Matio 5:4 - Nouveau Testament en Ngienboum

⁴ Pàshÿó mbòŋo ee pʉ̀a pie e ne ńdʉa, mélà’mie Ssé ge gÿo tsí’i ntse nÿɔ́g mɔ́b

Matio 5:4 Referans Kwoze

Ŋwà’ne Ngyà jʉ’ 21:4

À ge gÿo tsí’i ntse nÿɔ́g mɔ́b ntsèm. Legwé tè gÿo gíŋe gwɔ́ wó wɔ́. Mé le gíŋe ńdʉa legwé wɔ́. Mé le gíŋe ńga’te wɔ́. Mé le gíŋe ńgyá ngɔ́’ wɔ́. Á nue ngwòŋ we nzẅìŋ kéen ḿmag.

Lukase 6:21

Pi ee pàshÿó mbòŋo pi pie pi ne ńkwé nzyè fʉ̀’ɔɔn, mélà’mie e Ssé ge gÿo jÿɔ́gɔ gẅí, pi zẅɛ́. Pi ee pàshÿó mbòŋo pi pie pi ee fʉ̀’ɔɔn ńne ńdʉa, mélà’mie pi ge gÿo gẅe.

Ŋwà’ne Jâg 1:12

Ashÿó mbòŋo, aa nyìŋ gẅie ngʉ̀ngʉ̀ kúu yé á tʉte tʉte, á nue pá’ ngʉ̀ngʉ̀ lʉŋté yé á tʉte tʉte lá, e Ssé ge tɔ’ ngú’ twó yé. E lɔgɔ ńgwɔ́ le gwɔ́ tèmì gẅie à la ka’a mbwo wɔ̌ɔwɔ́ɔ gẅie à kwoŋo yé Ssé.

Lukase 16:25

Ábalam tsɔ́’ɔ mbwo yé ngie: Míŋ wɔ̀ɔn, kímte pá’ ɔ̀ ka nyé tsɛ̀ɛ njÿó ńgwɔ́ tsɛ̀ɛ fù’, Nǎzalo ne ńgyá ngɔ́’, á piŋ ńgwɔ́ fʉ̀’ɔɔn, Nǎzalo gwɔ́ tsɛ̀ɛ fù’, ɔ̀ ne ńgyá ngɔ́’.

Lukase 6:25

Pi ee pàshÿó tepòŋ, pi pie pi ee fʉ̀’ɔɔn ḿpfɛ́ɛ ńzẅɛ́ɛ, mélà’mie pi ge lá’ kwé nzyè. Pi ee pàshÿó tepòŋ pi pie pi ne ńgẅe fʉ̀’ɔɔn, mélà’mie pi ge lá’ cʉ́’ʉ ńnéŋe pɔ́ tsɛ̀ɛ lemÿɔg é piŋ ne lʉa.

Lukase 7:50

Yěsô gíŋe ńgɔɔn né manzwě ŋwɛ́ ngie: Ɔ̀ tsẅɛ̌ ndòon menò tepòŋ mú, mélà’mie ɔ̀ zǎb ntʉ́m ɔ́ ná mèŋ. Gʉa lê sẅétè.

Lukase 7:38

ńkuu ndá, ńtyé nzèm Yěsô, á ngʉ̀ŋe mekwò mé, ńzye lélʉa, ńdʉa lʉa tà ntse nÿɔ́g mé kẅɛ ńcʉ́mte na mekwò Yěsô. Mé gwɔ gyá manzwě ŋwɛ́ ne ńdɔgɔ menòŋo twó mé ńtsí’i mekwò Yěsô, ńtɔ́ɔn ésiŋte ńdɔgɔ laméndɔ́ɔn yɛ̌ ńzɔ́’ɔ.