Matio 7:22 - Nouveau Testament en Ngienboum

²² Á ge lá’ gwɔ́ lyɛ̌’ gie mèŋ n ge ńtsɔ́’te mentsaŋ, pʉ̀a tà ńgyɔ́ɔn gɔɔn ngie: Cʉ̀apʉ̀a! Cʉ̀apʉ̀a! Peg lɔ̌ɔn ntě ńdɔgɔ pɔ́ lezíŋ shú éshwóŋó nò Ssé gwaa? Peg lɔ̌ɔn ntě ńdɔgɔ pɔ́ lezíŋ shú ńjwoŋo *messé tepòŋ gwaa? Peg lɔ̌ɔn ntě ńdɔgɔ pɔ́ lezíŋ shú ńgÿo ndaa gyá nò gwaa?

Matio 7:22 Referans Kwoze

2 Timote 1:12

Mèŋ n gyá yɔɔn ngɔ́’ fʉ̀’ɔɔn pá’ɔɔn ńtí pɔ́ pú’u. Tá’, eshʉ́ ké tè ne ńkúu wɔ̀ɔn mǒ wɔ́, á nue mèŋ n ne ńzsé nyìŋ gẅie mèŋ n zába ntʉ́m ná yé. N cwoŋo ńne ńzsé ngie e Ssé gẅiin metʉ̀ lélɔg ńku’u lékábte nò gie à la cʉ́me mbwo mèŋ, tà lá’ kúu nà lyɛ’ɛ́ lá’ nzsònzèm.

2 Timote 4:8

Áa nà fʉ̀’ɔɔn, mbà Ssé cwoŋté ntsɔ’ɔ́ fà’ nyìŋ gẅie à kÿǒ ndʉ̌ tà njÿó, ńzáb ńne ńdɔgɔ ńzẅí’te wɔ̀ɔn. Wɛ̌ ée tsɔ’ɔ́ fa’ pá’, n gÿǒ mmó gie e Ssé ne ńkwoŋo. Cʉ̀apʉ̀a gẅie à za’ ntsaŋ pɔ́ ndʉŋ ndʉŋ, à ge gÿo náa mbwo mèŋ nà lyɛ’ gie à ge tsɔ́’te mentsaŋ. À tè lá’ ná pɔ́ ndà’ mbwo mèŋ wɔ́. À ge lá’ gíŋe ná mbɔɔ mbwo pʉ̀a pie pɔ́ ne ńkwoŋo légyá fʉ̀’ gie à ge gÿo kẅɛ.

Ŋwà’ne Jâŋ 11:51

À lɔ̌ɔn ńgɔɔn pú’u, yé zɔ tě ńgɔɔn wɔ́, pá’ á la gwaa gwɔ́ yé zɔ́ gwɔ́ tándá pànuŋe pwɔ́’ ná yɛ̌ ngù’ la, á tsẅi nkʉ̀ Ssé ngie Yěsô ge kwé nà twó lá’ pà Yuda.

1 Tesalonika 5:4

Tá ńgʉa ná pi mefɛ́ mefɛ́, mbà pi tè nyé ńgwɔ́ pɔ́ tsɛ̀ɛ nzěm wɔ́, á nà ntí gie yɛ̌ lyɛ’ɛ́ lá’ gé tóo ná pi pɔ́ pá’ ntsǒŋ wɔ́.

Lukase 10:12

Oon, mèŋ shwóŋó gẅí, á ge lá’ gwɔ́ lyɛ̌’ gie Ssé ŋaga pʉ̀a mesoŋ, ngʉ̀ngʉ̀ pɛ̌ pʉ̀a gyɔ́ɔn ńcʉa ye pʉ̀a Sodom.

Matio 25:11

Mé ńnéŋe tà ńjú’ pá’ petsɔ́ pûɔ ngùɔ pie pɔ́ ně ńgʉa ńjú mèvɛ la pú’te ncwò ndá, ńně ńgɔɔn ngie: À Ndè, à Ndè, mé tsɔ́’ ncwò ndá ńná né peg.

Matio 24:36

Tá’, á ké ńgʉa ná lyɛ̌’ ayɛ̌, pɔ́ fʉ̀’ gie mɔɔn menò ge gÿo cʉa, mbà sɔɔn nyìŋ tè zsé tà mbɔɔ *mecÿɔ́’ Ssé pie ée tÿǒ lepwó, tà mbɔɔ Míŋ Ssé, ńda’ Tá gíle yé zɔ zsé.

Matio 7:21

Á gʉa ná pʉ̀a pie é tóŋo wɔ̀ɔn lê Cʉ̀apʉ̀a, pɔ́ metsèm zɔ̌ té lá’ jÿó pì *lefùɔ Ssé wɔ́. Ndà’ pʉ̀a pie é gÿo mmó gie Tá wɔ̀ɔn gẅie aa tÿǒ lepwó ne ńkwoŋo ngie mé gÿo.

2 Timote 1:18

Mèŋ n ne sẅíŋte ngie Cʉ̀apʉ̀a lá’a lyɛ’ɛ́ létsɔ́’te ntsaŋ ńgÿo nò mbòŋo ná ye. Kwà’ gù ne ńzsé pá’ n da nyé Efeso á kẅéte wɔ̀ɔn pú’u.

2 Tesalonika 1:10

Á ge lá’ gwɔ́ pú’u, nà lyɛ̌’ gie Cʉ̀apʉ̀a ge lá’ tó, á gwɔ́ nà yɛ̌ lyɛ’ɛ́ lÿò, epʉ̀a pé ne ńnáa mekù’ mé, pʉ̀a pie é záb ntʉ́m ná yé métsèm ne ńgu’te yé. Pi gwɔ́ gí tsetsɛ̀ɛ pɔ́b, mélà’mie pi la zẅíŋe nò yé gie peg la shwóŋó gẅí.

Matio 10:15

Mèŋ n ge shwóŋó gẅí, kwà’ nénʉ́, àlyɛ̌’ gie Ssé ge lá’ ne tsɔ́’te mentsaŋ pʉ̀a mesoŋ, ngʉ̀ngʉ̀ pɛ̌ pʉ̀a gyɔ́ɔn ńcʉa yé pʉ̀a Sodom pâ yé pʉ̀a Gomor