Matio 5:15 - Nouveau Testament en Ngienboum

¹⁵ Mé ké tè piŋ ńdyɛɛ lâm, ńdɔg ngwʉ̌ŋ ńkábte wɔ́. Mé lyɛɛ lâm, ńtÿɔ́g pɔ́ ndùm tápelè, á kyɛ’ pʉ̀a metsèm pie ée ndá.

Matio 5:15 Referans Kwoze

Malékuse 4:21

Yěsô gíŋe ńgɔɔn mbwo pɔ́b ngie: Tà a lɔɔn ńgwɔ́ nyìŋ lɔgɔ lâm ńtó, ḿbiŋ ńdɔg ngwʉ̌ŋ ńkábte, kà ńtÿɔ́g pɔ́ kesse kǔ wɔ́? Mé té tÿɔ́g pɔ́ nà jʉ’ gie mé pú ńgyá wɔ́ leen?

Lukase 11:33

Mé té lyɛɛ lâm pá’a légʉa ńtÿɔ́gɔ jʉ’ʉ lelyěen wɔ́, ḿbiŋ ńké tè lyɛ tà á ku’ mé kaa loŋgá ńdɔg ńkábte wɔ́. Mé lyɛɛ lâm, ńkaa ńtÿɔ́g pɔ́ ná tápele, á jʉ’ gie á ŋá’te lê tÿǒ, légwɔ́ gie pʉ̀a é ge gwɔ kúu ndá, é gyá à ne ńkyɛ’ɛ jʉ’.

Lukase 8:16

Ńgwɔ́ nyìŋ le lyɛɛ lâm ńdɔg ngwʉ̌ŋ ńkábte wɔ́, ndʉŋ ndʉŋ pá’ à lɔɔn ńgwɔ́ mé le lyɛɛ lâm ńtÿɔ́gɔ kesse kǔ wɔ́. Mé lyɛɛ lâm ńtÿɔ́gɔ ndùm tápele, tà nyìŋ gwaa kúu ndá ńne ńgyá kyɛ̀’.

Lukase 11:36

Ɔ̀ lɔɔn ńtÿɔ́gɔ kwò ɔ́ ńdiŋe, ḿbiŋe ne ńkÿo menò mie é gwɔ́ pɔ́ menò nzěm mboŋó, mbà ɔ̀ ge giŋe nà nò nénʉ́ kwà’ pá’ nyìŋ gẅiin lâm ńdɔgɔ ńgyá mánzsé mboŋó la.

Filipo 2:15

légwɔ́ gie, atsɔ́ mmó gie mé ge la’a gẅi mǒ á té gwɔ́ wó wɔ́. A*lɔ̌’ɔ gí á le gwɔ́ wó wɔ́. Pi lɔg ńgwɔ́ tsɛ̀ɛ yɔɔn njÿó, ńgwɔ́ púɔ Ssé pie tsɔ́ *lɔ̌’ té ná pɔ́b wɔ́, à lɔgɔ ńgwɔ́ ngie pi ee kyɛ̀’ gie á kyɛ’ɛ jʉ’ tsetsɛ̀ɛ yɔɔn nùɔ pʉ̀a pie é gwɔ́ pɔ́ megàŋa cÿɔ̌ nò, ńgíŋ ńgwɔ́ pà sẅáŋ lekÿɛ̀bɛ.

Heber 9:2

Mbà mé la jwoŋo máamáa ntàb, ńdɔgɔ mmó nzsǒ ńzá’ nzsè pʉ́a, ńtóŋo lúm we pǐ ngie tsɛ̀ɛ jʉ’ gie e Ssé ee wo, tsɔ̌ ntí máamáa túlukáŋ gwɔ́ jʉ’ó, ńgẅiin mentyɛ’ɛ́ sɔɔn mbʉ́a, tápele gíŋ ńgwɔ́ jʉ’ó, mbelég gie mé nǎ mbwo Ssé gwɔ́ ndùmo.

Ŋwà’ne Ngyà jʉ’ 2:5

Pi ké ńkímte jʉ’ gie pi la tyé wó tá ńgwe ssé, ńkúbe mà gẅi ńgíŋe fa’ mefà’ mie pi lɔ̌ɔn fa’a. Tà á té pú’u wɔ́, mbà mèŋ n dɔɔn ńgwaa tó, pi nyé pɔ́ tè kúbe mà, mbà mèŋ n ge kaa gẅi lâm, é kúbe jʉ’ yé.