Matio 5:5 - Nouveau Testament en Ngienboum

⁵ Pàshÿó mbòŋo ee pʉ̀a pie e té gÿo ga’ ga’ wɔ́, «mélà’mie pɔ́ ge gÿo jÿó ngwòŋ».

Matio 5:5 Referans Kwoze

Ŋwà’ne Jâg 3:13

Nyìŋ lɔɔn ńgwɔ́ tsetsɛ̀ɛ pi, ńne ńkwaŋa ngie à gẅiin zse nò, ḿbiŋ ńgẅiin legyè, á lɔgɔ tsẅé mbòŋo yé ńnyɛ, ńgíŋ ńdɔg mefà’ mie é nyɛɛ ngie aa nyìŋ mbʉ́le pʉlé ńgwɔ́ nzsè nò, ńnyɛ.

Galatia 5:23

ńgwɔ́ lépʉ́le, ńgwɔ́ lékú’te mbùm. Áa kwà’ nénʉ́, *lepʉ̌ té lʉ’ sɔɔn shúm wɔ́.

Ŋwà’ne Jâg 1:21

Pú’u la, pi gwá’ menò ncÿǒ ntsèm, ńgwá’a mà gẅie à fóo nà lecÿɔ́g cÿɔ́g. Pi nuŋe ssé mvfò Ssé, ńzẅíŋe shwóŋè gie á ka pye tsɛ̀ɛ ntʉ́m pi. Á nue à ku’u légÿo pi tsẅɛ́.

Kolosia 3:12

E Ssé la kwoŋo gẅí, ńtsɔ́’ɔ gẅí, ńdɔg ńgÿo pʉ̀a pé. Pú’u la, pi píi tsẅé sẅé ḿma’, ńtsɔ́ɔn mezìŋe petsɔ́ pʉ̀a tɛ’, ńgẅiin pòŋo ntʉ́m, ńná nnɛ́ ssé, ńgwɔ́ ngàŋ mbʉ́lè, ńgẅiin shÿɔ̀gɔ ntʉ́m.

Matio 11:29

Pi píi *kɔ̌’ yɔ́ɔn ńjÿɔ́gɔ lóŋ pi, ḿbiŋ ńzẅíŋ ngie mèŋ n zí’i gẅi pá’ pi ge gÿo, á nue m bʉlé, ntʉ́m wɔ̀ɔn piŋ ńké tè cÿɔ́gte. Mèŋ n ge náa jʉ’ gie pi ge sẅéte ntʉ́m gẅi wó

Efeso 4:2

Pi sẅí’i mbùm gi ńnáa ssé, ńgwɔ́ pʉ̀a ḿbʉ́le pʉlé, ńgẅiin kwɔ́gɔ nnɛ́. À cʉa nà nkwòŋo gie ee tsetsɛ̀ɛ pi, pi gwá’a gyáŋa lóŋ.

1 Piɛ 3:15

Tá ńcʉ́’ pú’u, pi gwɔ́ tsɛ̀ɛ ntʉ́m gẅí, ńne ńnáa pɔ́ mekù’ Kristo ngie yé zɔɔ Ndè gẅi. Pi gwɔ́ fʉ̀’ ntsèm ńtyé pɔ́ pá’ nyìŋ zɛ́te gẅi ngie mélà’a kɔ́ pi tÿɔ́g nkwaŋá gẅi ná Kristo wɔ́, pi kyɛ́’te shwóŋó ngàŋ.

Titus 3:2

Gɔɔn né pɔ́b ngie tà pɔ́ gɔɔn nò tepòŋ né nyìŋ, ńgie pɔ́ pɔ́ɔn mentsaŋ, ńgie pɔ́ gwɔ́ pʉ̀a mbʉ́lè pʉ́lè, ńnéŋe ńná mekù’ wɔ̌wɔ́ɔ.

1 Piɛ 3:4

Á poŋ ngie à gí kẅìŋe nnɛ́ fó pɔ́ tsɛ̀ɛ ntʉ́m gẅí. Yɛ̌ áa kẅìŋe nnɛ́ gie á ge lá’a zɔ́gɔ ńnéŋe, à gwɔ́ lépʉ́le pʉlé té fa’ ntsaŋ. Áa mbwo Ssé ńgwɔ́ máamáa kẅìŋ.

1 Timote 6:11

Á ké ńgʉa ná gù gẅie ɔ́ɔ ngàŋa fà’ Ssé, ɔ̀ ne ńkÿo mɛ̌ menò tepòŋ, ńne ńkaga tʉ̀ ńgÿo pɔ́ menò mie é tyé ndʉŋ ndʉŋ, ḿbiŋ ne ńjú’u pɔ́ ndà’ ncwò Ssé, ńne ńzába ntʉ́m gú ná yé, ńne ńkwoŋo nyìŋ mesoŋ, ńne ńtʉte tʉte nzèm Ssé, ńtyé nà yɛ̌ nò wɔ́, ńgẅiin pɔ́ kwɔ́gɔ nnɛ́.

2 Timote 2:25

À gẅiin lélɔg mbʉ́lè ńda’te mmó mbwo pʉ̀a pie à gɔɔn nò pɔ́ kúbe pɔ́ shÿó. Ndyɛ̌’ tsɔ́ e Ssé gÿo ńná shÿó mbwo pɛ̌ pʉ̀a pɔ́ kúbe yɔb ntí lɔg sáŋa nò, éfó pú’u, ńzsé nò gie áa nénʉ́,

Roma 4:13

Atsɔ́ nò gíŋ ńgwɔ́ ngie e Ssé la ka’a mbwo Ábalam, mbɔɔ mbwo ngẅɛ̀ ye ngie à ge lá’ ná ngwòŋ mbwo pɔ́b. E Ssé lɔ̌ɔn tě ńka’a pá’ɔɔn, pɔ́ mélà’mie Ábalam la ne ńgÿo mmó gie *lepʉ̌ ne ńzɛ́te wɔ́, á la fó pɔ́ ná pá’ à záb ntʉ́m nà Ssé, e Ssé cʉ́’ ńdíe yé á gwɔ́ pɔ́ ndʉŋ ndʉŋ mvfò yé.

Matio 21:5

«Pi tsẅii mbwó pʉ̀a pie ée tsɛ̀ɛ tÿǒsoŋo Sioŋ ngie: Pɔ́ líe ńgyá pá’ fùɔ wɔ́b ne ńtóo né lejʉ́ŋ pɔ́b, ńgwɔ́ ngàŋ mbʉ́lè, ńnéŋe ndùm nzìkásè, á gwɔ́ mùɔ nzìkásè».