Matio 8:12 - Nouveau Testament en Ngienboum

¹² Megʉ̀ gwaa gwɔ́ wó, mbà mé kẅilé púɔ ntɔ́’ ńnáa pǐ tsɛ̀ɛ mwòon nzém. Pɔ́ gwɔ́ wó ne ńdʉate, melóŋ pɔ́b ne ffó

Matio 8:12 Referans Kwoze

Matio 25:30

Pi gwoon ngàŋa fà’ we tè ku’u ná tsɔ́ nò wɛ̂, ḿma’a yé pí tsɛ̀ɛ mwòon nzém. À ńnéŋe wó ńdʉa, lóŋ we ne ffó

Lukase 13:28

Pi leen ńké ńzye lélʉa, lóŋ gẅi ne ffó. À gwɔ gwɔ́, mbà pi mǎ’ nÿɔ́g ńgyá Ábalam, ńgyá Esâg, mbɔɔ Yakwɔ́b, mbɔɔ *pàntsẅì nkʉ̀ Ssé métsèm. Pɔ́ gwɔ́ tsɛ̀ɛ ngwòŋ Ssé. Mbà mé jÿɔ’ɔ́ gẅi pi.

Matio 21:43

Áa pú’u, tá mèŋ shwóŋó gẅi ngie mé ge kẅé jʉ’ʉ gí tsɛ̀ɛ *lefùɔ Ssé, é náa mbwó tsɔ́ túm gie á ge gÿo mmó gie e Ssé ne ńkwoŋo. [

Matio 13:50

é ma’a wɔ́b tsɛ̀ɛ mejʉŋ mmɔ̌g. Pɔ́ gwɔ́ jʉ’ó ne ńdʉa, melóŋ pɔ́b ne ffó.

Matio 13:42

é ma’a wɔ́b tsɛ̀ɛ máamáa mmɔ̌g, pɔ́ gwɔ́ jʉ’ó ne ńdʉa, melóŋ pɔ́b ne ffó.

Matio 24:51

é tó, é néŋ ngʉ̀ngʉ̀ twó yé tɛ’, é jwoŋo yé, à gʉa né jʉ’ gie mé jwoŋo pʉ̀a tepòŋ ńnáa wó, é ńnéŋe jʉ’ó ne lʉa, lóŋ we ne ffó.

Jẅide 1:13

Pɔ́ ne ńdɔgɔ mefà’ tepòŋ mɔ́b saa jʉ’ pá’ ntse té pàa lu ssé ńtéme nà ngʉ̀ŋe ntse, fùfù’ we sa jʉ’ la. Pɔ́ ée pá’ mecÿɔ́’ saŋ pie é gwaa ḿbúu, pɔ́ cʉ́’ʉ ńcʉŋe na jʉ’ gie e Ssé la tÿɔ́gɔ wɔ́b wó wɔ́.

2 Piɛ 2:17

Pà zí’i pʉ̀a nò Ssé pé cÿɔ̌ nò ŋwɛ́ gwɔ́ pɔ́ pà’ jʉ’ gie ntse kɔ́ɔn ńkẅɛ’ɛ wò, é kěen ńjúm la, pɔ́ gwɔ́ pɔ́ pá’ mbʉ̀ŋ gie é kwɔ̌’, à fóm kaa ńdɔg ńgʉa. E Ssé lěen ńnyɛte jʉ’ʉ yɔ́b ńtÿɔ́gɔ tsɛ̀ɛ ssé nzěm.

2 Piɛ 2:4

*Mecÿɔ́’ Ssé la zɔɔn fʉa nò, e Ssé tè wɔ́b nyé. À la tsó wɔ́b ḿma’a tsɛ̀ɛ pÿé té lǎŋ á jʉ’ʉ nzěm, pɔ́ ée ńgwɔ́ gwɔ́ tsɛ̀ɛ menkÿo, ńne ńzẅí’te lyɛ̌’ gie mé ge tsɔ́’te mentsaŋ.

Roma 9:4

Pɔ́ ée pʉ̀a Israel. Mbà Ssé la kaŋa wɔ́b ńdɔgɔ wɔ́b ńgÿo púɔ pé, ńnyɛɛ wɔ́b legú’ we, ńgÿo pâ pɔ̌ gwâ *kʉ̀a, á ná *lepʉ̌ sé né pɔ́b, éshwóŋó wɔ́b ntí gie pɔ́ ge lɔg gu’te yé, ńka’ menò mbwo pɔ́b tà é gyɔ́ɔn gyɔ̌ɔn.

Megàŋ ntúm 3:25

E Ssé lɔ̌ɔn ńdɔgɔ ncwò pà *ntsẅì nkʉ̀ Ssé ŋwɛ́ ńgɔɔn né pi. Pi gẅiin gí mmó nà *kʉ̀a gie Ssé la gwa tsetsɛ̀ɛ pàmangʉa njʉ’ pí. Á gwɔ́ pá’ à la gɔɔn né Ábalam ngie: Mèŋ n ge lá’ cʉa pɔ́ nà ngẅɛ̀ jù tá néŋ mbʉ́lè nà metsìŋe ndá ntsèm mie ée ndùmo ssé tsetsá’.

Matio 13:38

Nká’ é gwɔ́ njÿó, mbyè mmó mbòŋo é gwɔ́ pʉ̀a pie e Ssé zɔ sá’a wɔ́b, mbyè mmó ye tepòŋ gwɔ́ pʉ̀a pie Sátà ne sá’a wɔ́b.

Ŋwà’ne Ngyà jʉ’ 22:15

Tá ńké ńgʉa ná pàgÿo menò pá’ ngwé, é pàgẅiin mekàŋ, é pàgÿo menò mpfwɔ́’, é pàzẅéte pʉ̀a, é pàgu’te shúm ngie ee messé, mbɔɔ wɔ̌wɔ́ɔ gẅie à kwoŋ cÿɔ̌ nò, tà shwóŋó yé pɔ́ cÿɔ̌ nò, megàŋ zso nzème pǐ.