Matio 6:6 - Nouveau Testament en Ngienboum

⁶ Tá ńgʉa ná gù, mbà ɔ̀ lɔɔn ńge sẅíŋte Ssé, ɔ́ kúu tsɛ̀ɛ lúm ndá, ńkábte ncwò ndá, ńnéŋe lelyěen tá sẅíŋte Tá gù gẅie aa jʉ’e lelyěen. Yé gẅie à gyá mmó gie ɔ̀ gÿo jʉ’ʉ lelyěen, à ge gÿo tsɔ́’ɔ fà’ jú.

Matio 6:6 Referans Kwoze

Matio 14:23

Yěsô cʉ́’ ńde’e menùɔ lá’, ńkwɔ́’ɔ ndùm lekwɔ’ɔ́ lésẅíŋte Ssé. Nzěm gÿo ńgwaa síŋ, á cʉ́’ ńgwɔ́ jʉ’ó pɔ́ gíle yé,

Megàŋ ntúm 9:40

Piɛ fóo ndá ńkẅile pʉ̀a metsèm, ésẅɛ́’ ńkẅí’te ssé, ésẅíŋte Ssé, ḿbiŋ sele nnɛ́ ńdíe mpfó, ńgɔɔn ngie: Tapita, lu ssé. Tapita lêen ńnyɛ́’ nÿɔ́g, ńgwɔ́ tà ńgyá Piɛ, ńdeen ḿbʉ’ʉ nnɛ́ ńnéŋe ńnéŋe.

Matio 6:18

À cʉa pú’u, àtsɔ̌ nyìŋ le zsé ngie ɔ̀ ne ńnéŋe nzyè lésẅíŋte Ssé wɔ́. Tá gù gíle yé gẅie mé té gyá yé wɔ́ zɔ zsé. Yé gẅie à ne ńgyá mmó gie ɔ̀ gÿo lelyěen ge gÿo tsɔ́’ɔ fà’ jú.

Megàŋ ntúm 10:9

Njÿó gÿo ńdʉ́a, pɔ́ nyé ńgwɔ́ pɔ́ mánzsè, á gwɔ́ mmó tsɛ̀ɛ zsǒ, tà mbà pɔ́ gʉ̌a tà ńcʉ́’ʉ lékúu tsɛ̀ɛ tÿǒsoŋo Jope. Á gwaa gwɔ́, mbà Piɛ kwɔ’ɔ́ nà jʉ’ gie áa ntsɔ̀’ ndá, ńgwɔ́ pɔ́ pá’ tetʉ́a la lésẅíŋte Ssé.

Matio 6:4

À cʉa pú’u, ámmó gie ɔ̀ náa, à gwɔ́ pɔ́ tsɛ̀ɛ ntsèm, Tá gù Ssé gẅie à gyá mmó gie mé náa tsɛ̀ɛ ntsèm, à gÿo ńtsɔ́’ɔ fà’a jú.

Efeso 3:14

Áa mmó gie á gÿo mèŋ n kẅí’te mvfò Ssé Tá

Roma 8:5

Pʉ̀a pie pɔ́ zɔɔn ńnéŋe pɔ́ nà ntí gie mbùm yɔb ne shwóŋó wɔ́b, tÿɔ́g ntʉ́m wɔ́b pɔ́ nà mmó gie mbùm yɔb ne ńkwoŋo, tá pʉ̀a pie pɔ́ ńnéŋe nà ntí gie Zẅìge Ndʉalʉ̌a ne shwóŋó wɔ́b tÿɔ́g ntʉ́m wɔ́b pɔ́ nà mmó gie Zẅìge Ndʉalʉ̌a ne ńkwoŋo.

Megàŋ ntúm 10:30

Kornɛy tsɔ́’ɔ mbwo Piɛ ngie: Ée fʉ̀’ɔɔn ńgwɔ́ lyɛ̌’ tá, pá’ á laa ná nèm tá mbÿɛ̀ njÿó pá’ fʉ̀’ɔɔn lɔɔn, mèŋ n gwɔ́ ndá mèŋ ne sẅíŋte Ssé, ńgwaa gyá atsɔ̌ nyíŋ vege vege ńkẅɛ ńtyé mvfò mèŋ, ḿma’ menzsǒ é ne ńŋwʉŋe ŋwʉŋe,

Ŋwà’ne Jâŋ 1:48

Natanayɛl zɛ́te Yěsô ngie: Ɔ̀ zsé wɔ̀ɔn nzɔ̌? Yěsô tsɔ́’ɔ mbwo yé ngie: Filib ně ńgwaa tóŋo gú pá’a mèŋ n ně ńgyá gú gyá. Ɔ̀ kěen ńnéŋe le tsìŋe tÿǒ mbÿě ngem.

Ŋwà’ne Jâŋ 20:17

Yěsô gɔɔn né yé ngie: Tè gíŋe ndáte wɔ̀ɔn, á nue mèŋ n nyě tè kwɔ̌’ tà ńkúu lejʉ́ŋ Tá wɔ̀ɔn. Ké ńgʉa ńgyá mefɛ́ pɔ́ɔn, ńgɔɔn né pɔ́b ngie: Mèŋ n ge kwɔ́’ nê lejʉ́ŋ Tá wɔ̀ɔn mie à giŋé ńgwɔ́ Tá gẅi. Á lejʉ́ŋ Ssé yɔ̀ɔn gie e giŋé ńgwɔ́ Ssé gi.