Matio 5:18 - Nouveau Testament en Ngienboum

¹⁸ Tà mèŋ n ké shwóŋó gẅí, kwà’ nénʉ́, lefàŋ pɔ́ tsetsá’ ge lá’ ńnéŋe pɔ́ lêkɔ́ wɔ́, mùɔ mélǎga nò lê pilé, múɔ mémmó lê pilé le nà *lepʉ̌ pyé. À ké ńgwɔ́ pɔ́ pú’u, tà ńkú fʉ̀’ gie àkɔ̌kɔ gie *lepʉ̌ gɔɔn à pumté.

Matio 5:18 Referans Kwoze

Lukase 16:17

Tá n ké tě ńdɔgɔ ńgɔɔn ngie *lepʉ̌ Mǒsê mǎg wɔ́, lefaŋ pɔ́ tsetsá’ ge lá’ mag tá á le tʉ, à lɔɔn ńgwɔ́ múɔ mélǎga nò lê pilé, á le lá’ ḿbyé nà *lepʉ̌ Mǒsê wɔ́.

1 Piɛ 1:25

Tá’, ashwóŋè Cʉ̀apʉ̀a á ge lá’a tyé pɔ́ pú’u, é mengù’u mengù’. Yɛ̌ shwóŋè áa gie pi ka jú’u tsɛ̀ɛ nkʉ̀ mbòŋo gẅie mé ka tsẅii mbwo pi.

Malékuse 13:30

Mèŋ shwóŋó gẅi kwà’ nenʉ́, akwò pʉ̀a pie ée tsɛ̀ɛ njÿó fʉ̀’ɔɔn, té ge lá’ kwéte tà mag, té gwɔ́ gie mɔɔn menò ntsèm tǒ wɔ́.

Ŋwà’ne Ngyà jʉ’ 20:11

M biŋ ńgyá tsɔ̌ máamáa lʉŋe lefùɔ tyé, ńgwɔ́ féfɔ́gɔ, ńgyá mbɔɔ nyìŋ gẅie à ńnéŋe mǒ. Tsetsá’ pɔ́ lefaŋ pú fó mvfò yé ńkÿo. À yɔ́b jʉ’ té gíŋe ńgwɔ́ wó wɔ́.

Ŋwà’ne Jâŋ 5:19

Yěsô gíŋe ńgɔɔn né pɔ́b ngie: Tà mèŋ shwóŋó gẅí, kwà’ nénʉ́, Míŋ Ssé tè gÿo tsɔ́ mmó pɔ́ lê yé twó wɔ́, à gÿo pɔ́ mmó gie à ne ńgyá Tá we gÿo. Akɔ́ɔkɔ́ɔ gie Tá gÿo, Múɔ giŋé ńgÿo pɔ́ yɛ̌.

Matio 17:20

Á tsɔ́’ɔ mbwó pɔ́b ngie: Ee, mélà’mie pi záb ntʉ́m nà Ssé pɔ́ méjʉ’ lepile. Pi lɔɔn fó ńzáb ntʉ́m gẅi nà Ssé pɔ́ méjʉ’ pá’ lesɔ́ɔn sésɔg, mbà à lɔɔn ńgwɔ́ pi gɔɔn né lekwɛ́ sɛ̂ ngie: Tsɔ́’ɔ ńgʉa ńtyé jʉ’ʉ, é gʉa ńtyé jʉ’ó. Mbà à lɔɔn ńgwɔ́ tsɔ́ nò á le lá’ ńcʉa gẅi wɔ. [

Matio 16:28

Mèŋ shwóŋó gẅí, kwà’ nénʉ́, etsɔ́ ntá’ ná pʉ̀a pie ée jʉ’ɔɔn fʉ̀’ɔɔn té gÿo kwé, té gwɔ́ gie pɔ́ gyǎ pá’ *Míŋ Nyìŋ tǒ pá’ fùɔ wɔ́.

Matio 13:17

Tà mèŋ n ké shwóŋó gẅí, kwà’ nénʉ́, pà*ntsẅì nkʉ̀ Ssé tà ńgyɔ́ɔn, mbàa pàkú’te *lepʉ̌ la tsɔ́ɔn légyá menò mie pi gyá lɛ̂ tɛ’, pɔ́ té gyá, ńtsɔ́ɔn lé jú’ menò mie pi jú’u lɛ̂, pɔ́ té jú’

Matio 10:23

Mé lɔɔn ne ńkʉe gẅi a tsɛ̀ɛ yɔ̀ɔn tÿǒsoŋ, pi kÿo ńgee tsɛ̀ɛ yetsɔ́. Mèŋ n ge shwóŋó gẅí, kwà’ nénʉ́, pi tè lá’ kú metÿǒsoŋ Israel tà ḿmag té gwɔ́ gie *Míŋ Nyìŋ tǒ wɔ́.

Matio 6:2

Ɔ̀ lɔɔn ńgee ńná nkáb mbwó pàte mmó, tè gÿo pé pá’ mé ge tyé ne gyá. Megàŋa ŋá’te nnɛ́ zɔ̌ gÿo pú’u. Pɔ́ kúu *ndá cú’tè, ńtyé mbɔɔ metwó nzsè tá ńnáa mmó, pú’u, ngie pʉ̀a gɔ’te wɔ́b. Tà mèŋ shwóŋó gẅí, kwà’ nénʉ́, pɔ́ ně ńda’ ńkẅé ntsɔ’ɔ́ fà’ wɔ́b.

Matio 5:26

Tà mèŋ shwóŋó gẅí, kwà’ nénʉ́, àngàŋ ge lá’ gwɔ kẅɛɛ tsǎŋ, é pú toŋo kɔ́ɔkɔ́ gie mé ne ńkʉ́a mbwo yé tà tsɔ́ le pyé.

Ŋwà’ne Jâŋ 21:18

Tà mèŋ shwóŋó gu, kwà’ nénʉ́, ɔ̀ ka nyě ńgwɔ́ mûɔ shùm, gù zɔ̌ kwɛ́ɛ nkandɔ́ɔn jù, ḿbiŋ ńgee jʉ’ gie ɔ̀ kwǒŋ, ɔ̀ ge ké gwɔ́ tà zẅiŋ, é cʉ́’ ka’ pɔ́ mbwó mú, é náa tÿǒ tá nyìŋ ndyɛ̀’ɛ kwɛ́ nkandɔ́ɔn jù, ńdɔgɔ gú ńgʉa jʉ’ gie ɔ̀ tè ne ńkwoŋo wɔ́.

Ŋwà’ne Jâŋ 16:23

Áa gÿo gwɔ́ lyɛ’ó, pi le gíŋe ńgẅiin tsɔ́ nò gie pi ge zɛ́te wɔ̀ɔn mɔ́. Tà mèŋ shwóŋó gẅí, kwà’ nénʉ́, pi lɔɔn ńdɔg lezíŋ sɔ́ɔn ńdúɔ mmó mbwo Tá wɔ̀ɔn, mbà à ge ná.

Ŋwà’ne Jâŋ 16:20

Tà mèŋ shwóŋó gẅí, kwà’ nénʉ, pi ge gÿo lʉa, é cúa mbùm gí, é ńnéŋe nê lemÿɔg, epʉ̀a njÿó ne ńkága yɔ́b kǎg. Tá lemÿɔg gẅi gÿo sele ńcʉ́’ pɔ́ lekág.

Ŋwà’ne Jâŋ 14:12

Tà mèŋ shwóŋó gẅí, kwà’ nénʉ́, nyìŋ záb ntʉ́m ná Mèŋ, mbà à ge fa’ yé mefà’ mie mèŋ ne fa’a, tà mé fáŋ ńtɔ́g mɔ́ɔn, á nue mèŋ n gee né lejʉ́ŋ Tá.

Ŋwà’ne Jâŋ 13:38

Yěsô tsɔ́’ ngie: Ɔ̀ gɔɔn ngie ɔ̀ ge náa twó jú é tí wɔ̀ɔn? Tà mèŋ shwóŋó gú, kwà’ nénʉ́, mênkɔ’ ge gÿo gwaa tóŋ lyɛ̌’ɔɔn, mbà ɔ̀ moŋé wɔ̀ɔn ngʉ̀a ntá.

Ŋwà’ne Jâŋ 13:16

Tà mèŋ shwóŋó gẅí, kwà’ nénʉ́, anzì’i fà’ tè fáŋ ńtɔ́gɔ tá fà’ we wɔ́, angàŋ ntúm ké tè fáŋ ńtɔ́gɔ nyìŋ gẅie à ne ńtúmo yé wɔ́.

Ŋwà’ne Jâŋ 12:24

Tà mèŋ shwóŋó gẅí, kwà’ nénʉ́, mvòm ngesáŋ lɔɔn tè gwe ssé tà ńkwé wɔ́, mbà e ge gwɔ́ pɔ́ yémɔ’ɔ́. Tá ńké ńkwé, mbà e ge sá’, é ná memvòm tà é gyɔ́ɔn gyɔ́ɔn.

Ŋwà’ne Jâŋ 10:7

Yěsô gíŋe ńgɔɔn mbwo pɔ́b ngie: Tà mèŋ shwóŋó gẅí, kwà’ nénʉ́, ncwò nká’ menjʉ̀njyò à gwɔ́ pɔ́ mèŋ.

Ŋwà’ne Jâŋ 10:1

Yěsô gíŋ ńgɔɔn ngie: Tà mèŋ shwóŋó gẅí, kwà’ nénʉ́, nyìŋ lɔɔn ńzyɛ́’ pɔ́ lepàa nká’ tà à tè pfó pɔ́ ncwò nká’ tá ńkúu tsɛ̀ɛ nká’a mvfó wɔ́, mbà ngàŋ aa ntsǒŋ, ńgíŋe ńgwɔ́ fÿɛ́.

Ŋwà’ne Jâŋ 8:58

Yěsô tsɔ́’ɔ mbwo pɔ́b ngie: Tà mèŋ shwóŋó gẅí, kwà’ nénʉ́, Ábalam la gwaa gwɔ́ wó, ńgwɔ́ N gee gwɔ́.

Ŋwà’ne Jâŋ 8:51

Tà mèŋ shwóŋó gẅí, kwà’ nénʉ́, nyìŋ lɔɔn ńgiŋe nà shwóŋè gie mèŋ n gɔ̌ɔn, mbà ngàŋ tě ńdá’a ńkwé wɔ́.

Ŋwà’ne Jâŋ 8:34

Yěsô tsɔ́’ɔ mbwo pɔ́b ngie: Tà mèŋ shwóŋó gẅí, kwà’ nénʉ́, mânyìŋ ntsèm gẅie à gÿo nò tepòŋ, aa nkwɔɔn nò tepòŋ.

Ŋwà’ne Jâŋ 6:53

Yěsô tsɔ́’ɔ mbwo pɔ́b ngie, tà mèŋ shwóŋó gẅí, kwà’ nénʉ́, pi lɔɔn tè pfɛ́ mbab nnɛ́ *Míŋ Nyìŋ, ńnú metse mé wɔ́, mbà pi tě ge gwɔ́ wó wɔ́.

Ŋwà’ne Jâŋ 6:47

Tà mèŋ shwóŋó gẅí, kwà’ nénʉ́, nyìŋ lɔɔn ńzáb ntʉ́m ná mèŋ, mbà ngàŋ ge gẅiin le gwɔ́ tèmì.

Ŋwà’ne Jâŋ 6:32

Yěsô tsɔ́’ɔ mbwo pɔ́b ngie: Tà mèŋ shwóŋó gẅí, kwà’ nénʉ́, Mǒsê la tè ná shúm léjÿó sie é fóo tÿǒ lepwó né pi wɔ́. Tá wɔ̀ɔn zɔ ne ńnáa kwà’ shúm léjÿó sie é fóo tÿǒ lepwó né pi.

Ŋwà’ne Jâŋ 6:26

Yěsô tsɔ́’ɔ mbwo pɔ́b ngie: Tà mèŋ shwóŋó gẅí, kwà’ nénʉ́, pi tě séen fa’a wɔ̀ɔn, pɔ́ mélà’mie pi ka gyá menò mmɔɔn mmɔɔn mie mèŋ n ka gÿo, é nyɛɛ metʉ̀ Ssé wɔ́, pi fa’a wɔ̀ɔn ńtí pɔ́ pá’ pi ka pfɛ́ mbelég tà ńzẅɛ́.

Ŋwà’ne Jâŋ 3:11

Tà mèŋ shwóŋó gú, kwà’ nénʉ́, peg gɔɔn nò nà mmó gie pèg ne ńzsé, ńgɔɔn gie peg ne ńzsé nà mmó gie peg la gyá, tá’ pi ké tè zẅíŋe nò gie peg gɔɔn wɔ́.

Ŋwà’ne Jâŋ 3:5

Yěsô tsɔ́’ ngie tà mèŋ shwóŋó gẅí, kwà’ nénʉ́, à lɔɔn ńgwɔ́ nyìŋ le kúu tsɛ̀ɛ nò *lefùɔ Ssé té gwɔ́ gie mé lɔ̌g ntse ńzyé yé, ńgíŋe ńdɔgɔ zẅìge ńzyé yé wɔ́.

Ŋwà’ne Jâŋ 3:3

Yěsô tsɔ́’ɔ mbwo yé ngie: Tà mèŋ shwóŋó gẅí, kwà’ nénʉ́, à lɔɔn ńgwɔ́ nyìŋ le gyá *lefùɔ Ssé té gwɔ́ gie mé giŋé ńzyé yé tsɔ́ legʉ̀a wɔ́.

Ŋwà’ne Jâŋ 1:51

Yěsô gíŋe ńkẅi’i ńgɔɔn ngie: Tà mèŋ shwóŋó gẅí, kwà’ nénʉ́, pi ge gÿo gyá ncwò tÿǒ lepwó tsɔ́’ɔ ńtyé, *mecÿɔ́’ Ssé ne fóo wó, ésẅɛ́’ɛ ḿbiŋe ńkwɔ́’ɔ, ńtóo ná *Míŋ Nyìŋ.

Lukase 23:43

Yěsô tsɔ́’ ngie: Mèŋ shwóŋó gú, áa kwà’ nénʉ́, ngie, pé lyɛ̌’ɔɔn pɔgɔ ge gwɔ́ tsɛ̀ɛ lekág mvfò Ssé.

Lukase 18:29

Yěsô tsɔ́’ ngie: Tà mèŋ shwóŋó gẅí, kwà’ nénʉ́, nyìŋ lɔɔn ńnyé ndá ye, ńnyé nzwě we, ńnyé méfɛ̌ pé, ńnyé tá we pɔ́ má we, ńgwá’ gubé yé, ńtí léfùɔ Ssé,

Lukase 18:17

Mèŋ shwóŋó gẅí, kwà’ nénʉ́, nyìŋ lɔɔn tè cʉ́’ pá’ mûɔ mémúɔ, ńzẅíŋ ngie Ssé zɔ cʉ’ʉ́ sá’a yé wɔ́, mbà pɔ́ Ssé téen ńdá’a ńteme nò wɔ́, ńzẅíŋ *lefùɔ Ssé pá’ mûɔ wɔ́, mbà ngàŋ à tè ku’u lé lá’ ńkúu nà nò lefùɔ ŋwɛ́ wɔ́.

Lukase 13:35

Cʉ́’ tà mèŋ n ké shwóŋó gẅí, *jʉ’ʉ Ssé gi ge cʉ́’ʉ fomo ndá, mbà Ssé gwa’á gẅí. Pi le gíŋe ńgyá wɔ̀ɔn mɔ́, tà lá’ kúu lyɛ̌’ gie pi ge gɔɔn ngie: E Ssé gwɔ́ lé nyìŋ gẅie à tóo nà lezíŋ sé.

Lukase 12:37

Pàshÿó mbòŋo ée ngàŋa fà’ gie tá fà’ wɔ́b gwaa tó, mbà pɔ́ kaa lyé. Oon, mèŋ shwóŋó gẅí, á gwɔ́ nénʉ́, à ge tém nzsǒ fà’, é tsẅi megàŋa fà’ pé ńnéŋe ssé, à lɔg shúm ńcʉa, ńgab pɔ́ pfɛ́.

Lukase 11:51

Epʉ̀a pie Ssé ge lá’ zɛ́te metse mɔ́b mbwo pʉ̀a pie ee tsɛ̀ɛ ngÿo fʉ’ɔɔn zɔɔn ńgyɔ́ɔn tɛ’. Tà fó ná me Abe gẅie mé la vɔgɔ ná yé lézẅé, ńgʉa ńkúu ná me Sakarîɛ gẅie mé la fó ńzẅé yé pɔ́ ncwò *jʉ’ʉ Ssé, á ngʉ̀ŋe jʉ’ gie mé nuŋe pwɔ́’ wó. E Ssé ge lá’ pú zɛ́te wɔ́b métsèm pɔ́ mbwo pʉ̀a pie ée tsɛ̀ɛ njÿó fʉ̀’ɔɔn.

Malékuse 14:30

Yěsô tsɔ́’ɔ mbwo yé ngie: Tà mèŋ n ké shwóŋó gú, kwà’ nénʉ́, mênkɔ́’ ge gÿo gwaa ye à toŋo tǒŋ lêtsẅɛ́’ lyɛ̌’ɔɔn ngʉ̀a mbʉ́a, mbà ɔ̀ moŋé wɔ̀ɔn ngʉ̀a ntá.

Malékuse 14:25

Mèŋ shwóŋó gẅí, kwà’ nénʉ́, Mèŋ n tě ńdá’a ńgíŋe ńnú mɔɔn melù’ wɔ́, tà lá’ cʉ́’ʉ núu pɔ́ me sẅé á fʉ̀’ gie Ssé zɔ cʉ’ʉ́ sá’a njÿó.

Malékuse 14:18

ńnéŋe ssé, ńzye léjÿó mmó. Yěsô gɔɔn ngie: Mèŋ shwóŋó gẅí, kwà’ nénʉ́, atsɔ̌ tà’ nyìŋ tsetsɛ̀ɛ pi gee sẅǐŋ mèŋ, tà ńgwɔ́ pɔ́ nyìŋ gẅie peg yé teme ngwʉ̌ŋ.

Malékuse 14:9

Mèŋ shwóŋó gẅí, kwà’ nénʉ́, nzɔ̌ nzɔ̌ wɔ́ gie mé ge lá’ tsẅi nkʉ̀ mbòŋo wɔ̀ɔn tsɛ̀ɛ njÿó wɔ́, mé ge lá’ gíŋe ne gɔɔn mmó gie manzwě wɔɔn gÿǒ é lɔg kímte yé.

Malékuse 12:43

Yěsô gyá, ńtóŋ *ngàŋa kwò yé, ńgɔɔn né pɔ́b ngie: Mèŋ shwoŋo gẅí, kwà’ nénʉ́, ampfɔ̌g manzwě wɔɔn, ńgwɔ́ mbóŋ něŋ nkáb jʉ’ó, ńcʉa pʉ̀a metsèm.

Malékuse 11:23

Mèŋ shwoŋo gẅí, kwà’ nénʉ́, nyìŋ gẅi lɔɔn ńgɔɔn mbwo lekwɛ́ ngie efó jʉ’ɛ̂, ńgʉa ńtyé tsɛ̀ɛ ntse té pàa, ńgɔɔn té ne ḿmʉ́’te, ńzáb ntʉ́m nà Ssé, mbà Ssé ge zẅíŋ à gwɔ́ pú’u.

Malékuse 10:29

Yěsô tsɔ́’ ngie: Tà mèŋ shwóŋó gẅí, kwà’ nénʉ́, à lɔɔn ńgwɔ́ nyìŋ le nyé ndá ye, ńnyé mefɛ́ pé pe mbàŋa mbɔɔ pe pànzwě, ńnyé má we pɔ́ tá we, ńnyé pènkʉ́ pé pâ menká’ mé, mélà’ mɔ́ɔn mbɔɔ mélà’ nkʉ̀ mbòŋo gẅie à gee ntsẅǐ,

Malékuse 10:15

Mèŋ shwóŋó gẅí, kwà’ nénʉ́, nyìŋ lɔɔn tè cʉ́’ pá’ mûɔ mémúɔ, ńzẅíŋ ngie Ssé zɔ cʉ’ʉ́ sá’a yé wɔ́, mbà pɔ́ Ssé té ńdá’a ńteme nò wɔ́.

Malékuse 9:41

Mèŋ shwóŋó gẅí, kwà’ nénʉ́, nyìŋ lɔɔn ńgwaa náa méjʉ’ʉ ntse né pi, ńnáa, mélà’mie pi ee pʉ̀a pɔ́ɔn, mbà wé ntsɔ’ɔ́ fà’ téen ńdá’a ḿbyé wɔ́.

Malékuse 9:1

Yěsô gíŋe ńgɔɔn né pɔ́b ngie: Mèŋ shwóŋó gẅí, kwà’ nénʉ́, ngie: Etsɔ́ ntá’ ná pʉ̀a pie pɔ́ ée jʉ’ɔɔn fʉ̀’ɔɔn té ge gÿo kwé té gwɔ́ gie pɔ́ lɔ̌g nÿɔ́g ńgyá *Lefùɔ Ssé pá’ é tóo lê shʉ́shÿɔ́g wɔ́.

Malékuse 8:12

Yěsô jú’ tà ńzẅi, ḿbiŋ ńgɔɔn né pɔ́b ngie: epʉ̀a pie ée tsɛ̀ɛ njyó fʉ̀’ɔɔn ne ńzɛ́te ngie mèŋ n gÿo nò mmɔɔn mmɔɔn, éfa’a légǎ? Tá’, pi cʉ́’ mèŋ shwóŋó gẅi kwà’ nò nénʉ́, mé té ne nge nyɛɛ wɔ́b tsɔ́ mmó wɔ́.

Malékuse 6:11

Pʉ̀a tsɔ́ lá’ lɔɔn ńdʉ’ʉ lékúe gẅí, ńdʉ’ʉ lé jú’u shwóŋè gí, pi fó wó ńgwaa gʉa, ḿbú’u pfepfɔ́b mekwò pi, lélɔg ńnyɛɛ wɔ́b ngie nò gie pɔ́ gÿǒ, á cʉ́’ʉ ńdíe pɔ́ wɔ́b.

Malékuse 3:28

Tà mèŋ ńke shwóŋó gẅí, kwà’ nénʉ́, à lɔɔn ńgwɔ́ Ssé lá’ ḿbú ńdege menò tepòŋ pʉ̀a mesoŋ ntsèm ńnáa mbwo pɔ́b, tà mbɔɔ meshwóŋè ntsèm mie pɔ́ lɔgɔ ńzoonte yé.

Matio 25:45

Fùɔ tsɔ́’ɔ mbwó pɔ́b ngie: Mèŋ shwóŋó gẅí, kwà’ nénʉ́, mbàa yɛ̌ fʉ̀’ wɔ́ gie pi la tè gÿó mɔɔn menò á ná wɛ̌ mûɔ ményìŋ gẅie aa fɛ́ wɔ̀ɔn mɔ́, mbà pi la gíŋe tè mmó ná mèŋ gÿo.

Matio 25:40

Àfùɔ tsɔ́’ɔ mbwó pɔ́b ngie: Mèŋ shwóŋó gẅí, kwà’ nénʉ́, mbàa yɛ̌ fʉ̀’ wɔ́ gie pi la gÿo mɔɔn menò, ná wɛ̌ mûɔ ményìŋ gẅie aa fɛ́ wɔ̀ɔn mɔ́, mbà pi lɔ̌ɔn ńgÿo pɔ́ ná mèŋ.

Matio 25:12

Tá á gɔɔn né pɔ́b ngie: Tá mèŋ shwóŋó gẅí, kwà’ nénʉ́, mèŋ n tě ne ńzsé gẅi wɔ́.

Matio 24:47

Mèŋ shwóŋó gẅí, kwà’ nénʉ́, tá fà’ we ge cʉ́me shúm sé ntsèm ntsèm mbwó yé.

Matio 24:2

Tá Yěsô gɔɔn né pɔb ngie: Pi kaa gyá jʉ’ yɛ̂ wa? Tà mèŋ n ké shwóŋó gẅí, kwà’ nénʉ́, àtsɔ́ lyɛ̌’ ge gÿo gwɔ́, mé pú ńtág tà tóon le gíŋe ńzébe nà tsɔ̌ wɔ́.

Matio 23:36

Mèŋ shwóŋó gẅí, kwà’ nénʉ́, mé ge lá’ tsɔ́’ ndu ndú menò ámɛ̌, é ná né pʉ̀a pie ee tsɛ̀ɛ njÿó fʉ’ɔɔn.

Matio 21:31

Àwɔ̌ nà penkʉ́ pɔɔn mépʉ́a la gÿo mmó gie tá wɔ́b ne ńkwoŋo? *Mentándá pànùŋe pwɔ́’ pâ melÿò tsɛ̀ɛ lá’ tsɔ́’ ngie: Aa ndùŋ mvfò. Yěsô leen ńké ńgɔɔn né pɔ́b ngie: Mèŋ shwóŋó gẅí, kwà’ nénʉ́, pàkẅé ncùb pà *Roma pâ pàkáa tÿǒ pànzwě ne njÿó pì *lefùɔ Ssé ńcʉa gẅí,

Matio 21:21

Yěsô tsɔ́’ɔ mbwó pɔ́b ngie: Mèŋ shwóŋó gẅí, kwà’ nénʉ́, pi lɔɔn ńzáb ntʉ́m nà Ssé, tà pi tè mʉ́’te, mbà pi ge ku’u légÿo mmó gie mèŋ n gÿǒ nà tÿǒ mbÿě ngem lɔɔn. Mbà à lɔɔn ńgwɔ́ pi gɔɔn né lekwɛ́ sɛ̂ ngie: Fó jʉ’ɛ ńgʉa ńtyé tsɛ̀ɛ ntse té pàa! É jú’ ncwò gẅí

Matio 19:28

Yěsô tsɔ́’ ngie: Tà mèŋ shwóŋó gẅí, kwà’ nénʉ́, mé ge lá’ kúu tsɛ̀ɛ ngwòŋ sẅé, *Míŋ Nyìŋ ńnéŋe nà lʉŋe lefùɔ yé gie á gẅiin shʉ́shÿɔ́g, pi pʉ̀a ntsɔ̀b pʉ́a nê legém pie pi la cʉ́me nzèm mèŋ, gíŋe ńnéŋe gí nà melʉŋ ntsɔ̀b pʉ́a nê legém, ńŋag pʉ̀a Israel, ngẅɛ̀ ntsɔ̀b pʉ́a nê legém

Matio 19:23

Yěsô gɔɔn mbwó *ngàŋa kwò yé ngie: Mèŋ shwóŋó gẅí, kwà’ nénʉ́, ngie: Á tʉʉ mbwó ngàŋa mmó lézẅíŋ ngie e Ssé zɔ cʉ́’ʉ sá’a yé.

Matio 18:18

Mèŋ n ge shwóŋó gẅí, kwà’ nénʉ́, ngie: Pi lɔɔn ńgyá nò tà ńdʉ’ʉ yɛ̌ nò ndùmo ssé tsétsa’, mbà mé ge gíŋe lʉ’ʉ tÿǒ lepwó. Pi ké ńgyá nò tà ńzẅíŋe ndùmo ssé tsetsá’, mbà mé ge gíŋe zẅíŋe yɛ̌ nò tÿǒ lepwó

Matio 18:3

ńgɔɔn ngie: Tà mèŋ shwóŋó gẅí, kwà’ nénʉ́, pi lɔɔn tè kúbe mà gẅí, tà ńcʉ́’ ńgwɔ́ pɔ́ pá’ gubé wɔ́, mbà pi tě ndá’a ńkúu tsɛ̀ɛ nò *lefùɔ Ssé wɔ́.

Matio 11:11

Yěsô gíŋe ńkẅi’i ńgɔɔn ngie: Mèŋ shwóŋó gẅí, kwà’ nénʉ́, àtsɔ̌ nyìŋ laa zɔɔn ńgwɔ́ wó tà ńtɔ́gɔ Jâŋ Mbabtis wɔ́. Tá á ké yɔ̀ɔn, mbà nyìŋ gẅie à pú ńkɔ́gɔ nà nò *lefùɔ Ssé, mbà á pú fáŋ ńcʉa Jâŋ.

Matio 10:42

Mèŋ n ge shwóŋó gẅí, kwà’ nénʉ́, nyìŋ lɔɔn ńná pɔ́ ndà’ galase ntse gẅie é ne sẅéte á mbwó múɔ mémúɔ, ńdɔgɔ pá’ wɛ̌ muɔ aa *ngàŋa kwò wɔ̀ɔn ńnáa, mbà wé ntsɔ’ɔ́ fà’ téen ńdá’a ḿbyé wɔ́.

Matio 10:15

Mèŋ n ge shwóŋó gẅí, kwà’ nénʉ́, àlyɛ̌’ gie Ssé ge lá’ ne tsɔ́’te mentsaŋ pʉ̀a mesoŋ, ngʉ̀ngʉ̀ pɛ̌ pʉ̀a gyɔ́ɔn ńcʉa yé pʉ̀a Sodom pâ yé pʉ̀a Gomor

Matio 8:10

Yěsô jú’u yɔ̀ɔn shwóŋò gie á kẅɛ̌ ncwò tándá ncù ńgɔ’te yé, ésele nnɛ́ ńgɔɔn mbwo lá’ gie aa nzèm yé ngie: Mèŋ shwóŋó gẅí, kwà’ nénʉ́, mbɔɔ tsɛ̀ɛ ngwòŋ pà Israel, mèŋ n kaa gyá tsɔ́ nyìŋ gẅie à zǎb ntʉ́m ná mèŋ pá’ yé wɔ́.

Matio 6:16

Pi lɔɔn ńkwoŋ kwoŋ ńnéŋe nzyè lésẅíŋte Ssé, tà pi sẅé’e shÿó gẅi pá’ pà nkwòŋ menÿɔ́g. Pɔ́ sẅé’e shÿó wɔ́b, ńdɔg ńnyɛ ngie pɔ́ ne ńnéŋe nzyè lésẅíŋte Ssé. Tà mèŋ shwóŋó gẅí, kwà’ nénʉ́, pɔ́ ně ńdá’ ńgẅiin ntsɔ’ɔ́ fà’ wɔ́b.

Lukase 4:24

Yěsô gíŋe ńgɔɔn né pɔ́b ngie: Tà mèŋ n ké shwóŋó gẅi nénʉ́, mé ee ntě ńzẅíŋe nò *ntsẅì nkʉ̀ Ssé lá’ pɔ́b wɔ́.