Matio 7:5 - Nouveau Testament en Ngienboum

⁵ Ànkwoŋ menÿɔ́g! Vɔg ńkẅile kúmo gẅie aa lejÿɔ́g gù, tà ne ńcwoŋo ńgyá jʉ’ tá ńku’u lékẅile fùbe pǐŋ á tsɛ̀ɛ lejÿɔ́g fɛ́ gù.

Matio 7:5 Referans Kwoze

Lukase 6:42

Ngwɔ́ ɔ̀ gǎ tá ńgɔɔn né fɛ́ gù ngie: Afɛ̌, cʉ́’ n kẅile fùbe pǐŋ yɛ gie ee lejÿɔ́g gù lɛ, ńgwaa gɔɔn éfó le ne ńgyá kúmo gẅie à nuŋe nà shú wɔ́ wɔ́? Ɔ̀ɔ ngàŋ melɔ̀ɔn, vɔg ńkẅile kúmo gẅie aa lejÿɔ́g gù, tà ne ńcwoŋo ńgyá jʉ’ tá ńku’u lékẅile fùbe pǐŋ tsɛ̀ɛ lejÿɔ́g fɛ́ gù.

Lukase 13:15

Tá Yěsô tsɔ́’ɔ mbwo yé ngie: Pi ee ngàŋa cÿɔ̌ nò, awɔ̌ ná pi tè gʉa lyɛ’ɛ́ nzsè yégè, ńkyɛ́’ɛ foŋ we, ka pɔ́ nzikáase ye wɔ́, ńdɔg ńgʉa á nú ntse wɔ́?

Lukase 4:23

Yěsô tsɔ́’ɔ mbwo pɔ́b ngie: Pi ge gÿo pɛ́’ɛ tà sag né mèŋ ngie: Angÿò meffo zoŋo twó mbùm yé, ńgie mmó gie mèŋ n ka gÿo Kapernawúm, n gíŋe ńgÿo jʉ̀’ɔɔn á lá’ peg, tá pi zẅíŋe wɔ̀ɔn.

Matio 22:18

Tá Yěsô zsé nkwaŋá tepòŋ wɔ́b, ńgɔɔn né pɔ́b ngie: Pànkwòŋ menÿɔ́g, pi kwa’te wɔ̀ɔn mélà’a kɔ́?

Lukase 12:56

Megàŋ mepàb, pi líe lefàŋ pɔ́ tsetsá’ ńzsé mmó gie á gee ńgÿǒ, á piŋ ńgaa pi gyá menò mie é ne ńcʉate fʉ̀’ɔɔn, pi tè zsé mmó gie é lɔgɔ ńgɔɔn wɔ́?

Megàŋ ntúm 19:15

Tá’, á fó lyɛ̌’ e *Ssé tepòŋ tsɔ́’ɔ mbwo pɔ́b ngie: Mèŋ n ne ńzsé Yěsô, ńgíŋe ne ńzsé nyìŋ gẅie Pɔl aa wɛ̌, ńgʉa ná pi, pi ee pàwɔ̌?

Matio 7:3

Á piŋ ńgÿo lêkɔ́ ɔ̀ ne ńgyá mùɔ méfùbe pǐŋ gie e gwě lejÿɔ́g fɛ́ gù, tá kúme núŋe lejÿɔ́g gù, ɔ̀ piŋ ńké tè ne ńgyà wɔ́?

Matio 7:4

Ńgwɔ́ ɔ̀ gÿo lêkɔ́, tá ńgɔɔn né fɛ́ gù ngie: Àfɛ́, cʉ́’ mèŋ n kẅile fùbe pǐŋ yɛ̂ gie ee lejÿɔ́g gù lɛ̂, ńgwáa gɔɔn, éfó le ne ńgyá kúmo gẅie á nuŋe tsɛ̀ɛ shú wɔ́?

Matio 7:6

Tà pi náa mmó gie aa yé Ssé, á mbwó ngwé. Tà pi ma’a tɔgɔ́ tsye gí á mvfò mekúnɔ́ɔn. Pɔ́ ge neŋte nê mekwó é piŋ sele nnɛ́ lúmte gẅí.