Matio 9:18 - Nouveau Testament en Ngienboum

¹⁸ Yěsô ne ńgɔɔn nò mbwó pɔ́b pú’u, àtsɔ̌ ndÿò tó, ńnuŋe mekwò yé ńgɔɔn ngie: Míŋ wɔ̀ɔn we manzwě lěen ńkwé pɔ́ fʉ̀’ɔɔn, tá tóo ńzába pwó jú ná yé à gwɔ́ wó.

Matio 9:18 Referans Kwoze

Matio 8:2

Àtsɔ̌ ngàŋ nkà’ páb tó ńkẅí’te mvfò yé, ńgɔɔn ngie: Cʉ̀apʉ̀a mèŋ n zsě ngie ɔ̀ lɔɔn ńkwoŋ, mbà ɔ̀ ku’u légÿo mèŋ n zeŋe.

Lukase 13:14

Tá ndÿò tsɛ̀ɛ *ndá cú’tè pà Yuda gyá pú’u, anò gyáŋa yé, mélà’mie Yěsô gÿǒ nyìŋ zeŋe lyɛ’ɛ́ nzsè. Á gɔɔn mbwo lá’ ngie, melyɛ’ɛ́ fà’ ée pá’a ńgwɔ́ ntɔgɔ́, pi ńnéŋe ńdɔgɔ megùɔ mí ńtóo ná mɛ̌ melyɛ̌’ mé zoŋo gẅí, tà pi tó lyɛ’ɛ́ nzsè!

Ŋwà’ne Jâŋ 11:32

Malîɛ gʉa tà ńkúu jʉ’ gie Yěsô laa wó, ńgwɔ́ tà ńgyá yé, ńkẅí’te mvfò ye, ńgɔɔn ngie: Andè, ɔ̀ kaa pé’e ńgwɔ́ jʉ’ɔɔn, mbà fɛ́ wɔ̀ɔn ka tè kwé.

Matio 9:24

Pi gʉate, múɔ manzwě kaa kwé, à lye lyě. Àlá’ jú’ ńgẅe yé gẅe.

Megàŋ ntúm 13:15

Mé tóŋo shwóŋè Ssé tsɛ̀ɛ ŋwà’ne *lepʉ̌ mbɔɔ tsɛ̀ɛ meŋwà’ne pà *ntsẅì nkʉ̀ Ssé, ńtóŋ tà ńtsẅé jʉ’, melÿo tsɛ̀ɛ yɛ̌ *ndá cú’tè túm mé gʉa ńzɛ́te wɔ́b ngie: Mefɛ́, pi lɔɔn ńgẅiin shwóŋè lélɔg ńkẅiŋte pʉ̀a, pi ná.

Ŋwà’ne Jâŋ 11:25

Yěsô tsɔ́’ɔ mbwo yé ngie: Mèŋ n gee nyìŋ gẅie à gÿo mé zíme ná legwé, ńgwɔ́ nyìŋ gẅie à gÿo mé gwɔ́ wó. Nyìŋ lɔɔn ńzáb ntʉ́m ná mèŋ ńkwé mbɔɔ kwě, mbà à ge gÿo gwɔ́ wó.

Lukase 18:18

Atsɔ̌ ńkěm pà Yuda tó ńzɛ́te Yěsô ngie: Tsítsà we mbòŋo, à lɔɔn ńgwɔ́ mèŋ n gÿo lêkɔ́ tá ńgẅiin le gwɔ́ tèmì?

Lukase 7:2

Tsɔ̌ Tá ndá pà lÿɔ́’ ncù nkÿo we pà *Roma gwɔ́ tÿǒsoŋ ŋwɛ́, ńgẅiin ménkʉ́ we, ḿbú ńkwoŋo yé tɛ’. Ménkʉ́ we ŋwɛ́ gwɔ́, mbà à gwě guɔ, ńcʉ́’ʉ ńkwé kwě.

Matio 28:17

Pɔ́ gwɔ́ tá ńgyá Yěsô, ńkwí’te ssé, ńgu’te yé, tá tsɔ́ pʉ̀a gwɔ́ tsetsɛ̀ɛ pɔ́b, ńně ḿmʉ́’te mʉ’té.

Matio 17:14

Pɔ́ gʉa tà ńkúu jʉ’ gie lá’ laa wó, àtsɔ̌ nyìŋ tó ńkẅí’te mvfò Yěsô,

Matio 15:25

Tá’ manzwě awɛ̌ tó, ńkẅí’te mvfò yé, ńgɔɔn ngie: Cʉ̀apʉ̀a kẅéte wɔ̀ɔn!

Matio 14:33

Pʉ̀a pie ée tsɛ̀ɛ kanú’ kẅí’te mvfò Yěsô ńgɔɔn ngie: Áa kwà’ nénʉ́, ɔ́ɔ Míŋ Ssé.

Matio 20:20

Má pà Jâg pɔ́ Jâŋ, é gubé Zebede, leen ńké ńdɔgɔ wɔ́b ńtóo mvfò Yěsô, ńkẅí’te ssé lélúɔ tsɔ́ mmó mbwó yé.

Matio 8:25

Pɔ́ tóo lejʉ́ŋ yé, ńne ńzyeen yé, ńgɔɔn ngie: Cʉ̀apʉ̀a, kẅé wég mbwó legwé. Pège kwě tà ńdem.

Matio 9:17

Mé lɔɔn ne ńgee ńde’e melù’ tsɛ̀ɛ ntú’ *ngùb, mbà mé te néŋ melù’ mie mé nyé ńtsɔ́’ɔ á tsɛ̀ɛ nzẅìŋe ntú’ wɔ́. Mé lɔɔn ngÿo pú’u, mbà melù’ mesẅé ge fu’, éshʉ́a nzẅìŋe ntú’ ŋwɛ́, mé sɔ́ɔn melù’, ésɔ́ɔn ntú’. Á zɛ́te ngie mé néŋ melù’ mé sẅé pɔ́ tsɛ̀ɛ ntú’ yé sẅé, melù’ pɔ́ ntú’ pú ńtsẅɛ́.

Matio 9:19

Yěsô lu ssé, pâ *ngàŋa kwò yé cʉ́me nzèm yé.

Megàŋ ntúm 28:8

Á gwaa gwɔ́ tá pà Pẅibilẅis ŋwɛ́ nuŋe ndá, ńne ńguɔ. Nnɛ́ ne ńkwɔ́’ɔ yé, ajʉ’ʉ kwɔ́’ ne ńgÿo yé. Pɔl gʉa ńgyá yé, ńzáb mbwó twó yé, ésẅíŋte Ssé, ńgÿo á zeŋe.