ne ńgɔɔn. Pɔl líe yé, ńgyá á ne ńzába ntʉ́m nà Ssé tà ńgwɔ́ gie à lɔɔn ńgwɔ́ Ssé gÿo á sẅéte.

Matio 17:18

Pɔ́ lɔgɔ yé ńtó, Yěsô cÿɔ́g *ssé tepòŋ, é kẅɛɛ ná múɔ ŋwɛ́, á gwóon sẅéte pɔ́ fʉ̀’ó.

Matio 8:13

Yěsô piŋ ńgɔɔn mbwó tándá ncù ngie: Piŋ nê mbʉ̀a gù! Pá’ ɔ̀ zǎb ntʉ́m ná mèŋ lá, àmmó gie ɔ̀ tsɔ̌ɔn ge gwɔ́ pú’u, ńgɔɔn pú’u, mênkʉ́ tándá ncù leen ńzeŋe pɔ́ fʉ̀’ó, pɔ́ fʉ̀’ó.