Matio 7:29 - Nouveau Testament en Ngienboum

²⁹ mélà’mie à lɔ̌ɔn ntě ńgÿo pá’ *pàkyagte lepʉ̌ Mǒsê wɔ́. À lɔ̌ɔn ńzí’i tà ńzsé mmó gie à gÿo yɛ̌.

Matio 7:29 Referans Kwoze

Lukase 20:8

Yěsô gɔɔn yé né pɔ́b ngie: Mbɔɔ mèŋ yɔ́ɔn, n tè shwóŋó gẅi nyìŋ gẅie n dɔgɔ lezíŋ sé ńgÿo mɔɔn menò wɔ́.

Megàŋ ntúm 6:10

Pâ pɔ̌ ně ńzoŋo pú’u, atsɔ̌ nyìŋ té ŋaga yé tà ńjÿó wɔ́, mélà’mie Zẅìge Ssé lɔ́ɔn náa yé legye lélɔg ńgɔɔn nò.

Lukase 21:15

Mèŋ n zɔ ge zɔɔn lá’ náa zsé nò gie pi ge lɔg tsɔ́’ɔ nò. Pi tsɔ́’ɔ nò tà megàŋ mbù pí le zoŋ, é ké le gíŋe tsɔ́ nò ńgɔɔn wɔ́.

Matio 28:18

Yěsô tóo lejʉ́ŋ pɔ́b, ńgɔɔn né pɔ́b ngie: E Ssé leen ńná tʉ̀ ntsèm né mèŋ lélɔg sá’ shúm sie ée tÿǒ lepwó mbɔɔ sie ée ndùmo ssé tsetsá’.

Matio 5:44

!Tá’, mèŋ n gɔɔn né pi ngie: Pi kwoŋ megàŋ mbù pi. [Pi sẅíŋte Ssé nà twó pʉ̀a pie pɔ́ nyɛɛ gẅi ngɔ́’].

Matio 5:32

!Tá’ mèŋ, n gɔɔn né pi ngie: «Nyìŋ lɔɔn ńjwoŋo nzwě we, té gwɔ́ gie manzwě gÿǒ gÿɛ́, mbà a tsoté yé légÿo gÿɛ́ pá’ à lɔɔn ńgʉa ńzɔ́’ɔ tsɔ̌ nyìŋ. Nyìŋ piŋ ńzɔ́’ɔ manzwě gẅie ndǔm we jwoŋó yé, mbà à gÿǒ gÿɛ́».

Matio 5:28

!Tá mèŋ n gɔɔn né pi ngie: Nyìŋ lɔɔn ńdíe manzwě ńtsɔ́ɔn á zsé ngie áa tsɛ̀ɛ ntʉ́m yé mámbàŋa, mbà à ně ńdá’ ńgÿo gÿɛ́.

Matio 5:20

!Áa yɛ̌ tá mèŋ n gɔɔn né pi ngie: Pi lɔɔn té kú’te *lepʉ̌ mbòŋo ńtɔ́g *pàkyagte lepʉ̌ Mǒsê lâ pà *farisay wɔ́, mbà pi tě ńdá’a ńkúu ná nò *lefùɔ Ssé wɔ́.

Matio 7:28

Yěsô zí’i pʉ̀a mɔ̀ɔn menò tà ńtsẅé jʉ’, àlá’ pú mɔ̂ɔn ye ntí lézí’i pʉ̀a mmó,

Matio 8:1

Yěsô piŋ, ńgwaa fó ndùm lekwɔ’ɔ́ sẅɛ́’, menùɔ lá’ tà ńgyɔ́ɔn cʉ́me nzèm yé.