Matio 8:16 - Nouveau Testament en Ngienboum

¹⁶ Ncwò nzém gÿo ńgwɔ́, mé lɔg pʉ̀a tà ńgyɔ́ɔn pie *messé tepòŋ ne ńgege wɔ́b ńtóo mvfò Yěsô, á gɔɔn nò tà’ legʉa *messé tepòŋ fó ná pʉ̀a ńkẅɛ, megàŋa gûɔ pú ńzeŋe.

Matio 8:16 Referans Kwoze

Lukase 4:40

Nzèm la gwaa síŋ, pʉ̀a pie megàŋa gùɔ ntí ntí laa mendá pɔ́b lɔ́gɔ wɔ́b ńtó. Yěsô zába mbwó ná wɛ̌wɛ̌ ngùɔ wɔ́, á sẅéte.

Matio 14:14

Á kúu jʉ’ó, éfó tsɛ̀ɛ kanú’ ńkẅɛ, ńgyá nùɔ lá’, mezìŋe mɔ́b kúu yé. Á zye légÿo megàŋa guɔ pie ée tsetsɛ̀ɛ pɔ́b zeŋe.

Megàŋ ntúm 5:15

Mé la gɔ̀’te nò yɔ́b gɔ́’te tà mé lɔg mekǔ lâ mematá ńkaa meguɔ nùŋe wɔ́b mengʉ̀ŋe nzsé légwɔ́ gie Piɛ à ge gwaa cʉa, jʉjʉ́ŋ wé tè téme nà tsɔ̌ wɔ́, à teme nà tsɔ̌.

Malékuse 5:8

Nyìŋ ŋwɛ́ la gwaa gɔɔn pú’u, á gwɔ́, mbà Yěsô tsẅǐ né *messé tepòŋ ngie pɔ́ fó ná yé ńkẅɛ.

Matio 12:22

Mé lɔgɔ tsɔ̌ nyìŋ ńtóo mvfò Yěsô, mbà *ssé tepòŋ leen ńgÿo á fʉ, ńgíŋ ńcʉ́’ʉ támbǎ’. Yěsô gÿo nyìŋ ŋwɛ́ zeŋe, ńgwóon ńzye leshwóŋe, mbɔɔ légyá jʉ’ mboŋó.

Malékuse 2:3

Tsɔ́ pʉ̀a tó, ńgẅiin ngàŋa kwʉ́’te, mbà mbàŋa lekùa tsetsɛ̀ɛ pɔ́b leŋé yé, lélɔg ńtó ńgyá Yěsô.

Matio 9:2

ńkúu wó, mé lɔgɔ tsɔ̌ ngàŋa kwʉ́’te ńtó, á nuŋe ná páŋte. Yěsô gyá ntí gie, mbàŋa gie é lɔgɔ́ yé ńtó, lɔg ńzab ntʉ́m ná yé, ńgɔɔn né ngàŋa kwʉ́’te ngie: Míŋ wɔ̀ɔn ɔ́ɔ shÿó mbòŋo! Mé legé menò tepòŋ mú ńnáa mbwó gù.

Malékuse 9:25

Yěsô gyá, alá’ ne ńnɔ́ɔnte ńkẅi’i ńtóo tǒ, á cÿɔ́g *ssé tepòŋ ŋwɛ́, ńgɔɔn ngie: Gù *ssé tepòŋ gie e tsɛ́ɛ ncwò nyìŋ, ńziŋe pâ metuŋó mé, mèŋ n gwɔ gyá, mbà ɔ̀ fǒ ná múɔ wɛ̂ ńkẅɛ, ḿbɔ́ɔn lélá’ ńgíŋ ḿbiŋ nzèm ńkúu ná ye.

Matio 8:33

Epʉ̀a pie pɔ́ ké ne ḿbyɛ́bɛ mekúnɔ́ɔn gyá pú’u, ńtága ńkÿote, ńgʉa tÿǒsoŋ ḿbú ḿbíte kɔ́ɔkɔ́ wɔ́ gie á cʉ̌a, tà mbɔɔ ye pʉ̀a pie *messé tepòŋ kěen ná pɔ́b la.

Matio 8:15

Yěsô kíbe pwó yé, nnɛ́ zá’a. Á nyɛte shúm ńdɔg ńdye yé.

Lukase 4:41

*Messé tepòŋ ne ńgwaa fóo nà lelÿò é kẅɛɛ, ńga’te ńgɔɔn ngie: Ɔ̀ɔ Míŋ Ssé. Tá’ Yěsô cÿɔ́gɔ wɔ́b, à tè zẅíŋ ngie pɔ́ gɔɔn nò wɔ́, mélà’mie pɔ́ la zsé ngie Yěsô aa *Nzà’nkÿo pù’ gẅie Ssé la ka’a mbwo pʉ̀a mesoŋ.

Lukase 13:12

Yěsô gyá yé, ńtóŋo yé, ńgɔɔn né yé ngie: Agùɔ jú yɛ magá,