Matio 8:15 - Nouveau Testament en Ngienboum

¹⁵ Yěsô kíbe pwó yé, nnɛ́ zá’a. Á nyɛte shúm ńdɔg ńdye yé.

Matio 8:15 Referans Kwoze

Lukase 8:54

Tá’, Yěsô ké ńgʉa gʉa tà ńkúu pɔ́ jʉ’ gie múɔ la nuŋe wó, ńkíbe pwo yé, ńdɔg ngyè tetʉ́ʉ ngie: Míŋ wɔ̀ɔn, zyeen.

Malékuse 1:41

Mezìŋe mé kúu Yěsô, á tsege pwó ńkíbe yé, ńgɔɔn ngie: Mèŋ n kwǒŋ pú’u, zeŋe.

Matio 20:34

Yěsô tsɔ́ɔn mezìŋe mɔ́b, ńzab mbwó mé ná menÿɔ́g mɔ́b, e gwoon nzyé légyá jʉ’, pɔ́ cʉ́me nzèm yé.

Matio 14:36

Esẅíŋte yé ngie à fó ńzẅíŋ, pɔ́ kíbe pɔ́ ndà’ tsɔ̌ɔn nzsǒ yé. Epʉ̀a metsèm pie pɔ́ la kíbe tsɔ̌ɔn nzsǒ ŋwɛ́ pú ńzeŋe.

Matio 9:29

Yěsô leen ńké ńzába pwó ná menÿɔ́g mɔ́b, ńgɔɔn ngie á poŋ ngie à kɔ́ɔkɔ́ à gwɔ́ pá’ pi zǎb ntʉ́m ná mèŋ ńkwaŋ ngie á ge gwɔ́.

Matio 9:20

Pɔ́ né ńgee, àtsɔ̌ manzwě gwɔ́ nùɔ lá’, ńgẅiin guɔ máshúɔ, mbà á gegé yé gege ngù’ tsɔ́b pʉ́a nê legém. Á ná’te, éfó nzèm, ńtó ńkíbe tsɔ̌ɔn nzsǒ Yěsô,

Matio 8:3

Yěsô jú’, ńtsege pwó ńkíbe yé, ńgɔɔn né yé ngie: Mèŋ n kwǒŋ pú’u, zeŋe, nkà’ gwóon ḿmaga ná yé, á gwóon ńzeŋe.

Matio 8:14

Yěsô fó jʉ’ó ńgʉa ndá piɛ, ńkúu wó ńgyá màkẅi’ Piɛ nuŋe, nnɛ́ ne ńkwɔ́’ɔ yé.

Matio 8:16

Ncwò nzém gÿo ńgwɔ́, mé lɔg pʉ̀a tà ńgyɔ́ɔn pie *messé tepòŋ ne ńgege wɔ́b ńtóo mvfò Yěsô, á gɔɔn nò tà’ legʉa *messé tepòŋ fó ná pʉ̀a ńkẅɛ, megàŋa gûɔ pú ńzeŋe.

Malékuse 1:29

Yěsô pâ *ngàŋa kwò yé gÿo fó *ndá cú’tè ńkẅɛ, ńgʉa nê ndá pà Símo pɔ́ Ndeléya. Pâ Jâg pɔ́ Jâŋ pú ńgwɔ́.